ନୂଆଦିଲ୍ଲୀ, ୨୮ ଅଗଷ୍ଟ (ହି.ସ.)- ସୁପ୍ରିମକୋର୍ଟର ବିଚାରପତି ଏମ୍‌.ଏମ୍‌. ସୁନ୍ଦରେଶଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ସାମ୍ବାଦିକ ଅଭିସାର ଶର୍ମାଙ୍କ ଗିରଫଦାରୀ ଉପରେ ରୋକ୍ ଲଗାଇଛନ୍ତି । ଏଫଆଇଆର ରଦ୍ଦ କରିବା ମାମଲାରେ କୋର୍ଟ ଅଭିସାର ଶର୍ମାଙ୍କୁ ହାଇକୋର୍ଟ ଯିବାକୁ କହିଛନ୍ତି ।

ଅଭିସାର ଶର୍ମା ଆସାମ ପୋଲିସରେ ରୁଜୁ ହୋଇଥିବା ଏଫଆଇଆରକୁ ରଦ୍ଦ କରିବା ଏବଂ ତାଙ୍କ ଗିରଫଦାରୀ ଉପରେ ରୋକ୍ ଲଗାଇବାକୁ ଦାବି କରିଥିଲେ । କୋର୍ଟ ସିଧାସଳଖ ସୁପ୍ରିମକୋର୍ଟ ଆସିବା ଉପରେ ପ୍ରଶ୍ନ ଉଠାଇବା ସହିତ ପଚାରିଥିଲେ ଯେ, ହାଇକୋର୍ଟଙ୍କୁ ଅଣଦେଖା କରି ଏଠାକୁ କାହିଁକି ଆସିଥିଲ । ଏକ ଘରୋଇ କମ୍ପାନୀକୁ ଆସାମ ସରକାର ୩୦୦୦ ବିଘା ଜମି ଦେବା ଏବଂ ରାଜ୍ୟ ସରକାରଙ୍କୁ ସାମ୍ପ୍ରଦାୟିକ ବୋଲି କହିବା ସହିତ ଜଡ଼ିତ ଭିଡ଼ିଓକୁ ନେଇ ଆସାମ ପୋଲିସ ଅଭିସାର ଶର୍ମାଙ୍କ ବିରୋଧରେ ଏଫଆଇଆର ଦାୟର୍ କରିଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ