ଭୁବନେଶ୍ୱର, 26 ଅଗଷ୍ଟ (ହି.ସ.)- ଗଜପତି
ଜିଲ୍ଲାର ଜଣେ ଆନ୍ତର୍ଜାତୀୟ ହୁଇଲଚେୟାର ଫେନସିଂ ଖେଳାଳି ଏବଂ ଜାତୀୟ ସ୍ୱର୍ଣ୍ଣ ପଦକ ବିଜେତା
ମିସ୍ ପୂଜାସ୍ୱିନି ନାୟକଙ୍କୁ ଦକ୍ଷିଣ କୋରିଆର ଇକ୍ସାନ-ସିରେ ସେପ୍ଟେମ୍ବର ୨ ରୁ ୭ ତାରିଖ
ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ପ୍ରତିଷ୍ଠିତ ୨୦୨୫ ପାରା ଫେନସିଂ ବିଶ୍ଵ ଚାମ୍ପିଅନସିପରେ
ଭାରତକୁ ପ୍ରତିନିତ୍ଵ କରିବା ପାଇଁ ମନୋନୀତ କରାଯାଇଛି ଯାହାକି ଗର୍ବର ବିଷୟ ବୋଲି କହିଛନ୍ତି ସାମାଜିକ
ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ନିତ୍ୟାନନ୍ଦ ଗଣ୍ଡ କହିଛନ୍ତି ।
ଗତ ପାଞ୍ଚ ବର୍ଷ ମଧ୍ୟରେ, ମିସ୍ . ନାୟକ ଜାତୀୟ ସ୍ତରରେ ୩୩ ଟି ପଦକ ଜିତି
ରାଜ୍ୟ ଏବଂ ଜାତି ପାଇଁ ଗୌରବ ଆଣିଛନ୍ତି । ଅନ୍ତର୍ଜାତୀୟ ସ୍ତରରେ ତାଙ୍କର ଅଂଶଗ୍ରହଣକୁ ସମର୍ଥନ
କରିବା ପାଇଁ, ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ
ସ୍ଥାନୀୟ ସ୍ତରରେ ଉପଲବ୍ଧ ନଥିବା ଆନ୍ତର୍ଜାତୀୟ ମାନକ ଫିଏ-ଅନୁମୋଦିତ ହୁଇଲଚେୟାର ଫେନସିଂ
ଉପକରଣ କ୍ରୟ ପାଇଁ ବି.ବି ଏସ୍.ଏ ଯୋଜନା ଅଧୀନରେ ୧,୮୭,୦୩୧ ଟଙ୍କା ଆର୍ଥିକ ସହାୟତା ପ୍ରଦାନ
କରାଯାଇଛି । ଓଡ଼ିଶା ସରକାର ଦିବ୍ୟାଙ୍ଗ କ୍ରୀଡ଼ାବିତ୍ ସଶକ୍ତ କରିବା ଏବଂ ବିଶ୍ବ ସ୍ତରରେ ସେମାନଙ୍କୁ
ଚମକ ଦେଖାଇବା ପାଇଁ ପ୍ରତ୍ୟେକ ସୁଯୋଗ ପାଇବା ନିଶ୍ଚିତ କରିବା ପାଇଁ ପ୍ରତିବଦ୍ଧ । ମୁଁ ମିସ୍ .
ନାୟକଙ୍କୁ ତାଙ୍କ ଆଗାମୀ ଚାମ୍ପିଅନସିପ ପାଇଁ ମୋର ଶୁଭକାମନା ଜଣାଉଛି ଏବଂ ମୁଁ ବିଶ୍ଵାସ କରୁଛି
ଯେ ସେ ଭାରତ ଏବଂ ଓଡ଼ିଶାକୁ ଗର୍ବିତ କରିବେ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
