ଇନ୍ଦୋର, 26 ଅଗଷ୍ଟ (ହି.ସ.)- କେନ୍ଦ୍ର

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଆଜି ମଧ୍ୟପ୍ରଦେଶକୁ ଦୁଇ ଦିନିଆ ଗସ୍ତରେ ଇନ୍ଦୋର

ଆସୁଛନ୍ତି। ସେ ଏଠାରେ ଇନ୍ଦୋର ଜିଲ୍ଲାର ମହୂରେ ଭାରତୀୟ ସେନାର ଗୋଟିଏ ବଡ଼ କାର୍ଯ୍ୟକ୍ରମରେ

ଅଂଶଗ୍ରହଣ କରିବେ। ଅପରେସନ୍ ସିନ୍ଦୂର ପରେ ଦେଶର ତିନୋଟି ସେନା ଦ୍ୱାରା ଯୁଦ୍ଧ ପ୍ରଣାଳୀରେ

ନବୀନତା ଓ ରଣନୀତି ଉପରେ ଜାତୀୟ ସ୍ତରର 'ରଣ ସଂବାଦ 2025' ଆୟୋଜିତ କରାଯାଉଛି।

ଏହି କାର୍ଯ୍ୟକ୍ରମ ମହୂର ସେନା ଅନୁଷ୍ଠାନ ଆର୍ମି ୱାର କଲେଜରେ 26 ଓ 27 ଅଗଷ୍ଟ ତାରିଖରେ

ହେଉଛି।

ଇନ୍ଦୋରର ଏଡିଏମ ରୋଶନ ରାୟ

କହିଛନ୍ତି ଯେ, କେନ୍ଦ୍ରୀୟ ମନ୍ତ୍ରୀ ରାଜନାଥ ସିଂହ ଆଜି ସନ୍ଧ୍ୟାରେ ଇନ୍ଦୋର ବିମାନବନ୍ଦରରେ

ପହଂଚିବେ ଏବଂ ସେଠାରୁ ସିଧାସଳଖ ଡ଼. ଆମ୍ବେଡକର ନଗର ମହୂକୁ ଯିବେ। ମହୂରେ କାର୍ଯ୍ୟକ୍ରମ

ସମ୍ପୂର୍ଣ୍ଣ କରି 27 ଅଗଷ୍ଟ ସକାଳେ ସେ ଇନ୍ଦୋର ଆସି ସେଠାରୁ ନୂଆଦିଲ୍ଲୀ ପାଇଁ ପ୍ରସ୍ଥାନ

କରିବେ।

ମହୂରେ ଆୟୋଜିତ

କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ସହିତ ସିଡିଏସ୍ ଜେନେରାଲ୍ ଅନିଲ୍

ଚୌହାନ, ସ୍ଥଳସେନା ପ୍ରମୁଖ ଜେନେରାଲ୍ ଉପେନ୍ଦ୍ର ଦ୍ୱିବେଦୀ, ନ୍ୟାଭି ଚିଫ୍ ଆଡମିରାଲ୍ ଦିନେଶ କୁମାର ତ୍ରିପାଠୀ ଓ ବାୟୁ ସେନା ପ୍ରମୁଖ ଏୟାର୍ ଚିଫ୍

ମାର୍ଶାଲ୍ ଅମରପ୍ରୀତ ସିଂହ ମଧ୍ୟ ଉପସ୍ଥିତ ରହିବେ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା