ଧର୍ମଶାଳା, ୨୬ ଅଗଷ୍ଟ (ହି.ସ.)- ଯାଜପୁର ବ୍ଲକ ମହେଶ୍ୱରପୁର ପଂଚାୟତ ଅନ୍ତର୍ଗତ ବେଣୀପୁର ଗ୍ରାମର ସ୍ୱର୍ଗତ ଗୋଲଖ ସାମଲଙ୍କ ୧୧ତମ ଶ୍ରାଦ୍ଧ ବାର୍ଷିକ ଅବସରରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ଗୋଲଖ ସାମଲ ସ୍ମୃତି ସଂସଦ ଓ ହେଲ୍ପିଂ ହ୍ୟାଣ୍ଡସ୍ ମିଳିତ ସହଯୋଗରେ ଏହି ରକ୍ତଦାନ ଶିବିରରେ ମୁଖ୍ୟ ଅତିଥିଭାବେ ଯାଜପୁରର ପୂର୍ବତନ ବିଧାୟକ ପ୍ରଣବ ପ୍ରକାଶ ଦାସ ଯୋଗ ଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ଯାଜପୁର ରେଡକ୍ରସ୍ର ଡ. ହିମାଶୁଂ କୁମାର, ନର୍ସି ଅଫିସର ସୀତାଶୁଂ ଶେଖର ସ୍ୱାଇଁ, ଏଲଟି ଇତିଶ୍ରୀ ନାୟକ ଓ ଡିଇଓ ଅଜୟ କୁମାର ଜେନା ପ୍ରମୁଖ ଯୋଗଦେଇ ରକ୍ତ ସଂଗ୍ରହରେ ସହଯୋଗ କରିଥିଲେ । ସ୍ଥାନୀୟ ଅଂଚଳର ଯୁବକ, ସ୍ୱେଚ୍ଛାସେବୀ ଓ ସାମାଜିକ କର୍ମୀ ଯୋଗଦେଇ ସ୍ୱେଚ୍ଛାକୃତ ଭାବେ ରକ୍ତଦାନ କରିଥିଲେ । ଏହି ଶିବିରରେ ମୋଟ ୨୬ ୟୁନିଟ୍ ରକ୍ତ ସଂଗୃହିତ ହୋଇଥିଲା । ରକ୍ତଦାତାଙ୍କୁ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । କାର୍ଯ୍ୟକ୍ରମ ପରିଚାଳନାରେ ଗୋଲଖ ସ୍ମୃତି ସଂସଦର ସଭାପତି ଗୌରାଙ୍ଗ ସାମଲ, ହେଲପିଙ୍ଗ ହ୍ୟାଣ୍ଡସର ସଭାପତି ପ୍ରଶାନ୍ତ ଷଡଙ୍ଗୀ, ଗୋପାଳ ସାମଲ, ଗୌତମ ସାମଲ, ଉମେଶ ନାୟକ ଓ ବିଜୟ କୁମାର ଘଡାଇ ପ୍ରମୁଖ ସହଯୋଗ କରିଥିଲେ । ଏହି ରକ୍ତଦାନ ଶିବିରକୁ ସ୍ଥାନୀୟ ଅଂଚଳରେ ଉଚ୍ଚ ପ୍ରଶଂସା କରାଯାଇଥିଲା ।
ହିନ୍ଦୁସ୍ଥାନ ସମାଚାର / ଚିନ୍ମୟ
