ଜୟପୁର, ୨୬ ଅଗଷ୍ଟ (ହି.ସ.)- ଚାଷିଙ୍କୁ ସାର ଯୋଗାଇବା ଦାବିରେ ଆଜି ଜିଲା ମୁଖ୍ୟ କୃଷି ଅଧିକାରିଙ୍କ କାଯ୍ୟାଳୟ ଘେରାଉ, ବିକ୍ଷୋଭ କରିବା ସହ ଦାବି ପତ୍ର ପ୍ରଦାନ କରାଯାଇଛି । ଜୟପୁର ଉପଖଣ୍ଡର କୁନ୍ଦରା, ବୋରିଗୁମ୍ମା, କୋଟପାଡ, ଜୟପୁର, ବୈପାରିଗୁଡା ୫ଟି ବ୍ଲକର ଚାଷି ମାନେ ଦଶହରା ପଡିଆରେ ଏକତ୍ରିତ ହୋଇ ଜିଲା ମୁଖ୍ୟ କୃଷି ଅଧିକାରିଙ୍କ କାଯ୍ୟାଳୟରେ ପହଞ୍ଚି ଦାବି ପତ୍ର ପ୍ରଦାନ କରିଥିଲେ । ଏହି ବିକ୍ଷୋଭ ଧାରଣାକୁ ଜୟପୁର ବିଜେଡି ସମର୍ଥନ କରିଛି । ଜିଲା ମୁଖ୍ୟ କୃଷି ଅଧିକାରି ଗୋକୁଳ ଚନ୍ଦ୍ର ପ୍ରଧାନଙ୍କୁ ଦାବି ପତ୍ର ପ୍ରଦାନ କରାଯାଇଥିଲା ।
ଉକ୍ତ ଦାବି ପତ୍ରରେ ଉଲ୍ଲେଖ କରାଯାଇଛି ଯେ, ଜିଲାକୁ ଆସୁଥିବା ସାର ହୋଲସେଲର ଚେକ ପଏଣ୍ଟରୁ ଅନ୍ୟ ଜିଲାକୁ ବିକ୍ରିି କରୁଛନ୍ତି ତେଣୁ ପରିବହନ ଗାଡିରେ ଭିଟିଏସ ଲଗାଯାଉ ବିଭାଗ ଦ୍ୱାରା ତଦାରଖ କରାଯାଉ ଓ ଦୋଷୀ ପ୍ରତି ଦୃଢ କାଯ୍ୟlନୁଷ୍ଠାନ ଗ୍ରହଣ କରାଯାଉ, ବିଭିନ୍ନ ସାର ସହ ନାନୋ ୟୁରିଆ ନାନା ଡିଏପି, ଜିଙ୍କୋ ଅଣୁ ସାର, କିଟନାଷକ ଓ ଅନାନ୍ୟ ଦ୍ରବ୍ୟ ନେବାକୁ ବାଧ୍ୟ କରାଯିବା ସହିତ ଉକ୍ତ ଦ୍ରବ୍ୟ ନନେଲେ ସାର ଦେବୁ ନାହିଁ ବୋଲି ଚାଷିଙ୍କୁ ଧମକ ଦେଉଛନ୍ତି, ତାହା ବନ୍ଦ କରାଯାଉ, ଜିଲାରେ ସବୁଠାରୁ ଚାଷିଙ୍କୁ ହଇରାଣ କରୁଥିବା ଆରସିଏମଏସ ମାର୍କଫେଡ ଦାୟିତ୍ୱରେ ଥିବା କର୍ମକର୍ତାଙ୍କୁ ତୁରନ୍ତ ବଦଳି କରାଯିବା ସହିତ ଦୁର୍ନିତିର ତଦନ୍ତ କରାଯାଉ ଆଦି ଦାବି ରହିଛି । ଚାଷି ମାନେ ଆଗରୁ କ୍ରୟ କରି ଘରେ ରଖୁ ନାହିଁନ୍ତି । ହଠାତ ସାର ଦରକାର ହେଲେ ସାର ମିଳୁ ନାହିଁ । ସାର ଉତ୍ତର ପ୍ରଦେଶରୁ ଆସୁଥିବାରୁ ୪ରୁ ୫ ଦିନ ଲାଗୁଛି । ସେଥିପାଇଁ ଅସୁବିଧା ହେଉଛି । ପ୍ରଚୁର ସାର ଆସିବ କିଛି ଅସୁବିଧା ନାହିଁ । ଯେଉଁମାନେ କଳା ବଜାରି କରୁଛନ୍ତି ସେମାନଙ୍କ ଉପରେ କାର୍ଯ୍ୟ lନୁଷ୍ଠାନ ଗ୍ରହଣ କରାଯିବା ସହ ଲାଇସେନ୍ସ ରଦ୍ଦ କରାଯାଇ ଗିରଫ ମଧ୍ୟ କରାଯିବ । ରବିବାର ଦିନ ସମସ୍ତ ଚାଷିଙ୍କୁ ସାର ଯୋଗାଇ ଦିଆଯିବ । ଏକର ପିଛା ୨ ବସ୍ତା ସାର ଯୋଗାଇ ଦିଆଯିବ ବୋଲି ଜିଲା ମୁଖ୍ୟ କୃଷି ଅଧିକାରି ଗୋକୁଳ ଚନ୍ଦ୍ର ପ୍ରଧାନ ପ୍ରତିଶୃତି ଦେଇଛନ୍ତି ।
ଏନେଇ ବିଜେଡିର ରାଜ୍ୟ ଉପ ସଭାପତି ରବି ନାରାୟଣ ନନ୍ଦ କହିଛନ୍ତି ଯେ, ପ୍ରବଳ ବର୍ଷାରେ ଚାଷିମାନେ ଆଜି ଏକତ୍ରିତ ହୋଇ ଜିଲା ମୁଖ୍ୟ କୃଷି ଅଧିକାରିଙ୍କୁ ଦାବି ପତ୍ର ପ୍ରଦାନ କରାଯାଇଛି । ଆସନ୍ତା ରବିବାର ସୁଦ୍ଧା ଚାଷିକୁ ଚାହିଦା ଅନୁଯାଇ ସାର ଯୋଗାଇ ଦିଆଯିବ । ଯଦି ଦିଆନ ଯାଏ ତେବେ ସୋମବାର ପୁଣି ଘେରାଉ ବିକ୍ଷୋଭ କରାଯିବ ବୋଲି ଚେତାବନୀ ଦେଇଛନ୍ତି । ବର୍ତମାନ ଚାଷ କାର୍ଯ୍ୟ ଜୋରସୋରରେ ଜାରି ରହିଥିବା ବେଳେ ଚାଷିକୁ ୟୁରିଆ ସାର ମିଳୁ ନାହିଁ । ଜୟପୁର ଉପଖଣ୍ଡର କୁନ୍ଦୁରା, ବୈପାରିଗୁଡା, ବୋରିଗୁମ୍ମା, କୋଟପାଡ ଓ ଜୟପୁର ବ୍ଲକରେ ଚାଷ ଉପରେ ନିର୍ଭର କରୁଥିବା ବେଳେ ସାରର ଆବଶ୍ୟକତା ରହିଛି ହେଲେ ଚାଷିକୁ ମିଳୁ ନାହିଁ । କଳା ବଜାରି ସୃଷ୍ଟି କରାଯାଇଛି । ୨୮୦ ରୁ ୩ଶହ ଟଙ୍କା ଭିତରେ ୟୁରିଆ ସାର ମିଳୁଥିବା ବେଳେ ବର୍ତମାନ ୯ ଶହରୁ ୧ ହଜାର ଟଙ୍କାରେ କଳାବଜାରି କରି ବିକ୍ରି କରାଯାଉଛି । କୋଟପାଡ ଅଞ୍ଚଳରେ ବାଲିକୁ କଲର କରି ପଟାସ ସାର ବୋଲି ଚାଷିକୁ ଦିଆଯାଉଛି । ଲ୍ୟାମ୍ପରେ କାର୍ଡ ଥିବା ଚାଷିଙ୍କୁ ୨ ବସ୍ତା ଦିଆଯାଉଛି । ଯେଉଁ ଚାଷିର ୧୦ ଏକର ଜମି ରହିଛି ସେ ଚାଷି ୨ ବସ୍ତା ୟୁରିଆ ନେଇ କରିବ କ'ଣ । ଯେଉଁ ଚାଷି ଋଣ ନେଇଛି ସେହି ଚାଷିକୁ ସାର ଦିଆଯାଉଥିବା ବେଳେ ଯେଉଁ ଚାଷି ଋଣ ନେଇ ନାହିଁ ତାହାକୁ ଦିଆଯାଉ ନାହିଁ ସେ ଚାଷି କରିବ କ'ଣ ବୋଲି ପୂର୍ବତନ ମନ୍ତ୍ରୀ ରବି ନାରାୟଣ ନନ୍ଦ ପ୍ରଶ୍ନ କରିଛନ୍ତି । ଧାନ ଚାଷ, ମକା ଚାଷ ସହ ଅନ୍ୟ ଚାଷ ପାଇଁ କେତେ ସାର ଦରକାର ତାହା ବିଭାଗ ଠିକ ଆକଳନ କରି ନାହାନ୍ତି ସରକାଙ୍କ ପାଖକୁ ପଠାଇ ପାରି ନାହାନ୍ତି । ଯାହାଫଳରେ ବର୍ତମାନ ୟୁରିଆ ୧ ହଜାର ଟଙ୍କା ଦରରେ ବିକ୍ରି କରାଯାଉଛି ଏହା ସହ ୟୁରିଆ ସହ ନାନୋ ନାମ ସାର ନେବା ପାଇ ବାଧ୍ୟ କରାଯାଉଛି । ଚାଷି ଯେଉଁ ସାର ନେବା ପାଇଁ ଚାହିଁବ ନେବ ଚାଷିକୁ ବାଧ୍ୟ କରାଯାଇ ପାରିବ ନାହିଁ, କୈlଣସି ଆଇନରେ ଏପରି ନିୟମ ନାହିଁ ।
ଆଜି ଧାରଣା ବିକ୍ଷୋଭରେ ଜିଲା ପରିଷଦ ଉପାଧ୍ୟକ୍ଷ ରାଧା ବିନୋଦ ସାମନ୍ତରାୟ, କୋଟପାଡର ପୂର୍ବତନ ବିଧାୟକ ପଦ୍ମିନି ଦିଆନ, କୃଷକ କଲ୍ୟାଣ ମଞ୍ଚର ସାଧାରଣ ସମ୍ପାଦକ ନରେନ୍ଦ୍ର ପ୍ରଧାନ ସମେତ ୫ଟି ବ୍ଲକର ଶତାଧିକ ଚାଷି ଉପସ୍ଥିତ ଥିଲେ l
ହିନ୍ଦୁସ୍ଥାନ ସମାଚାର / ପିକେପି
