ଜୟପୁର, ୨୮ ଅଗଷ୍ଟ (ହି.ସ.) - ଜୟପୁର ସହରରେ ଗତ ମଙ୍ଗଳବାର ରାତି ଠାରୁ ବୁଧବାର ପୂର୍ବାହ୍ନ ପର୍ଯ୍ୟନ୍ତ ଯେଉଁଭଳି ଭାବେ ପ୍ରବଳ ବର୍ଷା ହୋଇଥିଲା । ଏଥିରେ ଜୟପୁର ସହରର ବିଭିନ୍ନ ସାହି, ବସ୍ତି ଗୁଡିକରେ ଡ୍ରେନ ପାଣି ରାତିରେ ପ୍ରବାହିତ ଘର ଭିତରେ ପ୍ରବେଶ କରିଥିଲା । ଏଥିରେ ଲୋକମାନେ ହଇରାଣ ହୋଇଥିଲେ । ସାରା ସହରର ଅଧିକାଂଶ ଅଂଚଳ ଜଳମଗ୍ନ ହୋଇଯାଇଥିଲା, ଏହିପରି ସହର ବାସିନ୍ଦାଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଥିଲା । ଡ୍ରେନ ନିର୍ମାଣ ବ୍ୟବସ୍ଥା ଏବଂ ବର୍ଷା ଦିନ ପୂର୍ବରୁ ଡ୍ରେନ ଗୁଡିକର ସଫେଇକୁ ନେଇ ମଧ୍ୟ ପ୍ରଶ୍ନବାଚୀ ସୃଷ୍ଟି ହୋଇଥିଲା । ଏଥିନେଇ ପୌରସଂସ୍ଥା ଏବଂ ପ୍ରଶାସନକୁ ସମାଲୋଚନା କରାଯାଇଥିଲା । ଏହିପରି ବିଜୁରାଜ ନଗର, ଏନ.କେ.ଟି ରୋଡ ବସ୍ତି ଅଂଚଳ, ବେଲ ରୋଡ ଗୁଡିକରେ ବର୍ଷା ଜଳ ଜମା ହୋଇ ନିଷ୍କାସିତ ହୋଇପାରିନଥିଲା । ଗତକାଲି ଠାରୁ ପୌରସଂସ୍ଥା ପକ୍ଷରୁ ତତ୍ପରତା ପ୍ରକାଶ ପାଇଥିଲା ଏବଂ ଗତକାଲି ରାତି ୮ ଟା ସମୟରେ ବିଜୁରାଜ ନଗର ପଛପାଖରେ ରହିଥିବା ହୁଡା ଭାଙ୍ଗି ମତ୍ସ୍ୟ ବିଭାଗର ପୋଖରୀ ଗୁଡିକରେ ପ୍ରବେଶ କରାଯିବା ପରେ ନୂଆ ସାହି ୫ମ ଲାଇନ ନିକଟସ୍ଥ ଡ୍ରେନକୁ ଛଡାଯାଇଥିଲା । ସେହିପରି ସହରର ବେଲ ରୋଡ, ଡ୍ରେନକୁ ସଫେଇ କରାଯାଇ ଶୁଭମ କଲ୍ୟାଣ ମଣ୍ଡପ ପଛପାଖ ବଡ଼ ଡ୍ରେନ ଦେଇ ଚିକିଟି ନାଳକୁ ପାଣି ନିଷ୍କାସିତ ହୋଇଥିଲା । ଏନ.କେ.ଟି ରୋଡର ସିନେମାନ ସାହି ବସ୍ତିରେ ପାଣି ଜମା ହୋଇରହିଥିଲା । ଏହାକୁ ମଧ୍ୟ ନିଷ୍କାସନ କରାଯାଇ ଚିକିଟି ନାଳକୁ ସଂଯୋଗ କରୁଥିବା ଡ୍ରେନରେ ଛଡାଯାଇଥିଲା । ଏହିପରି ଆଜି ପୂର୍ବାହ୍ନରେ ସହରର ବିଭିନ୍ନ ଡ୍ରେନ ଗୁଡିକର ଘୋଡଣି ବାହାର କରାଯାଇ ଜମା ହୋଇଥିବା ଅଳିଆ ଆବର୍ଜନା ସଫା କରିବା ପରେ ଜଳ ନିଷ୍କାସିତ ହୋଇଥିଲା । ଏହିପରି ସହରର ବର୍ଷା ଜଳ ନିଷ୍କାସନ ନେଇ ପୌରସଂସ୍ଥା ପକ୍ଷରୁ ଗତକାଲି ଏବଂ ଆଜି ପୌରସଂସ୍ଥା ପକ୍ଷରୁ ସଫେଇ ଏବଂ ଡ୍ରେନ ସଫେଇ କରାଯାଇଛି । ଆଜି ପୂର୍ବାହ୍ନରେ ପୌର ଅଧ୍ୟକ୍ଷ ନରେନ୍ଦ୍ର ମହାନ୍ତି ନିଜ ସହରର ବୁଲି ସଫେଇ କାର?୍ୟ୍ୟର ତଦାରଖ କରିବା ସହ ଘରଭାଙ୍ଗିଥିବା ଲୋକମାନଙ୍କୁ ପୋଲିଥିନ ପ୍ରଦାନ କରିବାକୁ ପୌରସଂସ୍ଥା କର୍ମଚାରୀଙ୍କୁ ନିର୍ଦ୍ଦେଶ ଦେଇଥିଲେ ।

ହିନ୍ଦୁସ୍ଥାନ ସମାଚାର / ପିକେପି