ନୂଆଦିଲ୍ଲୀ, 2 ଅଗଷ୍ଟ (ହି.ସ.)-କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ

ମନ୍ତ୍ରୀ ଜେ.ପି. ନଡ୍ଡା କହିଛନ୍ତି ଯେ ଅଙ୍ଗଦାନ ଜୀବନର ଏକ ଅମୂଲ୍ୟ ଉପହାର ଓ ଏହା ଏକ ପରୋପକାରୀ,

ସମତାମୂଳକ

ଓ ଅନିର୍ବାର୍ଯ୍ୟ ଭାବେ ନୈତିକ କାର୍ଯ୍ୟ ଅଟେ। କିନ୍ତୁ ଲୋକମାନଙ୍କ ମଧ୍ୟରେ ସଚେତନତାର ଅଭାବ କାରଣରୁ

ଆଜି ଅଙ୍ଗ ପ୍ରତ୍ୟାରୋପଣ ପାଇଁ ଆବଶ୍ୟକ ଲୋକମାନଙ୍କୁ ବହୁତ ଦିନ ପର୍ଯ୍ୟନ୍ତ ଅପେକ୍ଷା କରିବାକୁ

ପଡୁଛି । ସେ କହିଛନ୍ତି ଯେ ଗୋଟିଏ ମଣିଷ ତାର ଅଙ୍ଗଦାନ ଦ୍ୱାରା ଆଠଜଣ ଲୋକଙ୍କ ଜୀବନ

ବଞ୍ଚାଇପାରିବେ। ତେଣୁ ଏହାକୁ ଜନ ଆନ୍ଦୋଳନ ବନାଇବା ଆବଶ୍ୟକ।

ଜେ.ପି. ନଡ୍ଡା ଇଣ୍ଟରନ୍ୟାସନାଲ ଆମ୍ବେଦକର ସେଣ୍ଟରରେ ଜାତୀୟ ଅଙ୍ଗ ଓ ଉତକ ପ୍ରତ୍ୟାରୋପଣ

ସଂଗଠନ ଦ୍ୱାରା ଆୟୋଜିତ 15ତମ ଭାରତୀୟ ଅଙ୍ଗଦାନ ଦିବସର ଅବସରରେ 'ଅଙ୍ଗଦାନ - ଜୀବନ ସଂଜୀବନୀ

ଅଭିଯାନ' କୁ ସମ୍ବୋଧନ କରି କହିଛନ୍ତି ଯେ ଆଜି ଅଙ୍ଗ ପ୍ରତ୍ୟାରୋପଣର ଆବଶ୍ୟକତା

ଦିନକୁ ଦିନ ବଢ଼ୁଛି। ପ୍ରତିବର୍ଷ ହଜାର ହଜାର ଲୋକ ଅଙ୍ଗ ପ୍ରତ୍ୟାରୋପଣ ପାଇଁ ଅପେକ୍ଷା

କରୁଛନ୍ତି। ଅଙ୍ଗଦାନ କରୁଥିବା ଲୋକ ଓ ଯାହାକୁ ଅଙ୍ଗ ଦରକାର, ସେମାନଙ୍କ ମଧ୍ୟରେ ବେଶ

କ୍ଷୁଦ୍ର ଅନୁପାତ ଅଛି। ଅଙ୍ଗଦାନ କରିବାରେ ଆଜି ମଧ୍ୟ ଲୋକମାନେ ପଛରେ ଅଛନ୍ତି। ଏହାର କାରଣ

ହେଉଛି ଲୋକମାନେ ଏ ବିଷୟରେ ଅଧିକ ଜାଣନ୍ତିନାହିଁ ଓ ସମାଜରେ ବ୍ୟାପ୍ତ କିଛି ଭ୍ରମଧାରଣା ମଧ୍ୟ

ଅଛି। ଆଜିର ଦିନ ଓ ଏହି ଅନୁଷ୍ଠାନ ପ୍ରତ୍ୟେକ ଅଙ୍ଗଦାନ କରୁଥିବା ବ୍ୟକ୍ତିଙ୍କ ମହାନ କାର୍ଯ୍ୟକୁ

ସମ୍ମାନ ଦେବା ଓ ଲୋକମାନଙ୍କ ମଧ୍ୟରେ ସଚେତନତା ବୃଦ୍ଧି କରିବାର ଅବସର ଅଟେ ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା