ଭଦ୍ରକ, ୨୫ ଅଗଷ୍ଟ (ହି.ସ.)- ଓଡିଶା ଅମଲା ସଂଘ, ଭଦ୍ରକ ଜିଲ୍ଲା ଶାଖା ର ଏକ ଗୁରୁତ୍ୱପୂର୍ଣ୍ଣ ସାଧାରଣ ପରିଷଦ ବୈଠକ କର୍ମଚାରୀ ଭବନ, ଭଦ୍ରକ ଠାରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକ ରେ ଚିତରଞ୍ଜନ ତରାସିଆ, ରାଜ୍ୟ ସାଧାରଣ ସମ୍ପାଦକ, ଓଡିଶା ଅମଲା ସଂଘ, ହୃଦୟ ବିହାର ମହାପାତ୍ର, ଅଧ୍ୟକ୍ଷ, ଓଡିଶା ଅମଲା ସଂଘ, ବିରଂଚି ନାରାୟଣ ବରାଳ, ଉପ ସଭାପତି, ଓଡିଶା ଅମଲା ସଂଘ, ଓଡିଶା , ଲଲାଟେନ୍ଦୁ ବେହେରା, ଜିଲ୍ଲା ସଭାପତି, ପ୍ରଶାନ୍ତ ରାଉତରାୟ , ଜିଲ୍ଲା ଉପସଭାପତି, ପ୍ରମୁଖ ଉପସ୍ଥିତ ଥିଲେ । ଉକ୍ତ ବୈଠକରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତି ନିଆଯାଇଛି ଯାହାକି ସରୋଜ କୁମାର ମଲ୍ଲିକ, ଜିଲ୍ଲା ସାଧାରଣ ସମ୍ପାଦକ ଙ୍କ ଓଡିଶା ରାଜସ୍ୱ ସେବା କୁ ପଦୋନ୍ନତି ପରେ ଉକ୍ତ ପଦବୀ ୨୦୨୪ ମାର୍ଚ୍ଚ ମାସ ଠାରୁ ଶୂନ୍ୟସ୍ଥାନ ଅଛି । ଉକ୍ତ ବିଷୟ କୁ ବିଚାର କରାଯାଇ ମଧ୍ୟବର୍ତୀ କାଳୀନ ଭାବେ ଗଦାଧର ମହାପାତ୍ର ଙ୍କୁ ସାଧାରଣ ସମ୍ପାଦକ ଭାବେ ଆଗାମୀ ଜିଲ୍ଲା ସମ୍ମିଳନୀ ପର୍ଯ୍ୟନ୍ତ ଦାୟିତ୍ୱ ପରିଚାଳନା କରିବେ । ଉକ୍ତ ନିଯୁକ୍ତି ରାଜ୍ୟ ସଂଘ ସ୍ୱୀକୃତି ପ୍ରଦାନ କରିଛନ୍ତି । ଏଥିସହିତ ଜିଲ୍ଲା ଅମଲା ଙ୍କ ଲେଭେଲ ୯ ନିମନ୍ତେ ଯଥାସାଧ୍ୟ ପ୍ରଚେଷ୍ଟା କାରିବାକୁ ରାଜ୍ୟ ସଂଘ କାର୍ଯ୍ୟରତ ଅଛି । ଏହାକୁ ଫଳପ୍ରସୂ କରିବାକୁ, ସ୍ୱାସ୍ଥ୍ୟ ବୀମା ଲାଗୁକରିବା ଓ ପୁରୁଣା ପେନସନ ନିମନ୍ତେ ଓଡିଶା ସରକାରଙ୍କ ଉପରେ ଚାପ ପ୍ରୟୋଗ ନିମନ୍ତେ ସମସ୍ତ ବିଭାଗର ଅମଲା ଏକତ୍ରୀତ ହେବାକୁ ଆହ୍ୱାନ ଦିଆଯାଇଛି ।ହିନ୍ଦୁସ୍ଥାନ ସମାଚାର / ପ୍ରମୋଦ
ହିନ୍ଦୁସ୍ଥାନ ସମାଚାର / ପ୍ରମୋଦ କୁମାର ରାୟ
