ୱାଶିଂଟନ, 26 ଅଗଷ୍ଟ (ହି.ସ.)- ଆମେରିକା
ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋମବାର ଦିନ ହ୍ୱାଇଟ୍ହାଉସ୍ରେ ଦକ୍ଷିଣ କୋରିଆର ନୂଆ
ରାଷ୍ଟ୍ରପତି ଲି ଜେ ମ୍ୟଙ୍ଗଙ୍କୁ ସ୍ଵାଗତ କରିଛନ୍ତି। ଏହି ଦୁଇ ନେତାଙ୍କ ମଧ୍ୟରେ ବ୍ୟବସାୟ ଓ
ପ୍ରତିରକ୍ଷା ସହଯୋଗ ବିଷୟରେ ଗୁରୁତ୍ୱପୂର୍ଣ୍ଣ ଆଲୋଚନା ହୋଇଛି । ବୈଠକର କିଛି ଘଣ୍ଟା ପୂର୍ବରୁ
ଟ୍ରମ୍ପ ଏକ ସୋସିଆଲ୍ ମିଡିଆ ପୋଷ୍ଟ୍ରେ ଦାବି କରିଥିଲେ ଯେ, ଦକ୍ଷିଣ କୋରିଆରେ “ପର୍ଜ୍” କିମ୍ବା “ବିପ୍ଲବ” ଚାଲିଛି, ଓ ସେ ସିଓଲ୍ ସହିତ କୌଣସି ବ୍ୟବସାୟ କରିବେ ନାହିଁ ବୋଲି ଚେତାବନୀ
ଦେଇଥିଲେ। ହେଲେ ଟ୍ରମ୍ପଙ୍କ ଏହି ମନ୍ତବ୍ୟ କାହା ପ୍ରତି ଥିଲା, ତାହା ସ୍ପଷ୍ଟ ହୋଇପାରିନାହିଁ।
ଦକ୍ଷିଣ କୋରିଆ ଗତ କିଛି ମାସ
ହେବ ରାଜନୈତିକ ଅସ୍ଥିରତାର ସମ୍ମୁଖୀନ ହେଉଛି । ପୂର୍ବତନ ରାଷ୍ଟ୍ରପତି ୟୁନ୍ ସୁକ୍ ୟୋଲ୍ ଗତ
ଡିସେମ୍ବର ମାସରେ ମାର୍ଶାଲ୍ ଲ ଲାଗୁ କରିବା ପରେ ପଦ ଛାଡ଼ିବାକୁ ବାଧ୍ୟ ହୋଇଥିଲେ, ଯାହା ପରେ ଦେଶରେ ଶାସନ ପରିବର୍ତ୍ତନ ହୋଇଥିଲା।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
30 Aug 2025