ସମ୍ବଲପୁର, ୨୭ ଅଗଷ୍ଟ (ହି.ସ.)- ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି କୃଷି ଭିତିକ ଗଣ ପର୍ବ ନୂଆଁଖାଇ ଅବସରରେ ଓୟୁଏଟି ଭୁବନେଶ୍ୱର ଠାରେ କୃଷକ ମାନଙ୍କୁ ରବି ୨୦୨୫-୨୬ ର ସିଏମ କିଷାନ ସହାୟତା ରାଶି କିସ୍ତି ପ୍ରଦାନ କରିଛନ୍ତି । ଏହି ଅବସରରେ ସମ୍ବଲପୁର ଜିଲ୍ଲା ପ୍ରଶାସନ ଏବଂ ଜିଲ୍ଲା କୃଷି ଓ କୃଷକ ସଶକ୍ତିକରଣ ବିଭାଗର ମିଳିତ ଆନୁକୁଲ୍ୟରେ ସ୍ଥାନୀୟ ତପସ୍ୱିନୀ ପ୍ରେକ୍ଷାଳୟ ଠାରେ ଏକ ଜିଲ୍ଲା ସ୍ତରୀୟ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରାଜ୍ୟ ପଂଚାୟତିରାଜ ଓ ପାନୀୟଜଳ ଓ ଗ୍ରାମ୍ୟ ଉନ୍ନୟନ ବିଭାଗ ମନ୍ତ୍ରୀ ରବିନାରାୟଣ ନାୟକ, ସମ୍ବଲପୁର ବିଧ।ୟକ ଜୟନାରାୟଣ ମିଶ୍ର, କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ପ୍ରତିନିଧି ତଥା ପୂର୍ବତନ ବିଧାୟକ ନାଉରି ନାୟକ, ଜିଲ୍ଲାପାଳ ସିଦ୍ଧେଶ୍ୱର ବଳିରାମ ବୋନ୍ଦର, ଆଇଏଏସ ପ୍ରୋବେସନର ସୁଭ୍ରା ପଣ୍ଡା, ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ପ୍ରସନ୍ନ ପାତ୍ର, ସିଡିଏଓ ହେମନ୍ତ ଜେନାଙ୍କ ସମେତ ଅନ୍ୟ ବିଭାଗୀୟ ଅଧିକାରୀ, ଚାଷି ବୃନ୍ଦ ଯୋଗଦେଇ ଓୟୁଏଟି ଭୁବନେଶ୍ୱର ଠାରୁ ମୁଖ୍ୟମନ୍ତ୍ରୀଙ୍କ ଦ୍ୱାରା ସିଏମ କିଷାନ ସହାୟତା ରାଶି ପ୍ରଦାନର ସିଧା ପ୍ରସାରଣ ଆଭାସୀ ମାଧ୍ୟମରେ ଦେଖିଥିଲେ।
ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପଂଚାୟତିରାଜ ଓ ପାନୀୟଜଳ ବିଭାଗ ମନ୍ତ୍ରୀ, ରବିନାରାୟଣ ନାୟକ ଯୋଗଦେଇ ପଶ୍ଚିମ ଓଡ଼ିଶାର ଗଣପର୍ବ ନୂଆଖାଇ ଅବସରରେ ସମସ୍ତଙ୍କୁ ଅଭିନନ୍ଦନ ଜଣାଇ ଶୁଭକାମନା କରିଥିଲେ। ନିଜ ଅଭିଭାଷଣରେ ଆଜିର ଏହି ଶୁଭଅବସରରେ ଓଡିଶା ମୁଖ୍ୟମନ୍ତ୍ରୀଙ୍କ କରକମଳରେ ପ୍ରାୟ ୫୧ ଲକ୍ଷ୍ୟରୁ ଉର୍ଦ୍ଧ୍ୱ ଚାଷୀମାନଙ୍କୁ ସିଏମ କିଷାନ୍ ସହାୟତା ରାଶି ପ୍ରଦାନ କରାଯାଉଛି ବୋଲି ସୂଚନା ଦେଇଥିଲେ। ଏହା ପରେ ନିଜ ଜିଲ୍ଲାର ଉନ୍ନତି କରିବାକୁ ହେଲେ ପ୍ରଥମେ ଚାଷକୁ ପ୍ରାଧାନ୍ୟ ଦେବାକୁ ପଡ଼ିବ ଓ ଚାଷୀ ଭାଇଭଉଣୀଙ୍କୁ ସୃଦୃଢ଼ କରିବାକୁ ପଡିବ ବୋଲି କହିଥିଲେ। ଏହି ଅବସରରେ ନିଲଡୁଙ୍ଗୁରି ଫାର୍ମରେ ନୂଆ ଟର୍ମିନାଲ ମାର୍କେଟ ନିର୍ମାଣ ପାଇଁ କେନ୍ଦ୍ର ସରକାରଙ୍କ ଅନୁମୋଦନ ମିଳିଛି ବୋଲି ମନ୍ତ୍ରୀ ସୂଚନା ଦେଇ କହିଥିଲେ ଏଥର ଆମେ ୨୦ ହଜାର ହେକ୍ଟର ଜମିକୁ ଜଳ ସେଚନ କରାଇବା ପାଇଁ ବ୍ୟବସ୍ଥା କରିଛୁ। ସେଥିପାଇଁ ୧୨ ରୁ ୧୫ ଟି ମେଗା ପ୍ରକଳ୍ପ ଅନୁମୋଦିତ ହୋଇଛି, ଯାହା ଚାଷକାର୍ଯ୍ୟରେ ମୁଖ୍ୟ ଭୂମିକା ଗ୍ରହଣ କରିବ ।ଭାରତ ସରକାରଙ୍କ ଅଧୀନରେ କେନ୍ଦ୍ରୀୟ କୃଷି ବିଶ୍ୱବିଦ୍ୟାଳୟ ଆମ ଅଂଚଳରେ ନିର୍ମାଣ ହେବ ବୋଲି ଶ୍ରୀ ନାୟକ କହିଥିଲେ। ବିଗତ ଦିନ ଅପେକ୍ଷା ଏଥର ପ୍ରାୟ ୩ ହଜାର ଅଧିକା ଚାଷୀ ସିଏମ୍ କିସାନ ଯୋଜନାରେ ଆବେଦନ କରିଛନ୍ତି। ଆଗାମୀ ଦିନରେ ସମ୍ବଲପୁରରେ ୧୩୨ ଟି ମଣ୍ଡି ସହିତ ୩ ଟି ଷ୍ଟୋରେଜ ନିର୍ମିତ ହେବ ବୋଲି ସେ ସୁଚନା ଦେଇଥିଲେ। କେବଳ ଏତିକି ନୁହେଁ ଆଗାମୀ ଦିନରେ ମହାନଦୀରେ ଆଉ ୭ ଟି ବ୍ୟାରେଜ ଓ ଇଣ୍ଟର ରିଭର୍ କନେକ୍ସନ କରାଯିବାର ଅଛି ବୋଲି ମଧ୍ୟ କହିଥିଲେ। ସିଏମ କିଷାନ ଯୋଜନାରେ ବଂଚିତ ହୋଇଥିବା ଚାଷୀଙ୍କୁ ପରବର୍ତୀ ସମୟରେ ଅନ୍ତର୍ଭୁକ୍ତ କରାଇବା ପାଇଁ ଜିଲ୍ଲା ପ୍ରଶାସନକୁ ପରାମର୍ଶ ଦେଇଥିଲେ । ଏଥି ସହିତ ଏହି ସବୁ ସରକାରୀ ଯୋଜନା ବିଷୟରେ ସବୁ ସ୍ତରରେ ଚାଷୀମାନଙ୍କ ମଧ୍ୟରେ ସଚେତନତା ସୃଷ୍ଟି କରିବା ପାଇଁ ଆବଶ୍ୟକୀୟ ପଦକ୍ଷେପ ନିଆଯାଉ ବୋଲି ମଧ୍ୟ କହିଥିଲେ।ଯାହା ଦ୍ୱାରା ଅଧିକରୁ ଅଧିକ ଚାଷୀ ମୁଖ୍ୟ ସ୍ରୋତରେ ଅନ୍ତର୍ଭୁକ୍ତ ହୋଇ ପାରିବେ, ଉତ୍ପାଦନ ବୃଦ୍ଧି ପାଇବ, ଆମ ରାଜ୍ୟ କୃଷି କ୍ଷେତ୍ରରେ ଉନ୍ନତି କରିପାରିବ ବୋଲି ମଧ୍ୟ କହିଥିଲେ। ମୂଖ୍ୟମନ୍ତ୍ରୀ ସିଏମ କିଷାନ ଯୋଜନା ଓଡିଶା ସରକାରଙ୍କ ଦ୍ୱାରା ପ୍ରବର୍ତିତ ଏକ କୃଷକ କଲ୍ୟାଣକାରୀ ପ୍ରଗତିଶୀଳ ତଥା କୃଷକଙ୍କୁ ମୁଖ୍ୟ ସ୍ରୋତରେ ସମ୍ମିଳିତ କରିବା ଭଳି ଯୋଜନା । କୃଷକର ବିକାଶ ଏବଂ ଦାରିଦ୍ର୍ୟ ହ୍ରାସ ପ୍ରକ୍ରିୟାକୁ ତ୍ୱରାନ୍ୱିତ କରିବା ନିମନ୍ତେ ଓଡିଶା ସରକାର ଏହି ଯୋଜନାକୁ କାର୍ଯ୍ୟକାରୀ କରିଛନ୍ତି । ଏହି ଯୋଜନା ମାଧ୍ୟମରେ ଆବଶ୍ୟକ ସମୟରେ ବିହନ, ସାର, କୀଟନାଶକ, କୃଷି ଯନ୍ତ୍ରପାତି କିଣିବା ତଥା ସେମାନଙ୍କର ଘରୋଇ ଆବଶ୍ୟକତା ପୂରଣ କରିବା ପାଇଁ ଯୋଗ୍ୟ କୃଷକମାନଙ୍କୁ ସମାନ ଦୁଇଟି କିସ୍ତିରେ ବର୍ଷକୁ ଟ ୪,୦୦୦ / -ଙ୍କା ର ସହାୟତା ପ୍ରଦାନ କରାଯାଉଛି ।
ଆମ ଜିଲ୍ଲାରେ ୯୦୯୭୦ କ୍ଷୁଦ୍ର ଓ ନାମ ମାତ୍ର ଚାଷୀ ଓ ୨୫ ଭୂମିହୀନ ଚାଷୀଙ୍କୁ ଯେଉଁମାନେ ଇ- କେୱାଇସି ଜମିଜମାର ବିବରଣୀ, ଆଧାର ବ୍ୟାଙ୍କ ଆକାଉଂଟ ଲିଙ୍କ୍, ଆଧାର ଅନୁଯାୟୀ ନାମ ସଂଶୋଧନ ଆଦି ଯୋଜନାର ସମସ୍ତ ଆବଶ୍ୟକତା ପୂରଣ କରୁଛନ୍ତି, ସେହି ସି ଏମ କିଷାନ ଯୋଗ୍ୟ ହିତାଧୁକାରୀ ଆଜି ୨,୦୦୦ ଟଙ୍କା ହିସାବରେ ମୋଟ ୧୮.୩୬କୋଟି ରୁ ଉର୍ଦ୍ଧ୍ୱ ଟଙ୍କା ସହାୟତା ପ୍ରଦାନ କରାଯାଉଅଛି । ଏହି ଅର୍ଥ ସିଧାସଳଖ ଚାଷୀଙ୍କ ବ୍ୟାଙ୍କ ଆକାଉଂଟକୁ ହସ୍ତାନ୍ତର କରାଯାଉଅଛି । ଏହି ପ୍ରକ୍ରିୟାରେ ସୂଚନା ଓ ପ୍ରଯୁକ୍ତି ବିଦ୍ୟାର ବ୍ୟବହାର ହେଉଛି ଏବଂ ସ୍ୱଚ୍ଛତା ବଜାୟ ରହୁଛି ।
------------------
---------------
ହିନ୍ଦୁସ୍ଥାନ ସମାଚାର / ଶୈଳେଶ
