ଭୁବନେଶ୍ୱର, ୨୬ ଅଗଷ୍ଟ (ହି.ସ.)- ଖୁବଶୀଘ୍ର ହେରିଟେଜ ପଲିସି ଆଣିବେ ସରକାର। ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡା ଏହି ସୂଚନା ଦେଇଛନ୍ତି। ୩ ହଜାରରୁ ଉର୍ଦ୍ଧ୍ୱ ପୁରୁଣା କୀର୍ତିରାଜିକୁ ସୁରକ୍ଷା ଓ ସଂରକ୍ଷଣ ପାଇଁ ସରକାର ପ୍ରସ୍ତୁତି କରିଛନ୍ତି। ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡାଙ୍କ ଅଧ୍ୟକ୍ଷତାରେ ୩ ବିଭାଗ ପର୍ଯ୍ୟଟନ, ସଂସ୍କୃତି ଏବଂ ପୂର୍ତ ବିଭାଗର ବୈଠକ ଅନୁଷ୍ଠିତ ହୋଇଛି। ବୈଠକ ପରେ ଉପ ମୁଖ୍ୟମନ୍ତ୍ରୀ କହିଛନ୍ତି ଖୁବ୍ ଶୀଘ୍ର ଟାସ୍କଫୋର୍ସ ଗଢାଯିବ। ସଂସ୍କୃତି ବିଭାଗ ହେରିଟେଜ ପଲିସି ଆଣିବ। ପର୍ଯ୍ୟଟନ ବିଭାଗ ୭୫ ଟି ଡେଷ୍ଟିନେସନ ଚିହ୍ନଟ କରିବ । ପ୍ରଥମ ପର୍ଯ୍ୟାୟରେ ସେହି ସବୁ କିର୍ତୀରାଜ ସ୍ଥଳୀ ଗୁଡିକର ସଂରକ୍ଷଣ ଏବଂ ସୁରକ୍ଷା କରାଯିବ। ତାସହ ସେଠାରେ ପର୍ଯ୍ୟଟକଙ୍କ ପାଇଁ ଭିତିଭୂମି ମଧ୍ୟ ସଜଡା ଯିବ। ରତ୍ନଗିରିରୁ ଅନେକ ପୁରୁଣା କୀର୍ତିରାଜି ଏବଂ ଲେଖା ମିଳିଛି। ସେସବୁକୁ ମଧ୍ୟ ସୁରକ୍ଷା ଏବଂ ସଂରକ୍ଷଣ ସରକାରଙ୍କ କର୍ତବ୍ୟ।

---------------

ହିନ୍ଦୁସ୍ଥାନ ସମାଚାର / ବନ୍ଦନା