ନୂଆଦିଲ୍ଲୀ, 8 ଜୁଲାଇ (ହି.ସ.)- କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ
ଉପରେ ଦେଇଥିବା ଟିପ୍ପଣୀକୁ ଅପମାନଜନକ ବୋଲି ବର୍ଣ୍ଣନା କରିଛି। ବିଜେପି କହିଛି ଯେ,
ଏହି ବୟାନ
କଂଗ୍ରେସର ଦଳିତ ବିରୋଧୀ ମାନସିକତା। ବିଜେପିର ମୁଖପାତ୍ର ଗୌରବ ଭାଟିଆ ମଙ୍ଗଳବାର ପାର୍ଟି
ମୁଖ୍ୟାଳୟରେ ଏକ ପ୍ରେସ କନଫରେନ୍ସରେ କହିଛନ୍ତି ଯେ, ଖଡ଼ଗେ ବାରମ୍ବାର
ରାଷ୍ଟ୍ରପତି ପଦର ଅପମାନ କରୁଛନ୍ତି। ଯିଏ ରାହୁଲ ଗାନ୍ଧୀ ସଂବିଧାନକୁ ହାତରେ ଧରି ବୁଲନ୍ତି,
ତାଙ୍କ
ଇଶାରାରେ ଖଡ଼ଗେ ଏଭଳି ଅପତ୍ତିଜନକ ଟିପ୍ପଣୀ କରୁଛନ୍ତି। ଆଜି ଭାରତର ପ୍ରତ୍ୟେକ ନାଗରିକ ଏହି
ଘଟଣାର ନିନ୍ଦା କରୁଛନ୍ତି।
ଭାଟିଆ କହିଛନ୍ତି ଯେ ଖଡ଼ଗେ ଦ୍ରୌପଦୀ ମୁର୍ମୁଙ୍କୁ ମୁର୍ମା ଜୀ ବୋଲି
ସମ୍ବୋଧନ କରନ୍ତି ଏବଂ ପୂର୍ବତନ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ କୋଭିଡ୍
କହନ୍ତି। ସେ ଦ୍ରୌପଦୀ ମୁର୍ମୁଙ୍କୁ ଭୂ-ମାଫିଆକହନ୍ତି
– ସେ ଆମର ଜମି ଓ ଜଙ୍ଗଲ ଛଡାଇବା ପାଇଁ ରାଷ୍ଟ୍ରପତି ହୋଇଛନ୍ତି।
ରାହୁଲ ଗାନ୍ଧୀଙ୍କ ଇଶାରାରେ ଖଡ଼ଗେ ଯେପରି ଆଦିବାସୀ ଓ ଦଳିତ ବିରୋଧୀ,
ମହିଳା
ବିରୋଧୀ ଓ ସଂବିଧାନ ବିରୋଧୀ ବୟାନ ଦେଉଛନ୍ତି, ସେଥିପାଇଁ ସାରା ଦେଶ
ନିନ୍ଦା କରୁଛି।
ସେ କହିଛନ୍ତି ଯେ, ଯେତେବେଳେ କେହି ନିଜ ଦୂଃଖ-ସଂଘର୍ଷ ଓ
ପ୍ରୟାସ ଦ୍ୱାରା ଦେଶର ସର୍ବୋଚ୍ଚ ସଂବିଧାନିକ ପଦ ପର୍ଯ୍ୟନ୍ତ ପହଞ୍ଚିଥାଏ,
ସେତେବେଳେ
କଂଗ୍ରେସ ନେତାମାନେ ଇର୍ଷା କରିବା ଆରମ୍ଭ କରନ୍ତି। ଯେତେବେଳେ ଅଧୀର ରଞ୍ଜନ ଚୌଧୁରୀ
ରାଷ୍ଟ୍ରପତିଙ୍କୁ 'ରାଷ୍ଟ୍ରପତିନୀ' କହିଥିଲେ,
ସେତେବେଳେ
ସାମ୍ବାଦିକମାନେ ତାଙ୍କୁ କଡା ଉତ୍ତର ଦେଇଥିଲେ, କିନ୍ତୁ ସେ କେବେ ମାନିଲେ
ନାହିଁ, ପଶ୍ଚାତ୍ତାପ କରିଲେ ନାହିଁ। କାରଣ ଏହି ନେତାମାନେ କେବଳ ଗୋଟିଏ କାମ
ଜାଣନ୍ତି – କଂଗ୍ରେସ ଆଳାକମାନଙ୍କ ସାମ୍ନାରେ ନଇଁବା। ସେମାନଙ୍କର ଗରିମାର କୌଣସି
ଚିନ୍ତା ନାହିଁ, ସଂବିଧାନିକ ପଦ ପ୍ରତି କୌଣସି ସମ୍ମାନ
ନାହିଁ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
08 Jul 2025