ଜୟପୁର, 26 ଅଗଷ୍ଟ (ହି.ସ.)- ରାଜସ୍ଥାନରେ

ହେଉଥିବା ଲଗାଣ ବର୍ଷା ଯୋଗୁ ସାଧାରଣ ଜନଜୀବନ ପ୍ରଭାବିତ ହୋଇଛି। ପାଣିପାଗ ବିଭାଗ ମଙ୍ଗଳବାର

ଦିନ ଜାଲୋର, ସିରୋହୀ ଓ ଉଦୟପୁର

ଜିଲ୍ଲା ପାଇଁ ଅରେଞ୍ଜ୍ ଆଲର୍ଟ ଜାରି କରିଛି। ସେହିପରି ବାଡ଼ମେର,

ପାଳି, ରାଜସମନ୍ଦ, ଡୁଙ୍ଗରପୁର,

ବାଂସୱାଡ଼ା, ଚୁରୁ, ଝୁଞ୍ଝୁନୂଁ ଓ

ଅଲୱାର ଜିଲ୍ଲା ପାଇଁ ୟେଲୋ ଆଲର୍ଟ ଜାରି ହୋଇଛି। ସୁରକ୍ଷା ଦୃଷ୍ଟିରୁ ମଙ୍ଗଳବାର ଦିନ 8ଟି

ଜିଲ୍ଲାରେ ସ୍କୁଲ୍ ବନ୍ଦ ଘୋଷଣା କରାଯାଇଛି।

ସୋମବାର ଦିନ ହୋଇଥିବା ପ୍ରବଳ

ବର୍ଷା ଯୋଗୁ ଅନେକ ସହର, ଗାଁ ଜଳମଗ୍ନ ହୋଇଯାଇଛି। ଉଦୟପୁରରେ ଘର ଧସି ପଡିବାରୁ ଜଣେ

ବ୍ୟକ୍ତିଙ୍କ ମୃତ୍ୟୁ ଘଟିଛି। ସିକର ରେଳ ଷ୍ଟେସନରେ ଟ୍ରାକ୍‌ ଉପରେ ପାଣି ଭରିଯାଇଛି। କୋଟା

ବିଶ୍ୱବିଦ୍ୟାଳୟ 26 ଅଗଷ୍ଟରେ ହେବାକୁ ଥିବା ପରୀକ୍ଷା ସ୍ଥଗିତ କରିଛି।

ଉଦୟପୁରରେ ଖେରୱାଡ଼ା-ଝାଡ଼ୋଳ

ରାସ୍ତାଉପରେ ସୋମ୍ ନଦୀର ପାଣି ଆସିବାରୁ ଯାତାୟାତ ବନ୍ଦ ହୋଇଯାଇଛି।

ସିରୋହୀରେ ଶିବଗଞ୍ଜ-ସୁମେରପୁର ମଧ୍ୟରେ ଜୱାଇ ନଦୀରେ ଗାଡ଼ି ଭାସିଯାଇଥିବା ବେଳେ ଥାନା ଓ

ସ୍ଥାନୀୟ ଲୋକେ ଗାଡ଼ିରେ ଥିବା ପୁରୁଷ ଓ ମହିଳାଙ୍କୁ ସୁରକ୍ଷିତ ଉଦ୍ଧାର କରିଛନ୍ତି । ଦୌସାର

ସିକନ୍ଦରା ଛକ ନିକଟ ଜୟପୁର-ଆଗ୍ରା ରାଷ୍ଟ୍ରୀୟ ରାଜପଥ ଉପରେ ତିନି ଦିନ ଧରି ପାଣି ଭରି ରହିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା