ବରଗଡ଼, ୨୮ ଜୁଲାଇ (ହି.ସ.)- ଲମା ବିଲଡ଼ିଂ ଠାରୁ ଭଟଲି ଛକ ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ ପାଇଁ ୪୮ ଘଣ୍ଟା ଭିତରେ ଅବୈଧ ଦୋକାନ ଓ ବସତି ଭାଙ୍ଗିବ l ବରଗଡ଼ ସହରର ଲମା ବିଲଡ଼ିଂ ଠାରୁ ଭଟଲି ଛକ ପର୍ଯ୍ୟନ୍ତ ରାସ୍ତା ପ୍ରଶସ୍ତିକରଣ କାର୍ଯ୍ୟ ପାଇଁ ଜିଲ୍ଲା ପ୍ରଶାସନ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛି । ଏହି ଅଞ୍ଚଳରେ ରାସ୍ତା ପାର୍ଶ୍ୱରେ ଥିବା ଅବୈଧ ଅନଧିକୃତ ଦୋକାନ, ବଜାର ଏବଂ ବସତିଗୃହଗୁଡ଼ିକୁ ୪୮ ଘଣ୍ଟା ମଧ୍ୟରେ ହଟାଇବା ପାଇଁ ନୋଟିସ୍ ଜାରି କରାଯାଇଛି। ଏହି ଅଭିଯାନ ରାସ୍ତାର ଚଉଡ଼ାକରଣ ଓ ଟ୍ରାଫିକ ସୁବିଧା ବୃଦ୍ଧି କରିବା ଲକ୍ଷ୍ୟରେ ଆରମ୍ଭ ହେବ।

ସୂଚନା ଅନୁଯାୟୀ, ଏହି ଅଞ୍ଚଳରେ ଅନେକ ଦୋକାନ ଓ ବସତି ସରକାରୀ ଜମିରେ ଅନଧିକୃତ ଭାବେ ନିର୍ମାଣ ହୋଇଛି, ଯାହା ରାସ୍ତା ପ୍ରଶସ୍ତିକରଣରେ ବାଧା ସୃଷ୍ଟି କରୁଛି। ଜିଲ୍ଲା ପ୍ରଶାସନ ଓ ପୌରପାଳିକା ମିଳିତ ଭାବେ ଏହି ଅବୈଧ ନିର୍ମାଣ ହଟାଇବା ପାଇଁ କାର୍ଯ୍ୟ ଆରମ୍ଭ କରିବ । ନୋଟିସ୍ ଅନୁଯାୟୀ, ଦୋକାନୀ ଓ ବ୍ୟବସାୟୀମାନଙ୍କୁ ୪୮ ଘଣ୍ଟା ମଧ୍ୟରେ ନିଜ ନିର୍ମାଣ ହଟାଇବାକୁ ନିର୍ଦ୍ଦେଶ ଦିଆଯାଇଛି, ଅନ୍ୟଥା ପ୍ରଶାସନ ବୁଲଡୋଜର ବ୍ୟବହାର କରି ଏହାକୁ ଭାଙ୍ଗିବ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ