ଶିମଲା, ଅଗଷ୍ଟ ୦୨ (ହି.ସ.)- ହିମାଚଳ ପ୍ରଦେଶରେ ଶୁକ୍ରବାର

ରାତିରୁ ପ୍ରବଳ ବର୍ଷା ଜନଜୀବନକୁ ସମ୍ପୂର୍ଣ୍ଣ ପ୍ରଭାବିତ କରିଛି। ଉନା ଜିଲ୍ଲାର ସ୍ୱା ନଦୀ

ଉଛୁଳି ପଡ଼ିଛି, ଯାହା ବନ୍ୟା ଭଳି ପରିସ୍ଥିତି ସୃଷ୍ଟି କରିଛି। ଉନା

ସହରର ଅନେକ ସ୍ଥାନରେ ଦୋକାନ ଏବଂ ଘରେ ବର୍ଷା ପାଣି ପ୍ରବେଶ କରିଛି ଏବଂ ପାଣି ଜମି ରହିବା

ଯୋଗୁଁ ରାସ୍ତା ବନ୍ଦ ହୋଇଯାଇଛି। ପରିସ୍ଥିତିକୁ ଦୃଷ୍ଟିରେ ରଖି ଜିଲ୍ଲା ପ୍ରଶାସନ ଉନା ଜିଲ୍ଲାର

ସମସ୍ତ ସରକାରୀ ଏବଂ ବେସରକାରୀ ସ୍କୁଲ, କଲେଜ, ଆଇଟିଆଇ, ତାଲିମ ପ୍ରତିଷ୍ଠାନ

ଏବଂ ଅଙ୍ଗନୱାଡି କେନ୍ଦ୍ରରେ ଆଜି 2 ଅଗଷ୍ଟ ଛୁଟି ଘୋଷଣା କରାଯାଇଛି। ପ୍ରଶାସନ ଲୋକମାନଙ୍କୁ ଅନୁରୋଧ

କରିଛି ଯେ ଅଯଥାରେ ଘରୁ ନ ବାହାରିବାକୁ ଏବଂ ସତର୍କ ରହିବାକୁ । କାଙ୍ଗଡ଼ା ଜିଲ୍ଲାର ପଙ୍ଗ

ଡ୍ୟାମରେ ଜଳସ୍ତର ୧୩୬୫ ଫୁଟରେ ପହଞ୍ଚିଛି। ଯେକୌଣସି ସମୟରେ ଏଥିରୁ ପାଣି ଛଡାଯାଇପାରେ।

ପ୍ରଶାସନ ଇନ୍ଦୋରା ଏବଂ ପଞ୍ଜାବର ହୋସିଆରପୁର ଅଞ୍ଚଳର ଲୋକମାନଙ୍କୁ ସତର୍କ ରହିବାକୁ କହିଛି।

ଉଦ୍ଧାର ଏବଂ ରିଲିଫ ପାଇଁ ସ୍ୱେଚ୍ଛାସେବକଙ୍କ ଦଳକୁ ପ୍ରସ୍ତୁତ ରଖିବା, ସ୍ଥାନୀୟ ଯୁବ ଗୋଷ୍ଠୀକୁ ସଜାଗ ରଖିବା ଏବଂ ମତ୍ସ୍ୟଜୀବୀ

ଏବଂ ବୁଡ଼ାଳିଙ୍କ ଦଳକୁ ଡଙ୍ଗା ସହିତ ନିୟୋଜିତ କରିବାକୁ ନିର୍ଦ୍ଦେଶ ଜାରି କରାଯାଇଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା