କୁଲ୍ଲୁ, 26 ଅଗଷ୍ଟ (ହି.ସ.)- ସୋମବାର ବିଳମ୍ବିତ ରାତିରେ
କୁଲ୍ଲୁ ଜିଲ୍ଲାରେ ପ୍ରବଳ ବର୍ଷା ଯୋଗୁ ବ୍ୟାସ୍ ନଦୀ ବିକଟାଳ ରୂପ ଧାରଣ କରିଛି। ବାହାଙ୍ଗ୍
ଅଞ୍ଚଳରେ ପ୍ରାୟ ପାଞ୍ଚଟି ଦୋକାନ ନଦୀରେ ବିଲୀନ ହୋଇଯାଇଛି, ଯେଉଁଥିରେ ପ୍ରସିଦ୍ଧ ଶେରେ ପଞ୍ଜାବ୍ ରେଷ୍ଟୁରାଣ୍ଟ ଭାସିଯାଇଥିବା ବେଳେ
କେବଳ ସାମ୍ନା ଅଂଶ ରହିଛି। ବାକି ରେଷ୍ଟୁରାଣ୍ଟ ବନ୍ୟାର ତୀବ୍ର ପ୍ରବାହରେ ଭସିଯାଇଛି। ଏହା
ସହିତ, ଦୁଇଟି ଘର ମଧ୍ୟ ନଦୀର ଗ୍ରାସ
ହୋଇ ସମ୍ପୂର୍ଣ୍ଣ ଧ୍ବଂସ ହୋଇଯାଇଛି। ନଦୀ ପାଖରେ ଅବସ୍ଥିତ ଛୋଟ ଛୋଟ ସହର ଏବଂ ଗାଁରେ ଲୋକେ
ଆତଙ୍କିତ ହୋଇଛନ୍ତି ।
ଲାଗାତାର ଦୁଇ ଦିନ ଧରି
ହେଉଥିବା ଭାରୀ ବର୍ଷା ପରିଣାମରେ ବ୍ୟାସ୍ ନଦୀର ପାଣିସ୍ତର ତିବ୍ର ଭାବେ ବୃଦ୍ଧି ପାଇଛି,
ଯାହାରେ ପରିସ୍ଥିତି ଅତ୍ୟନ୍ତ ଗମ୍ଭୀର ହୋଇପଡ଼ିଛି।
ବନ୍ୟା କାରଣରୁ ମନାଲି-ଲେହ
ରାସ୍ତା ବାଧାଗ୍ରସ୍ତ ହୋଇଯାଇଛି। ମନାଲିରୁ ପ୍ରାୟ ଗୋଟିଏ କିଲୋମିଟର୍ ଆଗକୁ,
ବଶିଷ୍ଠ ଚକ ନିକଟରେ ବ୍ୟାସ୍ ନଦୀ ରାସ୍ତାର ପ୍ରାୟ 200
ମିଟର୍ ଅଂଶକୁ ଗ୍ରାସ କରିଛି। ଯଦି ବର୍ଷା ଏଭଳି ଜାରି ରୁହେ, ତେବେ ଅନ୍ୟାନ୍ୟ ରାସ୍ତାମାନେ ମଧ୍ୟ ବନ୍ୟା ଭାସିଯିବାର ଆଶଙ୍କା ଦେଖାଦେଇଛି । ମନାଲି
ପ୍ରବେଶ ଦ୍ୱାର ସମୀପ ଥିବା
ଭୋଲଭୋ ବସ୍ ଷ୍ଟାଣ୍ଡ ମଧ୍ୟ କ୍ଷତିଗ୍ରସ୍ତ ହୋଇଛି ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
30 Aug 2025