ଧର୍ମଶାଳା,୨୮ଅଗଷ୍ଟ(ହି.ସ.) - ଘରେ ବସି ଟଙ୍କା ରୋଜଗାର କରିବା ନିଶା ସମସ୍ତଙ୍କୁ ଘାରିଛି । ରାତାରାତି କୋଟିପତି ହେବା ଚୁରମାର ହୋଇଯାଇଛି । ଲୋଭରେ ପଡି ବୁଡିଛି ନିବେଶକଙ୍କ ଟଙ୍କା । ଏଭଳି ଘଟଣା ଦେଖିବାକୁ ମିଳିଛି ଧର୍ମଶାଳା ,ବଡଚଣା ଓ ରସୁଲପୁର ବ୍ଲକ ଅଂଚଳରେ । ଅଂଚଳର ଶତାଧିକ ମହିଳା ଓ ଯୁବକମାନେ ଫସି ଯାଇଛନ୍ତି । ଧର୍ମଶାଳା ବ୍ଲକର ମଙ୍ଗଳପୁର ଓ ଦେଓଦା ପଂଚାୟତ,ବଡଚଣା ବ୍ଲକର ସୁଙ୍ଗୁଡା ପଂଚାୟତ ଓ ରସୁଲପୁର ବ୍ଲକର ମଙ୍ଗରାଜପୁର ପଂଚାୟତରେ ଶହଶହ ଯୁବକ ଓ ମହିଳାମାନେ ଲକ୍ଷଲକ୍ଷ ଟଙ୍କା ଫସି ଯାଇଥିବା ଜଣାପଡିଛି । ଅନ ଲାଇନ ମନି ଗେମ ଆପ ୨୦ ତାରିଖରେ ବ୍ୟାନ ହେବା ପରେ ଏଥିରେ ଟଙ୍କା ଲଗାଇଥିବା ସ୍ଥାନୀୟ ଲୋକାଙ୍କର ଲକ୍ଷାଧବକ ଟଙ୍କା ବୁଡି ଯାଇଛି । ଅନ ଲାଇନ ମନି ଗେମ ଆପ୍ ରେ ଚାଳିଥିବା ଟଙ୍କା ଲଗାଣ ଖେଳକୁ ବ୍ୟାନ କରିଛନ୍ତି ସରକାର । କେନ୍ଦ୍ର ସରକାର ଘୋଷଣା କରିବା ମାତ୍ରେ ଲୋକଙ୍କୁ ଚୁନ ଲଗାଇ ଛୁ ମାରିଛନ୍ତି ଅନ ଲାଇନ ଆପ ସଂସ୍ଥା । ହିୟୁଜ୍ ନାମକ ଏକ ଆମର ନିକଟରେ ଆରମ୍ଭ ହୋଇଥିଲା । ଏଥିରେ ଅନେକ ଗୁଡିଏ ଲୋଭନୀୟ ଅଫର ଦିଆଯାଇଥିଲା । ୫୫୦୦ଟଙ୍କ ଟଙ୍କା ନିବେଶ କରି ପ୍ରତି ଦିନ ୨ଶହ ଟଙ୍କା ଆୟ,୧୬୫୦୦ଟଙ୍କା ନିବେଶ କରି ଦିନକୁ ୬୧୫ ଟଙ୍କା ରୋଜଗାର କରବିା ନିଶା ଦେଖାଇଥିଲା ଏହି ସଂସ୍ଥା । ସଂସ୍ଥାରେ କିଛି ଯୁବକ ଓ ଗ୍ରାମୀଣ ମହିଳା ଟଙ୍କା ନିବେଶ କରିବା ପରେ ସେମାନଙ୍କୁ ଅନେକ ଲୋଭନୀୟ ଅଫର ଦେଇଥିଲେ । ନିଜ ଅଧିନରେ ୧୨ ଜଣଙ୍କୁ ଏହି ଆପରେ ସାମିଲ କରାଇଲେ ମାସିକ ୧୦ ହଜାର ଯଙ୍କା ଓ ୨୦ଜଣଙ୍କୁ ସାମିଲ କରାଇଲେ ୧୫ ହଜାର ଟଙ୍କା ଦରମା ପାିଁ ମଧ୍ୟ ଲୋଭନୀୟ ଅଫର ଦିଆଯାଇଥିଲା । ଏପରିକି ଅନେକ ସମୟରେ ଅଧିକ ଆକର୍ଷିତ କରିବା ପାଇଁ ଫ୍ରିଜ୍ ଓ କୁଲର ଆଦି ଆକର୍ଷଣୀୟ ଅଫର ଦେଖାଇ ଥିଲା ଏହି ଆପ୍ । ଲୋଭରେ ପଡି ଲୋକେ ଧାର କରଜ କରି ଟଙ୍କା ଆଣି ଏଥିରେ ଲଗାଇ ଥିଲେ । ପରବର୍ତି ସମୟରେ ଟଙ୍କା ଉଠାଣ ପାଇଁ ମଙ୍ଗଳବାର ଓ ଗୁରୁବାର ଦିନ ଧାର୍ଯ୍ୟ କରାଯାଇଥିଲା । ପରେ ଏହି ଟଙ୍କା ଉଠାଣ ପାଇଁ ବାର୍ଷିକ ରିନୁଆଲ ଫି ଆକାରରେ ୧୬୫୦ ଓ ୪୯୫୦ଙ୍କା ରିଚାର୍ଯ୍ୟ କରିଲେ ଟଙ୍କା ଉଠିବ ବୋଲି କୁହା ଯାଇଥିଲା । ହେଲେ ରିଚାର୍ଯ ପରେ ଗୁଗୁଲ କ୍ରୋମରେ ଏବେ ହଠାତ୍ ଆପ ବନ୍ଦ ହୋଇଯିବା ପରେ ବିନିଯୋଗକାରୀଙ୍କ ମୁଣ୍ଡରେ ଚଡକ ପଡିଛି । ଏବେ ମୂଳ ଟଙ୍କା ପାଇବା ଆଶା ଆଶାଆଶାରେ ରହି ଯାଇଛି । ସ୍ଥାନୀୟ ଥାନା ଓ ସାଇବରରେ ଅଭିଯୋଗ କରିବାକୁ ଡରି ଯାଉଥିବା କହିଛନ୍ତି ସ୍ଥାନୀୟ ଯୁବକ ଓ ମହିଳାମାନେ ।

ହିନ୍ଦୁସ୍ଥାନ ସମାଚାର / ଚିନ୍ମୟ