ନୂଆଦିଲ୍ଲୀ, 26 ଅଗଷ୍ଟ (ହି.ସ.)। ରାଷ୍ଟ୍ରୀୟ ସ୍ୱୟଂସେବକ ସଂଘର ସରସଂଘଚାଳକ ଡା. ମୋହନ ଭାଗବତ ମଙ୍ଗଳବାର ଦିନ ସ୍ଥାନୀ. ବିଜ୍ଞାନ ଭବନରେ ସମାଜର ବିବିଧ କ୍ଷେତ୍ର ସହିତ ଜଡିତ ମାନ୍ୟଗଣ୍ୟ ଲୋକମାନଙ୍କ ସହିତ ସଂଘର ଶତାବ୍ଦୀ ଯାତ୍ରା ଉପରେ ନିଜର ଆଲୋଚନା ଆରମ୍ଭ କରିଛନ୍ତି । ଏହି ତିନିଦିନିଆ କାର୍ଯ୍ୟକ୍ରମର ବିଷୟ “100 ବର୍ଷର ସଂଘ ଯାତ୍ରା : ନୂଆ କ୍ଷିତିଜ” ରଖାଯାଇଛି। ଡା. ଭାଗବତ ଏହି ଅବସରରେ କହିଛନ୍ତି ଯେ ପ୍ରତ୍ୟେକ ରାଷ୍ଟ୍ରଙ୍କର ବିଶ୍ୱରେ ଏକ ଅବଦାନ ରହିଥାଏ ଏବଂ ସଂଘର ସାର୍ଥକତା ଭାରତଙ୍କ ବିଶ୍ୱଗୁରୁ ହେବାରେ ରହିଛି ।

ସେ ତାଙ୍କର ଉଦବୋଧନରେ କହିଛନ୍ତି ଯେ ଯେ, ଭାରତର ଉତ୍ଥାନର ପ୍ରକ୍ରିୟା ମନ୍ଥର ହେଲେ ମଧ୍ୟ ଏହା ନିରନ୍ତର ଚାଲିଛି ଏବଂ ସଂଘର ଯାତ୍ରାର ଲକ୍ଷ୍ୟ ଏହି ଭାରତର ଉତ୍ଥାନ ସହିତ ଜଡିତ। ସେ କହିଛନ୍ତି ଯେ ସଂଘ ସମ୍ବନ୍ଧରେ ଅନେକ ଆଲୋଚନା ହୁଏ, କିନ୍ତୁ ପ୍ରମାଣିକ ସୂଚନାର ଅଭାବ ରହିଛି। ସେ କହିଛନ୍ତି ଯେ. ଯେଉଁ ସୂଚନା ରହିଥାଏ , ସେଥିରୁ ମଧ୍ୟ ଅଧିକାଂଶ ପରସେପ୍ସନ୍‌ ଉପରେ ଆଧାରିତ, ତଥ୍ୟ ଆଧାରିତ ନୁହେଁ। ଆମର ଉଦ୍ଦେଶ୍ୟ କାହାକୁ ବୁଝାଇବା ନୁହେଁ, ବରଂ ସଂଘ ସମ୍ବନ୍ଧରେ ସଠିକ ସୂଚନା ଦେବା। ନିଷ୍କର୍ଷ କାଢ଼ିବାର ଅଧିକାର ଶ୍ରୋତାମାନଙ୍କର ରହିଛି ।

2018 ରେ ବିଜ୍ଞାନ ଭବନରେ ଅନୁଷ୍ଠିତ ହୋଇଥିବା ପୁରୁଣା ଆଲୋଚନା କାର୍ଯ୍ୟକ୍ରମର କଥା ଉଲ୍ଲେଖ କରି ସେ କହିଛନ୍ତି ଯେ.ସେତେବେଳେ ମଧ୍ୟ ଏହି ଭାବନା ଥିଲା ଯେ ସଂଘ ସମ୍ବନ୍ଧୀୟ ତଥ୍ୟ ସାମ୍ନାକୁ ଅଣାଯିବା ଉଚିତ । ଚଳିତ ଥର ସଂଘର ଶହେ ବର୍ଷର ଯାତ୍ରା ସମାପ୍ତ ହେବା ପରେ ସଂଗଠନ ଆଗାମୀ ଦିନରେ କେଉଁ ଦିଗରେ କାମ କରିବ, ସେଥିପାଇଁ ନିଜର ଦୃଷ୍ଟି ସମ୍ପର୍କରେ ଅବଗତ କରାଇବା ଏହି ସମ୍ମିଳନୀର ଉଦ୍ଦେଶ୍ୟ ଅଟେ। ସେ କହିଲେ ଯେ, ଏଥର ଏଭଳି କାର୍ଯ୍ୟକ୍ରମ କେବଳ ଦିଲ୍ଲୀରେ ନୁହେଁ, ଦେଶର ଅନ୍ୟ ତିନୋଟି ସ୍ଥାନରେ ଆୟୋଜିତ ହେବ ଯାହାଦ୍ୱାରା ଅଧିକ ଲୋକ ଯୋଗ ଦେଇପାରିବେ। ସେ କହିଛନ୍ତି ଯେ, 70-75 ପ୍ରତିଶତ ପ୍ରତିଭାଗୀ ଭାବେ ନୂଆ ଲୋକଙ୍କୁ ଆମନ୍ତ୍ରଣ କରାଯାଇଛି।

ସଂଘର ଉଦ୍ଦେଶ୍ୟ ଉପରେ ଆଲୋକ ପାତ କରି ଡା. ଭାଗବତ କହିଛନ୍ତି, ସଂଘ କାହିଁକି ଆରମ୍ଭ ହେଲା, କିପରି ବାଧାବିଘ୍ନ ମଧ୍ୟରେ ସ୍ୱୟଂସେବକମାନେ ଏହାକୁ ଆଗକୁ ନେଲେ ଏବଂ ଆଜି ଶହେ ବର୍ଷ ପରେ ମଧ୍ୟ ନୂଆ କ୍ଷିତିଜର କଥା କାହିଁକି ଉଠୁଛି ଏହାର ଉତ୍ତର ଗୋଟିଏ ବାକ୍ୟରେ ଅଛି। ପ୍ରାର୍ଥନାର ଶେଷରେ ଆମେ କୁହୁଛୁ ‘ଭାରତ ମାତା କି ଜୟ’। ଆମର ଦେଶ, ତାହାର ଜୟଜୟକାର ହେବା ଉଚିତ ଏବଂ ସେଥିରେ ବିଶ୍ୱରେ ଅଗ୍ରଗଣ୍ୟ ସ୍ଥାନ ମିଳିବା ଉଚିତ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ