ଜୟପୁର, ୨୫ ଅଗଷ୍ଟ (ହି.ସ.) - ଜୟପୁର କଲେଜ ଅଫ ଫାର୍ମାସୀ ଠାରେ ନାଗପୁର ରାଜୀବଗାନ୍ଧୀ ନ୍ୟାସନାଲ ଇନଷ୍ଟ୍ୟୁଟ ଅଫ ଇଂଟେଲକଚୁଆଲ ପ୍ରୋପର୍ଟି ମ୍ୟାନେଜମେଂଟର ମିଳିତ ଆନୁକୁଲ୍ୟରେ ସରକାରୀ ଅନଲାଇନ କର୍ମଶାଳା ଅନୁଷ୍ଠିତ ହୋଇଯାଇଛି। ଏହି କର୍ମଶାଳାକୁ ମୁଖ୍ୟ କନଭେନର ତନ୍ମୟ କୁମାର ମେହେର, ଡ.ପ୍ରୀୟମ୍ବଦା ଷଡଙ୍ଗୀ, କଲେଜର ଅଧ୍ୟକ୍ଷ ସତ୍ୟବ୍ରତ ଜେନା ଉପସ୍ଥିତ ଥିବା ବେଳେ ମୁଖ୍ୟ ବକ୍ତା ଭାବେ ସଂଯୋଜକ କୁମାର ରାଜୁ, ପୁଟ୍ଟା. ରାଜେଶକୁମାର ଯୋଗ ଦେଇ କାର୍ଯ୍ୟକ୍ରମ ପରିଚାଳନା କରିଥିଲେ। ଏହି କର୍ମଶାଳାରେ ଇଂଟେଲକଚୁଆଲ ପ୍ରୋପର୍ଟି ରାଇଟସ ଫିଲିଙ୍ଗ ବିଷୟରେ ଅତିଥି ମାନେ ଆଲୋକପାତ କରିଥିଲେ। ଏହି କର୍ମଶାଳାରେ ଦେଶର କୋଣ ଅନୁକୋଣରୁ ଫାର୍ମାସୀ ଶିକ୍ଷାନୁଷ୍ଠାନର ଅଧ୍ୟାପକ, ଅଧ୍ୟାପିକାଙ୍କ ସମେତ ଶତାଧିକ ଛାତ୍ରଛାତ୍ରୀ ଯୋଗଦାନ କରିଥିଲେ। ଶେଷରେ ସପ୍ସଯୋଜକ ମାନସୀ ଖାଡଙ୍ଗା ଧନ୍ୟବାଦ ଅର୍ପଣ କରିଥିଲେ।

ହିନ୍ଦୁସ୍ଥାନ ସମାଚାର / ପିକେପି