ଖୋର୍ଦ୍ଧା, ୨୬ ଅଗଷ୍ଟ (ହି.ସ.) - ଖୋର୍ଦ୍ଧା ଉପକଣ୍ଠ ଶରଧାପୁର ସ୍ପୋର୍ଟସ ଆସୋସିଏସନ୍ ଆନୁକୁଲ୍ୟରେ ସ୍ଥାନୀୟ ଖେଳ ପଡ଼ିଆରେ ଶରଧାପୁର ଫୁଟବଲ ଲିଗ୍ ମ୍ୟାଚ ଅନୁଷ୍ଠିତ ହୋଇଯାଇଛି। ଆଜିର ଖେଳ ଠଣାପଲି ଖୋର୍ଦ୍ଧା ବନାମ ବିନ୍ଧ୍ୟଗିରୀ ମଧ୍ୟରେ ଅନୁଷ୍ଠିତ ହୋଇଥିଲା। ପ୍ରଥମାର୍ଦ୍ଧର ୫ମିନିଟରେ ଠଣାପଲିର ମାନ ଏକମାତ୍ର ଗୋଲ ଦେଇ ଦଳକୁ ଅଗ୍ରଣୀ କରାଇ ଜିତିଥିଲେ।ଖେଳର ଆଜିର ଏହି ମ୍ୟାଚରେ ଅତିଥି ଭାବେ ସଂଘର୍ ସଭାପତି ମହମ୍ମଦ ଜମିରୁଲ ରହେମନ,ପୂର୍ବତନ ସରପଂଚ ଲକ୍ଷ୍ମୀଧର ବଡଜେନା, ମୀନକେତନ ବଡଜେନା, ଅର୍ଶଦ୍ ଅହମ୍ମଦ ପ୍ରମୁଖ ଯୋଗ ଦେଇଥିଲେ। ଆଜିର ଖେଳକୁ ସୌକତ ଅହମ୍ମଦ ପରିଚାଳନା କରିଥିବା ବେଳେ ଇଜାଜ ହୁସେନ, ଅମଜଦ ଖାଁ ଓ ସାଗିର ଅହମ୍ମଦ ତାଙ୍କୁ ଲାଇନରେ ସହାୟତା କରିଥିଲ ବେଳେ ଚତୁର୍ଥ ରେଫରି ଭାବେ ସାଗିର ଅହମ୍ମଦ କାର୍ଯ୍ୟ ତୁଲାଇଥିଲେ।ତେବେ ଆସନ୍ତାକାଲି କେରଙ୍ଗ ଓ ପୋଡପଡା ମଧ୍ୟରେ ମ୍ୟାଚ ଅନୁଷ୍ଠିତ ହେବ ବୋଲି ସ୍ପୋର୍ଟସ ଆସୋସିଏସନ୍ ସମ୍ପାଦକ ଏସ ଇ ହୁଦା ସୁଚନା ଦେଇଛନ୍ତି।
ହିନ୍ଦୁସ୍ଥାନ ସମାଚାର / ରାକେଶ