ଟୋକିଓ,
(ଜାପାନ) 29 ଅଗଷ୍ଟ (ହି.ସ)-ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଜାପାନ ଦୁଇ ଦିନିଆ
ଗ୍ରସ୍ତ ସମୟରେ ରାଜଧାନୀ ଟୋକିଓ ପହଁଞ୍ଚିସାରିଛନ୍ତି।ଟୋକିଓରେ ଥିବା ଭାରତୀୟ ସମ୍ପ୍ରଦାୟର
ସଦସ୍ୟମାନେ ତାଙ୍କୁ ଭେଟିଛନ୍ତି। ପ୍ରଧାନମନ୍ତ୍ରୀ ମୋଦୀ ପ୍ରାୟ ଦୁଇ ଘଣ୍ଟା ଧରି ଏହି ବୈଠକର
ଫଟୋ ଏବଂ ବିବରଣୀତାଙ୍କ ଅଫିସିଆଲ ଏକ୍ସ
ହ୍ୟାଣ୍ଡଲରେ ସେୟାର କରିଛନ୍ତି।ପ୍ରଧାନମନ୍ତ୍ରୀ ମୋଦୀ ଲେଖିଛନ୍ତି ଟୋକିଓରେ ଭାରତୀୟ
ସମ୍ପ୍ରଦାୟର ସ୍ନେହ ମତେ ବହୁତ ପ୍ରଭାବିତ କରିଛି।ତାହା ପ୍ରକୃତରେ ପ୍ରଶଂସନୀୟ ଯେ କିଭଳି ସେ
ଜାପାନ ସମାଜରେ ଗୁରୁତ୍ୱପୁର୍ଣ୍ଣ ଅବଦାନ ସହିତ ଆମର ସାଂସ୍କୃତିକ ମୁଳକୁ ସଂରକ୍ଷଣ
କରୁଛନ୍ତି।ଆଗାମୀ କିଛି ଘଣ୍ଟାରେ ଭାରତ ଏବଂ ଜାପାନ ମଧ୍ୟରେ ବ୍ୟାପାର ଏବଂ ନିବେଶ ସମ୍ବନ୍ଧକୁ
ଆହୁରି ମଜବୁତ କରିବା ଲକ୍ଷ୍ୟରେ ବ୍ୟବସାୟିକ ନେତା ମାନଙ୍କ ସହ ଆଲୋଚନା କରିବି।ପ୍ରଧାନମନ୍ତ୍ରୀ
ମୋଦୀ ଜାପାନର ରାଜଧାନୀ ପହଁଞ୍ଚିବା ପରେ ଅନ୍ୟ ଏକ ଏକ୍ସ ପୋଷ୍ଟରେ ଲେଖିଛନ୍ତି ମୁଁ ଟୋକିଓରେ
ପହଁଞ୍ଚିଛି।ଭାରତ ଏବଂ ଜାପାନ ବିକାଶ ସହଯୋଗକୁ ଆହୁରି ମଜବୁତ କରିବା ଦିଗରେ ଆଗକୁ ବଢୁଛନ୍ତି
ଏବଂ ମୁଁ ଆଶା କରୁଛି ଏହି ଯାତ୍ରା ପ୍ରଧାନମନ୍ତ୍ରୀ ଇଶିବା ଏବଂ ଅନ୍ୟ ଲୋକଙ୍କ ସହିତ ମତ ବିନିମୟ
ଆମର ବିଦ୍ୟମାନ ସହଭାଗୀତାକୁ ଆହୁରି ମଜବୁତ କରିବା ଏବଂ ସହଯୋଗର ନୁତନ ସମ୍ଭାବନା ଅନୁସନ୍ଧାନ
କରିବାର ସୁଯୋଗ ପ୍ରଦାନ କରିବ।
---------------
ହିନ୍ଦୁସ୍ଥାନ ସମାଚାର / ରଶ୍ମିତା
30 Aug 2025