ବଲାଙ୍ଗୀର, ୨୮ ଅଗଷ୍ଟ(ହି.ସ.) – ପଶ୍ଚିମ ଓଡ଼ିଶାର ମହାନ ଗଣପର୍ବ ନୂଆଁଖାଇ ଆଜି। ଆଉ ଏଥିପାଇଁ ସାରା ପଶ୍ଚିମ ଓଡ଼ିଶା ଗର୍ଜି ଯାଉଥିବାବେଳେ ଇଷ୍ଟଦେବୀ ମା’ଙ୍କ ଠାରେ ନବାନ୍ନ ଲାଗିଛି। ନୀତି ନିର୍ଘଂଟ ଅନୁସାରେ ମା’ଙ୍କ ପାଖରେ ନବାନ୍ନ ଲାଗିବା ପରେ ମିଳିମିଶି ନୁଆଁ ଖାଇଛନ୍ତି ବଲାଙ୍ଗୀରର ରାଜ ପରିବାର। ବଲାଙ୍ଗୀର ଶୈଳେଶ୍ରୀ ପ୍ୟାଲେସ ଠାରେ ରାଜ୍ୟ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କ ପରିବାର ଓ ବଲାଙ୍ଗୀର ବିଧାୟକ କଳିକେଶଙ୍କ ପରିବାର ମିଳିମିଶି ନୁଆଁଖାଇ ଖାଇଛନ୍ତି। ରାଜ୍ୟ ଉପମୁଖ୍ୟମନ୍ତ୍ରୀ ତଥା ବଲାଙ୍ଗୀରର ରାଜା କନକ ବର୍ଦ୍ଧନ ସିଂହଦେଓ ଓ ତାଙ୍କ ଧର୍ମପତ୍ନୀ ତଥା ବଲାଙ୍ଗୀରର ମହାରାଣୀ ଶ୍ରୀମତୀ ସଙ୍ଗୀତା ସିଂହଦେଓଙ୍କ ସହ ବଲାଙ୍ଗୀର ବିଧାୟକ କଳିକେଶ ଓ ତାଙ୍କ ଧର୍ମପତ୍ନୀ ଶ୍ରୀମତୀ ମେଘ୍ନା ରାଣୀ ସିଂହଦେଓ ଏକାଠି ମିଶି ଭାଇଚାରାର ପର୍ବ ନୂଆଁଖାଇକୁ ନିଆରା ଢଙ୍ଗରେ ପାଳନ କରିଥିଲେ।
ହିନ୍ଦୁସ୍ଥାନ ସମାଚାର/ଗୋପବନ୍ଧୁ/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
