ଭାଗଲପୁର, 26 ଅଗଷ୍ଟ (ହି.ସ.)- ବିହାରର ଭାଗଲପୁର
ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ଭୋଟର ତାଲିକାର ଗଭୀର
ପୁନର୍ନୀରୀକ୍ଷଣ ସମୟରେ ଦୁଇଜଣ ପାକିସ୍ତାନୀ ମହିଳାଙ୍କ ନାମ ଭୋଟର ତାଲିକାରେ ମିଳିଛି। ଘଟଣା
ସାମ୍ନାକୁ ଆସିବା ସହିତ ଗୃହ ମନ୍ତ୍ରାଳୟ ଓ ନିର୍ବାଚନ ଆୟୋଗ ତୁରନ୍ତ କାର୍ଯ୍ୟାନୁଷ୍ଠାନ ନେଇ
ଏହି ମହିଳାମାନଙ୍କ ନାମ ଭୋଟର ତାଲିକାରୁ ବାହାର କରିବାକୁ ଆଦେଶ ଦେଇଛନ୍ତି।
ସୂଚନାଯୋଗ୍ୟ ଯେ, ଏହି ମହିଳାମାନେ କେବଳ ବେଆଇନ ଭାବେ ଭାରତୀୟ ଭୋଟର ହୋଇନଥିଲେ, ସେମାନଙ୍କ ପାଖରେ ଆଧାର କାର୍ଡ୍ ଓ ଭୋଟର ଆଇଡିଭଳି ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ୍ ମଧ୍ୟ ରହିଛି । ସେମାନେ ଅନେକ
ଥର ଭୋଟ ମଧ୍ୟ ଦେଇଛନ୍ତି।
ଭାଗଲପୁର ଜିଲ୍ଲା ପ୍ରଶାସନ
ବିଏଲଓ ମାଧ୍ୟମରେ ଫର୍ମ-7 ପୂରଣ କରି, ଏହି ମହିଳାମାନଙ୍କ ନାମ ଭୋଟର ତାଲିକାରୁ ବାହାର କରିବା ପ୍ରକ୍ରିୟା
ଆରମ୍ଭ କରିଛି। ଘଟଣା ସାମ୍ନାକୁ ଆସିବା ପରେ ନିର୍ବାଚନ ଆୟୋଗ ଓ ଗୃହ ମନ୍ତ୍ରାଳୟ, ରାଜ୍ୟ ସରକାର ଓ ଜିଲ୍ଲା ପ୍ରଶାସନଙ୍କୁ ଏହାର ରିପୋର୍ଟ ମାଗିଛନ୍ତି ଓ
ଘଟଣାର ଗଭୀର ତଦନ୍ତ କରିବା ନିର୍ଦ୍ଦେଶ ଦେଇଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
30 Aug 2025