ନୂଆଦିଲ୍ଲୀ, 28 ଅଗଷ୍ଟ (ହି.ସ.)- ଜମ୍ମୁ-କାଶ୍ମୀର

ଓ ପଂଜାବର କିଛି ଅଂଚଳରେ ଆସିଥିବା ଭୟଙ୍କର ବନ୍ୟା ପରେ ଭାରତୀୟ ସେନା ଓ ବାୟୁ ସେନା ରିଲିଫ ଓ

ରେସକ୍ୟୁ କାର୍ଯ୍ୟ ଆରମ୍ଭ କରିଛନ୍ତି। ଦୁଇଟି ସେନା ଦଳ ବନ୍ୟା ପୀଡ଼ିତ ଅଞ୍ଚଳରେ ହେଲିକପ୍ଟର ନିୟୋଜିତ

କରିଛନ୍ତି। ଉଡାଣ ଦକ୍ଷତା ଦେଖାଉଥିବା ଆର୍ମି ଏଭିଏସନ୍ ୟୁନିଟ ଖରାପ ପାଣିପାଗ ମଧ୍ୟରେ ମଧ୍ୟ

ଜୀବନ ବଞ୍ଚାଇବା ପାଇଁ ଦିନ-ରାତି ଅବିରତ ଚେଷ୍ଟା କରୁଛନ୍ତି। ଉତ୍ତର ପଂଜାବ ଓ ଜମ୍ମୁ ଅଞ୍ଚଳରେ

ଭାରତୀୟ ବାୟୁସେନା ଦ୍ରୁତ ବନ୍ୟା ଅଭିଯାନ ଆରମ୍ଭ କରିଛି।

27 ଅଗଷ୍ଟ ସନ୍ଧ୍ୟା ପ୍ରାୟ

4ଟା ବେଳେ, ଭାରତୀୟ ସେନା ପଂଜାବର ଗୁରଦାସପୁର ଅଞ୍ଚଳର ଲସ୍ସିଆଁ ଅଞ୍ଚଳରେ ବନ୍ୟା ପରିସ୍ଥିତିରେ

ଲୋକମାନେ ବିପଦରେ ପଡ଼ିଥିବା ଦେଖି ସାହସିକ ରେସକ୍ୟୁ ଅଭିଯାନ ଚଲାଇଥିଲେ। ଆର୍ମି ଏଭିଏସନ୍ ୟୁନିଟମାନଙ୍କ

3ଟି ଚିତା ହେଲିକପ୍ଟର ଅତି କଷ୍ଟସାଧ୍ୟ ଅବସ୍ଥାରେ ଅନେକ ଉଡ଼ାଣରେ 27 ଜଣଙ୍କୁ ସୁରକ୍ଷିତ ଭାବରେ

ଉଦ୍ଧାର କରିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା