ବଲାଙ୍ଗୀର, ୨୬ ଅଗଷ୍ଟ(ହି.ସ.) – ବଲାଙ୍ଗୀର ଜିଲ୍ଲା ତୁଷୁରା ଥାନା କୋଟଗାଁ ଚେକ୍ ଗେଟ୍ ନିକଟ ରେ ସନ୍ଦେହଜନକ ଅବସ୍ଥାରେ ଅଟକି ଥିବା ଏକ ଟ୍ରକ୍ (ସିଜି.୦୪ଏମ୍.ଜି ୪୨୯୦)କୁ ଅଟକାଇ ତୁଷୁରା ପୋଲିସ ଟ୍ରକରୁ ୧୧କ୍ୱିଂଟାଲ ୮କେଜି ୨ଠଠଗ୍ରମ ଗଞ୍ଜେଇ ଜବତ କରିବା ସହ ଗାଡିକୁ ଅଟକ ରଖିଛି। ବଡା କଥା ହେଲେ ଟ୍ରକରେ ଉପରେ ଚାଉଳ ବସ୍ତା ରଖି ଚୋରାଚାଲାଣକାରୀମାନେ ଭିତରେ ଜରି ପେକେଟରେ ବନ୍ଧା ଥିବା ଗଂଜେଇ ସବୁକୁ ଚାଲାଣ କରୁଥିଲେ। ପୋଲିସକୁ ଭ୍ରମରେ ପକାଇବକ୍ଷ ପାଇଁ ଅଭିଯୁକ୍ତ ମାନେ ଟ୍ରକରେ ଚାଉଳ ବସ୍ତା ଲୋଡ କରି ବିପୁଳ ପରିମାଣର ଏହି ଗଂଜେଇ ବସ୍ତାକୁ ଲୁକ୍କାୟିତ ଭାବେ ରଖି ଚୋରା ଚାଲାଣ କରିବାର ଯୋଜନା କରୁଥିଲେ। ଗଂଜେଇ ବସ୍ତା ସହ ପୋଲିସ ମାନେ ଟ୍ରକରୁ ୨୫କେଜିଆ ୨ଠଠଟି ଖୁଦ ପେକେଟ ମଧ୍ୟ ଜବତ କରିଛନ୍ତି। ତୁଷୁରା ଆଇଆଇସି ଶ୍ରୀ ଏମ.କେ ପ୍ରଧାନଙ୍କ ନେତୃତ୍ୱରେ ଏକ ପୋଲିସ ଟିମ୍ ଗଂଜେଇ ସହିତ ଏହି ଟ୍ରକ୍ କୁ ଧରିଥିବା ବେଳେ ପୋଲିସ ଟିମ୍ କୁ ଦେଖି ଟ୍ରକ୍ ଚାଳକ ଜଙ୍ଗଲ ଦେଇ ଫେରାର୍ ହୋଇଯାଇଥିଲା। ତେବେ ତୁଷୁରା ପୋଲିସ ଟ୍ରକ ଚାଳକ ଓ ଟ୍ରକ ମାଲିକଙ୍କ ନାମରେ ତୁଷୁରା ଥାନାରେ କେଶ ନଂ ୨ଠ୮, ଦଫା ୨ଠ(ବି), (ସି) ଓ ୨୯ ଏନ୍ଡିପିଏସ୍ ଆକ୍ଟରେ ଏକ ମାମଲା ରୁଜୁ କରିଛି।
ହିନ୍ଦୁସ୍ଥାନ ସମାଚାର/ଗୋପବନ୍ଧୁ/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
