ଭୁବନେଶ୍ୱର, ୨୮ ଅଗଷ୍ଟ(ହି.ସ)- ବିଜେଡିର ବରିଷ୍ଠ ନେତାଙ୍କୁ କାଉଂଟର କଲେ ବିରୋଧି ଦଳର ମୁଖ୍ୟ ସଚେତକ ପ୍ରମିଳା ମଲ୍ଲିକ। ପ୍ରମିଳା କହିଛନ୍ତି ପାଣ୍ଡିଆନ ଦମ୍ପତିଙ୍କୁ ନେଇ କୌଣସି ଇସ୍ୟୁ କରିବା ଠିକ୍ ନୁହେଁ । କାରଣ ଆମର ନେତା ନବୀନ ପଟ୍ଟନାୟକ। ଦଳ ହେଉଛି ବିଜୁ ଜନତା ଦଳ, ଚିହ୍ନ ହେଉଛି ଶଙ୍ଖ ଚିହ୍ନ। ଦଳରେ କିଏ କେଉଁଠି ବସିଲେ, କିଏ କାହା ସାଥିରେ କଥା ହେଲେ ସଂଗେ ସଂଗେ ସେ ନେତା ହୋଇଯିବେ ନାହିଁ। କି ନେତା ତାଙ୍କ ପଛରେ ଦୌଡ଼ିବେ ନାହିଁ। ଯେଉଁ କଥା ଚର୍ଚ୍ଚା ଆଲୋଚନା ହେଉଛି ତାହା ଭୁଲ। ନବୀନ ପଟ୍ଟନାୟକ ଏ ପର୍ଯ୍ୟନ୍ତ କିଛି କହି ନାହାନ୍ତି। କିଏ କେଉଁଠି ବସିଲେ କଣ କହିଲେ ତାକୁ ନେଇ କାହିଁକି ଏତେ ବିଚଳିତ ହେଉଛନ୍ତି। ବିଚଳିତ ହେବାର ଆବଶ୍ୟକତା ନାହିଁ। ଦଳରେ ସମସ୍ତେ ଶୃଙ୍ଖଳିତ ଅଛନ୍ତି। କେହି ବିଶୃଙ୍ଖଳିତ ହେଉ ନାହାନ୍ତି। ଯିଏ ଯେଉଁଠି ଯାହା କହୁଛି ତାହା ତାଙ୍କର ବ୍ୟକ୍ତିଗତ ମତ ହୋଇଥିବ।
ଏସଏଚଜି ମହିଳା ମାନେ ଦୁବାଇ ଯିବା ପ୍ରସଙ୍ଗରେ ପ୍ରମିଳା କହିଛନ୍ତି ମହିଳା ମାନଙ୍କୁ ଆଗକୁ ଆଣି ସମାଜର ମୁଖ୍ୟ ସ୍ରୋତ ରେ ସାମିଲ କରିବା ପାଇଁ ପ୍ରୟାସ କରାଯାଇଥିଲା। ମହିଳା ମାନେ ବିଦେଶରେ ବୁଲିବା ଦ୍ୱାରା ତାଙ୍କର କାର୍ଯ୍ୟ ଦକ୍ଷତା ବଢାଇବା ପାଇଁ ଟଙ୍କା ଖର୍ଚ୍ଚ ହୋଇଥିଲା। ସେଥିରେ ଅସୁବିଧା କଣ ଅଛି। ସିଙ୍ଗାପୁର ଯିବା, ଦୁବାଇ ଗଲେ ଅସୁବିଧା କଣ ବୋଲି ପ୍ରଶ୍ନ କରିଛନ୍ତି ପ୍ରମିଳା। ସିଙ୍ଗାପୁର, ଦୁବାଇରେ ମହିଳା ମାନେ କେମିତି ବ୍ୟବସାୟ କରୁଛନ୍ତି, ସେସବୁ ସେମାନେ ଦେଖିଥିଲେ। ତତ୍କାଳୀନ ସରକାର ଏ ସବୁ କରିଥିଲେ। ବର୍ତମାନ ସରକାର କଣ କରୁଛନ୍ତି ବୋଲି ପ୍ରଶ୍ନ କରିଛନ୍ତି ପ୍ରମିଳା ମଲ୍ଲିକ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
