ନୂଆଦିଲ୍ଲୀ, ୨୭ ଅଗଷ୍ଟ (ହି.ସ.)- ଭାରତୀୟ ଜନତା ପାର୍ଟି (ବିଜେପି) ପଞ୍ଜାବ ମୁଖ୍ୟମନ୍ତ୍ରୀ ଭଗବନ୍ତ ମାନ ଏବଂ ଆମ ଆଦମୀ ପାର୍ଟି ନେତୃତ୍ୱ ଉପରେ କଠୋର ଆକ୍ରମଣ କରିଛି। ଦଳ କହିଛି ଯେ ଯେତେବେଳେ ରୋମ ଜଳୁଥିଲା, ସେତେବେଳେ ନିରୋ ବଂଶୀ ବଜାଉଥିଲା। ଆଜି ପଞ୍ଜାବରେ ସମାନ ଦୁଃଖର ପୁନରାବୃତି ହେଉଛି। ହଜାର ହଜାର ପରିବାର ବନ୍ୟାରେ ଫସି ରହିଛନ୍ତି ଏବଂ ମୁଖ୍ୟମନ୍ତ୍ରୀ ମାନ ତାମିଲନାଡୁରେ ଅଛନ୍ତି, ଯେତେବେଳେ ଅରବିନ୍ଦ କେଜରିୱାଲ ଏବଂ ମନୀଷ ସିସୋଦିଆ ପଞ୍ଜାବର ସମ୍ପଦ ଉପରେ ଭୋଜି କରୁଛନ୍ତି।

ବିଜେପି ରାଷ୍ଟ୍ରୀୟ ମହାସଚିବ ତରୁଣ ଚୁଗ୍ ବୁଧବାର ଏକ ବିବୃତିରେ କହିଛନ୍ତି ଯେ ମିଥ୍ୟା ପ୍ରତିଶ୍ରୁତି ଦେବା ପରିବର୍ତେ ମାନ ଉତର ଦେବା ଉଚିତ ଯେ ଚାଷୀମାନେ କେବେ ଋଣ ଛାଡ ପାଇବେ? ଏମଏସପି ଟପ୍‌-ଅପ୍ କେବେ ସମାପ୍ତ ହେବ? ପଞ୍ଜାବର ମହିଳାମାନେ ଗତ ୪୦ ମାସ ଧରି ପ୍ରତି ମାସରେ ୧୦୦୦ ଟଙ୍କା ପାଇଁ ଅପେକ୍ଷା କରିଛନ୍ତି, କିନ୍ତୁ ଆମ ଆଦମୀ ପାର୍ଟି ସରକାର ଏପର୍ଯ୍ୟନ୍ତ ଗୋଟିଏ ବି ଘୋଷଣା ପୂରଣ କରିନାହାଁନ୍ତି।

ସେ କହିଛନ୍ତି ଯେ ଗତ ଚାରି ବର୍ଷ ମଧ୍ୟରେ ମାନ ସରକାର ପଞ୍ଜାବ ଉପରେ ୧ ଲକ୍ଷ କୋଟି ଟଙ୍କାର ନୂତନ ଋଣ ଲଦି ଦେଇଛନ୍ତି, ପ୍ରଧାନମନ୍ତ୍ରୀ ପୋଷଣ ଯୋଜନା ଭଳି କେନ୍ଦ୍ର ସରକାରଙ୍କ ଯୋଜନା ଉପରେ ନିଜ ଫଟୋ ଲଗାଇ ଉପସ୍ଥାପନ କରିଛନ୍ତି ଏବଂ ତଥାପି ମୌଳିକ ପ୍ରତିଶ୍ରୁତି ପୂରଣ କରିନାହାଁନ୍ତି। ସେ କହିଛନ୍ତି ଯେ ଆଜି ପ୍ରଧାନମନ୍ତ୍ରୀ ପୋଷଣ ଯୋଜନା ଯୋଗୁଁ ପଞ୍ଜାବର ୨୦ ଲକ୍ଷରୁ ଅଧିକ ପିଲା ଏବଂ ସାରା ଦେଶରେ ୧୧.୫ କୋଟିରୁ ଅଧିକ ପିଲା ପୁଷ୍ଟିକର ଖାଦ୍ୟ ପାଉଛନ୍ତି।

ପଞ୍ଜାବର ଦୁର୍ଦ୍ଦଶା ପାଇଁ ମୁଖ୍ୟମନ୍ତ୍ରୀ ମାନଙ୍କ ବିଫଳତାକୁ ଦାୟୀ କରି ଚୁଗ୍ କହିଛନ୍ତି ଯେ ଆଇନ ଶୃଙ୍ଖଳା ଭୁଶୁଡ଼ି ପଡ଼ିଛି। ଅର୍ଥନୀତି ପଙ୍ଗୁ ହୋଇଯାଇଛି ଏବଂ ନିଶା ଯୁବପିଢ଼ିଙ୍କୁ ନଷ୍ଟ କରିଦେଇଛି।

------------

---------------

ହିନ୍ଦୁସ୍ଥାନ ସମାଚାର / ଗଗନ