ଭୁବନେଶ୍ୱର, ୨୬ ଅଗଷ୍ଟ (ହି.ସ.) – ରାଜ୍ୟସ୍ତରୀୟ କର୍ମବୀର ବସନ୍ତ ବିଶ୍ୱାଳ ସ୍ମୃତି କମିଟି ତରଫରୁ ଆସନ୍ତା ସେପ୍ଟେମ୍ବର ୭ ତାରିଖ ସନ୍ଧ୍ୟା ୬ ଘଟିକା ସମୟରେ ଜୟଦେବ ଭବନଠାରେ ଓଡ଼ିଶା ପୂର୍ବତନ ଉପମୁଖ୍ୟମନ୍ତ୍ରୀ, ନବଓଡ଼ିଶା ନିର୍ମାଣର ଅନ୍ୟତମ ବିନ୍ଧାଣି, ସୁନାମଧନ୍ୟ ରାଜନେତା ସ୍ୱର୍ଗତ ବସନ୍ତ ବିଶ୍ୱାଳଙ୍କ ୨୨ତମ ଶ୍ରାଦ୍ଧବାର୍ଷିକ ପାଳିତ ହେବ। ସେଠାରେ ଆୟୋଜିତ ସ୍ମୃତିସଭାରେ ଓଡ଼ିଶାର ବିଭିନ୍ନ ରାଜନୈତିକ ଦଳର ତୁଙ୍ଗନେତାମାନେ ସ୍ୱର୍ଗତ ବିଶ୍ୱାଳଙ୍କ ସ୍ମୃତିଚାରଣ କରିବା ସହ ନବଓଡ଼ିଶା ନିର୍ମାଣରେ ସ୍ୱର୍ଗତ ବସନ୍ତ ବିଶ୍ୱାଳଙ୍କ ଅନନ୍ୟ ଅବଦାନ ସମ୍ପର୍କରେ ଆଲୋଚନା ହେବ। ଏହି କାର୍ଯ୍ୟକ୍ରମରେ ସ୍ୱର୍ଗତ ବିଶ୍ୱାଳଙ୍କ ସମ୍ପର୍କରେ ଆସିଥିବା ବିଶିଷ୍ଟ ରାଜେନତା, ଛାତ୍ରଛାତ୍ରୀ, ସାମାଜିକ ଅନୁଷ୍ଠାନ, ବୁଦ୍ଧିଜୀବୀ ପ୍ରମୁଖ ଅଂଶଗ୍ରହଣ କରିବେ। ଏହି ଅବସରରେ ସମାଜର ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବ୍ୟକ୍ତିବିଶେଷଙ୍କୁ ସମ୍ମାନିତ କରାଯିବ ବୋଲି ସ୍ମୃତି କମିଟିର ଅଧ୍ୟକ୍ଷ ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ର ସୂଚନା ଦେଇଛନ୍ତି।

ଏଥିସହିତ ରାଜ୍ୟସ୍ତରୀୟ କର୍ମବୀର ବସନ୍ତ ବିଶ୍ୱାଳ ସ୍ମୃତି କମିଟିର ପୁନର୍ଗଠନ କରାଯାଇଛି। ଏହି କମିଟିରେ ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ର ଅଧ୍ୟକ୍ଷ ରହିଥିବା ବେଳେ ପ୍ରକାଶ ମିଶ୍ର ଏବଂ ସୁଜିତ ଘୋଷ ଦସ୍ତିଦାର ସଂଯୋଜକ ରହିଛନ୍ତି। କୋଷାଧ୍ୟକ୍ଷ ଭାବେ ନାରାୟଣ ଜେନା ସ୍ଥାନିତ ହୋଇଛନ୍ତି। ଏହି କମିଟିରେ ମାର୍ଗଦର୍ଶକ ଭାବେ ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ, ଜୟଦେବ ଜେନା, ଅମରନାଥ ପ୍ରଧାନ ଓ ସୁରେଶ କୁମାର ରାଉତରାୟଙ୍କୁ ନିଆଯାଇଛି ଏବଂ ଉପଦେଷ୍ଟା ଭାବରେ ପୂର୍ବତନ ମନ୍ତ୍ରୀ ଶରତ ରାଉତ, ରବୀନ୍ଦ୍ର ମଲ୍ଲିକ, ସମୀର କୁମାର ରାଉତରାୟ, ସୁଜିତ ପାଢୀ, ଉମାବଲ୍ଲଭ ରଥ, ମାନସ ଚୌଧୁରୀ, ପ୍ରଭାତ ମହାପାତ୍ର, ଜନାର୍ଦ୍ଦନ ଦେହୁରୀ, ଭାଗରଥୀ ପତି, ରାଜନ ସାହୁ, ବନବିହାରୀ ମହାନ୍ତି, ରବୀନ୍ଦ୍ରନାଥ ମହାନ୍ତି ଓ ଅସିତ ପଟ୍ଟନାୟକ ରହିଛନ୍ତି। ସେହିଭଳି ଉପସଭାପତି ଭାବରେ ପୃଥ୍ୱୀବଲ୍ଲବ ପଟ୍ଟନାୟକ, ଆସଫ ଅଲ୍ଲୀ ଖାନ, ମିନାକ୍ଷୀ ବାହିନୀପତି, ପୁଷ୍ପା ସାମଲ, ଦଣ୍ଡପାଣି ନାୟକ, ଯୋଗୀନାଥ ବାହୁବଳେନ୍ଦ୍ର, ମାନସ ଆଚାର୍ଯ୍ୟ, ଶ୍ରୀନିବାସ ରାଉତରାୟ, ମହମ୍ମଦ ଇମଦାଦ୍‌, ଅମିୟ ପାଣ୍ଡବ, ଅଜୟ ସାମଲ, ମନୋଜ ରାଉତ, ମନୋରଞ୍ଜନ ତ୍ରିପାଠୀ, ସନତ ଦାସ, ମନୋଜ ସାହୁ, ଜୀବନ କୁମାର ମହାପାତ୍ର, ରାଜେଶ ପଟ୍ଟନାୟକ, ପ୍ରିୟଜିତ ରାୟ ଓ ଦେବୀ ବିଶୋୟୀ ରହିଛନ୍ତି। ସେହିଭଳି ସାଧାରଣ ସମ୍ପାଦକ ଭାବରେ ମନୋଜ ବିଶ୍ୱାଳ, ରଣଜିତ ପାତ୍ର, ୟାସିର ନୱାଜ, ସଞ୍ଜୟ ତ୍ରିପାଠୀ, ଲଲାଟେନ୍ଦୁ ଶତପଥୀ, ରଞ୍ଜିତ ରଞ୍ଜନ ରାଉତ, ଅଭିଳାଷ ମାଣିଆ, ମିଲନ ପଟ୍ଟନାୟକ, ଅମରେଶ ପରିଡ଼ା, ପ୍ରଭାସ କର ମହାପାତ୍ର, ଦେବଦତ୍ତ ଦାସ, ମାନସ ମହାନ୍ତି, ଜୟକୃଷ୍ଣ ସୁବୁଦ୍ଧି, ଶ୍ରୀୟ ମହାନ୍ତି, ମହମ୍ମଦ ପରଭେଜ, ରାହୁଲ ମହାନ୍ତି, ତୁଷାରକାନ୍ତ ତପସ୍ୱୀ, ଅଜୟ ସାହୁ, ପୁଷ୍ପିତା ଦାସ, ଦିଲ୍ଲୀପ ପଣ୍ଡା, ବରୁଣରାଜ, ଅଶୋକ କୁମାର ସିଂ, ପ୍ରଦୀପ ଦାସ, ପ୍ରଜ୍ଞାରାଜ ପ୍ରଧାନ, ବଟକୃଷ୍ଣ ରାଉତରାୟ ଓ ଆକବର ଖାନଙ୍କୁ ନିଆଯାଇଛି।

ହିନ୍ଦୁସ୍ଥାନ ସମାଚାର / ଭାନୁ ଚରଣ