ଜୟପୁର, ୨୯ ଅଗଷ୍ଟ (ହି.ସ.)- ମଦ୍ୟପାନ କରି ଟ୍ରକ ଚଲାଉଥିବା ଡ୍ରାଇଭର କୁ ଗିରଫ କରିଛି ଜୟପୁର ସଦର ପୋଲିସ । ଗିରଫ ଅଭିଯୁକ୍ତ ଜଣକ ହେଲେ କୁସୁମି ର ଧନସାଇ କୁମ୍ବାର (୩୧) ।

ସୂଚନା ଅନୁଯାୟୀ, ଗୁରୁବାର ରାତ୍ର ସମୟରେ ଜୟପୁର ସଦର ପୋଲିସ କଳାଗୁଡା, ଗଡପଦର ଓ ବାରିଣିପୁଟ ଅଞ୍ଚଳର ପେଟ୍ରୋଲିଂ କରୁଥିଲା । ସେହି ସମୟରେ ଜୟପୁର ଅଭିମୁଖେ ଏକ ଟ୍ରକ ଦ୍ରୁତ ଗତିରେ ଆସୁଥିବା ବେଳେ ବାରିଣିପୁଟ ନିକଟରେ ପେଟ୍ରୋଲିଂ ଟିମ ଟ୍ରକ କୁ ଅଟାକାଇ ଯାଞ୍ଚ କରିଥିବା ସମୟରେ ଡ୍ରାଇଭର ମଦ୍ୟପାନ କରିଥିବା ଜାଣିବାକୁ ପାଇଥିଲେ । ଏନେଇ ଟ୍ରକକୁ ଜବତ କରି ଡ୍ରାଇଭରକୁ ଗିରଫ କରିଛି । ଗିରଫ ଡ୍ରାଇଭରକୁ ନୋଟିସ ରେ ଛଡାଯାଇଥିବା ବିଷୟ ଆଜି ଜୟପୁର ସଦର ପୋଲିସ ତରଫରୁ ଗଣମାଧ୍ୟମକୁ ସୂଚନା ଦିଆଯାଇଛି ।

ହିନ୍ଦୁସ୍ଥାନ ସମାଚାର / ପିକେପି