ଭୁବନେଶ୍ୱର, ୨୬ ଅଗଷ୍ଟ (ହି.ସ.)- ୧୦ ଜଣଙ୍କୁ ନେଇ ଶ୍ରୀମନ୍ଦିର ପରିଚାଳନା କମିଟି ଗଠନ ହୋଇଛି। ଏହି କମିଟିରେ ମୁକ୍ତି ମଣ୍ଡପର ସିଦ୍ଧେଶ୍ୱର ମହାପାତ୍ର,କୃଷ୍ଣ ଚନ୍ଦ୍ର, ମଧୁସୂଧନ ସିଂହାରୀ, ରାମନାରାୟଣ ଗୋଛିକାର, ପୂର୍ବତନ ସିଏଜି ଗିରିଶ ମୁର୍ମୁ, ଚାଟର୍ଡ ଆକାଉଂଟାଂଟ ଏ କେ ସାବତ , ମହେଶ କୁମାର ସାହୁ ସଦସ୍ୟ ରହିଛନ୍ତି। ଏନେଇ ଆଇନ ବିଭାଗ ପକ୍ଷରୁ ବିଜ୍ଞପ୍ତି ଜାରି ହୋଇଛି।
ଏସମ୍ପର୍କରେ ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ କହିଛନ୍ତି ପରିଚାଳନା କମିଟି ଗଠନ ପାଇଁ ଅପେକ୍ଷା ଥିଲା ତାହା ହୋଇସାରିଛି। ମନ୍ଦିରର ଯେଉଁସବୁ ନିତିକାନ୍ତିଠୁ ନେଇ ମନ୍ଦିର ଦର୍ଶନ ପର୍ଯ୍ୟନ୍ତ ପକ୍ରିୟା ଗୁଡ଼ିକୁ ସୁପରିଚାଳନା ନେଇ ଏହା ସହାୟକ ହେବ। ବିଶେଷ କରି ରତ୍ନଭଣ୍ଡାରର ଆଗକୁ ଯେଉଁ କାମ ଅଛି ଯେପରିକି ଅଳଙ୍କାର ସ୍ଥାନାନ୍ତରଣ,ଗଣତି ମଣତି,ଧାଡ଼ି ଦର୍ଶନ ପାଇଁ ଆନୁସଙ୍ଗିକ ବ୍ୟବସ୍ଥା ଏହି ସବୁ କାମ ପାଇଁ ପରିଚାଳନା କମିଟି ହେବା ପରେ ଏସବୁକୁ ତ୍ୱରାନିତ ଗତିରେ କାମ କରିବା ପାଇଁ ସୁବିଧା ହେବ। ଗତକାଲି ମୁଖ୍ୟମନ୍ତ୍ରୀଙ୍କ ଅନୁମୋଦନ ପରେ ଆଜି ଘୋଷଣା ହୋଇଛି। ସୁରକ୍ଷା ବ୍ୟବସ୍ଥା ନେଇ ସରକାରଙ୍କ ନିଷ୍ପତି ଅଛି ସେ ବାଟାଲିୟନ ଠୁ ନେଇ ଡ୍ରୋନ ବାବଦରେ ନିଷ୍ପତି ହେଉ କି ଯେଉଁ ମାନେ ହିଡେନ୍ କ୍ୟାମେରା ନେଇ ମନ୍ଦିରକୁ ଯାଉଛନ୍ତି ସେ ନେଇ ହେଉ ଏସବୁ ବାବଦରେ ପଦକ୍ଷେପ ନିଆଯିବ । ଯାହାକୁ ପରିଚାଳନା କମିଟି ହିଁ ଦାୟିତ୍ୱ ନେଇ ଏହାକୁ କାର୍ଯ୍ୟକ୍ଷମ କରିବ। ସରକାର ଯେଉଁ ସବୁ ନିଷ୍ପତି ନେବାକୁ ବସିଛନ୍ତି ସେଥିରେ ପରିଚାଳନା କମିଟିର ପ୍ରମୁଖ ଭୂମିକା ରହିଛି ।
ଅନ୍ୟପକ୍ଷରେ ଆସନ୍ତା ୧୫ ତାରିଖ ସୁଦ୍ଧା ଧାଡି ଦର୍ଶନର ପ୍ରକ୍ରିୟା ଆରମ୍ଭ ହେବ। ପରିଚାଳନା କମିଟି ଗଠନ ପରେ ପ୍ରଥମ ବୈଠକ ରେ ହୁଣ୍ଡି ସ୍ଥାନାନ୍ତରଣ ପାଇଁ ଏକ ସୁପାରିସ କରିବେ। ରାଜ୍ୟ ସରକାର ତାହାକୁ ଅନୁମତି ଦେବା ପରେ କାମ କରିବା ପାଇଁ ସୁବିଧା ହେବ। ଯାହା ସବୁ ବାକି ରହି ଯାଇଛି ତାହା ଆଗକୁ ଖୁବ୍ଶୀଘ୍ର ହେବ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
