ନୂଆଦିଲ୍ଲୀ, 26 ଅଗଷ୍ଟ (ହି.ସ.)

- ରାଷ୍ଟ୍ରୀୟ ସ୍ୱୟଂସେବକ ସଂଘର ସରସଂଘଚାଳକ ଡଃ ମୋହନ ଭାଗବତ

ମଙ୍ଗଳବାର ଦିନ ଦିଲ୍ଲୀର ବିଜ୍ଞାନ ଭବନରେ ଆୟୋଜିତ ବ୍ୟାଖ୍ୟାନମାଳାରେ କହିଛନ୍ତି ଯେ,

ଡଃ କେଶବ ବଳିରାମ ହେଡଗେୱାର ସଂଘର ସ୍ଥାପନା କରିଥିଲେ, କାରଣ ସ୍ୱାଧୀନତା ଆନ୍ଦୋଳନ ସମୟରେ ସମାଜକୁ ସଠିକ୍ ଦିଗରେ ଅନୁପ୍ରେରଣ ଦେବା କାମ ଅଧୂରା ରହିଯାଇଥିଲା।

ଡ. ଭାଗବତ “100 ବର୍ଷର ସଂଘ ଯାତ୍ରା : ନୂଆ କ୍ଷିତିଜ”

ବିଷୟରେ ତିନିଦିନିଆ ବ୍ୟାଖ୍ୟାନମାଳାରେ କହିଛନ୍ତି ଯେ,

ଡଃ ହେଡଗେୱାର ଅନୁଭବ କରିଥିଲେ ଯେ ସମାଜ ନିର୍ମାଣ

ପାଇଁ କାହା ପାଖରେ ସମୟ ନଥିଲା, ତେଣୁ ସେ ନିଜେ ପଦକ୍ଷେପ ନେଇଥିଲେ। ସଂଘର ବିଚାର ତାଙ୍କ ମନରେ ବହୁ ବର୍ଷ ପୂର୍ବରୁ ଆସିଥିଲା

ଏବଂ 1925 ମସିହା ବିଜୟାଦଶମୀ ଦିନ ଏହାର ଔପଚାରିକ ଘୋଷଣା କରାଯାଇଥିଲା।

ସେ କହିଛନ୍ତି,

“ଡ ହେଡଗେୱାରଙ୍କ ମତାନୁସାରେ ସମଗ୍ର ହିନ୍ଦୁ ସମାଜର

ସଂଗଠନ ହିଁ ରାଷ୍ଟ୍ର ନିର୍ମାଣର ଆଧାର। ଯେଉଁମାନେ ତାଙ୍କର ନାମ ସହିତ ‘ହିନ୍ଦୁ’ ଯୋଗ କରନ୍ତି, ସେମାନେ ଦେଶ ଓ

ସମାଜ ପ୍ରତି ଦାୟିତ୍ୱଶୀଳ ହୁଅନ୍ତି।”

ସରସଂଘଚାଳକ ସ୍ପଷ୍ଟ

କରିଛନ୍ତି ଯେ ‘ହିନ୍ଦୁ’ ଶବ୍ଦ କେବଳ କୌଣସି ବାହ୍ୟ ପରିଚୟର ପ୍ରତୀକ ନୁହେଁ, ବରଂ ଏହା ବ୍ୟାପକ ମାନବ ଶାସ୍ତ୍ରୀୟ ଦୃଷ୍ଟିକୋଣ ଅଟେ । ଭାରତର ପରମ୍ପରା

ବ୍ୟକ୍ତି, ସମାଜ ଓ ସୃଷ୍ଟିକୁ ପରସ୍ପର ସହ ଯୋଡିଥାଏ ଓ ପ୍ରଭାବିତ ମାନିଥାଏ । ଡଃ ହେଡଗେୱାରଙ୍କ

ଅନୁସାରେ ବ୍ୟକ୍ତିର ବାସ୍ତବିକ ଉନ୍ନତି ସେତେବେଳେ ସମ୍ଭବ ଯେତେବେଳେ ସେ ନିଜ ପ୍ରଗତି ସହିତ

ସମାଜ ଓ ସୃଷ୍ଟିର ଉନ୍ନତିକୁ ମଧ୍ୟ ଗ୍ରହଣ କରେ।

ଡଃ ଭାଗବତ ଡଃ ହେଡ୍‌ଗେୱାରଙ୍କ

ଜୀବନର ଉଲ୍ଲେଖ କରି କହିଛନ୍ତି, “ସେ ଜନ୍ମଜାତ ଦେଶଭକ୍ତ ଥିଲେ। କୋଲକାତା (ପୂର୍ବରୁ କଲକତା) ରେ

ମେଡିକାଲ ଶିକ୍ଷା ନେବା ସମୟରେ ସେ ଅନୁଶୀଳନ ସମିତି ସହିତ ଜଡିତ ହୋଇଥିଲେ। ତ୍ରିଲୋକ୍ୟନାଥ ଓ

ରାସବିହାରୀ ବୋଷଙ୍କ ପୁସ୍ତକରେ ତାଙ୍କ ଉଲ୍ଲେଖ ଆସିଥାଏ । ତାଙ୍କର କୋଡ୍ ନାମ ‘କୋକିନ୍’ ଥିଲା।”

ସେ କହିଛନ୍ତି ଯେ ଏହି ଦେଶରେ

ହିନ୍ଦୁ, ଶିଖ ଓ ବୌଦ୍ଧମାନେ ପରସ୍ପରରେ ସଂଘର୍ଷ କରିବେ ନାହିଁ, ବରଂ ଦେଶ ପାଇଁ ବଞ୍ଚିବେ ଓ ବଳିଦାନ ଦେବେ। ନେତା, ନୀତି ଓ ଦଳ

ହେଉଛନ୍ତି ସାହାଯ୍ୟକାରୀ ତତ୍ତ୍ୱ, କିନ୍ତୁ ମୂଳ କାର୍ଯ୍ୟ ହେଉଛି ସମାଜର ପରିବର୍ତ୍ତନ।

ଡଃ ଭାଗବତ କହିଛନ୍ତି ଯେ

ଭାରତ ମାତା ନିଜ ସନ୍ତାନମାନଙ୍କୁ ସଂସ୍କାର ଦେଇଛନ୍ତି, ଯାହାପାଇଁ ଆମ ପୂର୍ବଜମାନେ ବଳିଦାନ ଦେଇଥିଲେ। ସେହି ପୂର୍ବଜମାନେ

ସଂଘର ପ୍ରେରଣା କେନ୍ଦ୍ର।

ସେ କହିଛନ୍ତି ଯେ ହିନ୍ଦୁମାନେ

ବିଭିନ୍ନ ପ୍ରକାରର ଅଛନ୍ତି — କେହି ଗର୍ବ ସହିତ ଏହି ପରିଚୟକୁ ମାନନ୍ତି, କେହି ସାଧାରଣ ଭାବେ

ନେଇଥାନ୍ତି, ଓ କେହି କିଛି କାରଣବଶତଃ ଏହାକୁ ଗ୍ରହଣ କରନ୍ତି ନାହିଁ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା