କୋରେଇ, ୨୫ଅଗଷ୍ଟ(ହି.ସ.) - ବୈତରଣୀ ନଦୀରେ ବନ୍ୟାଜଳ ବିପଦ ସଙ୍କେତ ତଳେ ପ୍ରବାହିତ ହେଉଛି । ଫଳରେ କୋରେଇ ବ୍ଲରେ ବନ୍ୟା ଆଂଶଙ୍କା ଟଳି ଯାଇଛି । ଲଘୁଚାପ ପ୍ରଭାବରେ ଉପର ମୁଣ୍ଡ ରେ ତିନି ଦିନ ଧରି ଲଗାଣ ବର୍ଷା ଓ ଆନନ୍ଦପୁର ଡ୍ୟାମ ଫାଟକ ସମୂର୍ଣ୍ଣ ଖୋଲା ଯାଇଥିବାରୁ ପ୍ରବଳ ପାଣି ଆସି ବୈତରଣୀ ନଦୀ ର ଜଳସ୍ଥର ଦୃତଗତିରେ ବଢି ଆଖୁଆପଦା ଠାରେ ବିପଦ ସଂକେତର ଢେର ଉପରେ ପ୍ରବାହିତ ହୋଇଥିଲା। ଫଳରେ ନଦୀରୁ ପାଣି ଉପରକୁ ଉଠିବାକୁ ଆରମ୍ଭ କରିଥିଲା । ଯାହା ଫଳରେ ନଦୀପଠାବାସୀ ବନ୍ୟା ଆଶଙ୍କାରେ ଥିଲେ । ଜଳସେଚନ ବିଭାଗ ସୁତ୍ରରୁ ମିଳିଥିବା ସୁଚନା ମୁତାବକ ଆଖୁଆପଦା ଠାରେ ବିପଦ ସଂକେତ ୧୮.୩୩ ମିଟର ରହିଥିବା ବେଳେ ଆଜି ଭୋର ୬ଟାରେ ସର୍ବାଧିକ୧୮.୮୬ରେ ପହଂଚିଥିଲା । ପରେ ପରେ କମିବା ଆରମ୍ଭ କରିଥିଲା ଆଜି ଦିନ ୧୦ ରୁ ମଧ୍ୟାନ୍ନ ୧୨ ଦୀର୍ଘ ଦୁଇ ଘଂଟା ଜଳସ୍ଥର ୧୮.୮୧ରେ ସ୍ଥିର ରହିଥିଲା । ଆଜି ଅପରାହ୍ନରେ ଜଳସ୍ତର କମି ୧୮.୪୩ ସଂଧ୍ୟା ୬ଟାରେ ୧୮.୨୪ରେ ପ୍ରଭାହିତ ହୋଇ ବିପଦ ସଙ୍କେତ ତଳେ ପହଂଚିଛି । ଲଘୁଚାପର ପ୍ରକୋପ କମିଥିବାରୁ ଆଜି କେଉଁଝର ଜିଲ୍ଲାରେ ବର୍ଷା କମି ଯାଇଛି । ସେହି ପାଣି ବୈତରଣୀ ନଦୀରେ ପ୍ରବାହିତ ହେବା ପରେ ଜଳ ସ୍ତର ଆଉ ବୃଦ୍ଧି ହେବାର ସମ୍ବାବନା ନାହିଁ ବୋଲି ଆଖୁଆପଦା ବ୍ୟାରେଜର କନିଷ୍ଟ ଯନ୍ତ୍ରୀ ଶୁଶାନ୍ତ କୁମାର ଦାସ ସୁଚନା ଦେଇଛନ୍ତି ।
ହିନ୍ଦୁସ୍ଥାନ ସମାଚାର / ଭାନୁ ଚରଣ
