ଭବାନୀପାଟଣା, ୨୯ ଅଗଷ୍ଟ (ହି.ସ.)- କଳାହାଣ୍ଡି ଜିଲ୍ଲାର ଜଣେ ଦକ୍ଷ ପ୍ରଧାନ ଶିକ୍ଷକ କ୍ଷେତ୍ର ମୋହନ ସାହୁଙ୍କ ପରଲୋକରେ ମିଲକି ଅଞ୍ଚଳ ତଥା କଳାହାଣ୍ଡି ଜିଲ୍ଲାରେ ଶୋକର ଛାୟା ଖେଳିଯାଇଛି । ସେ ଜଣେ ଦକ୍ଷ ପ୍ରଧାନ ଶିକ୍ଷକ, ଜଣେ ସୁ ବକ୍ତା, ଶିକ୍ଷାବିତ, କବି ଓ ଲେଖକ ଥିଲେ । ସେ କେସିଙ୍ଗା ବିଦ୍ୟାପୀଠ, ବୋର୍ଡ଼ା ଜନତା ହାଇସ୍କୁଲର ପ୍ରଧାନ ଶିକ୍ଷକ ଥିଲେ। ଭବାନୀପାଟଣା ସତ୍ୟ ସାଇ ବିଦ୍ୟାମନ୍ଦିରର ହୋନ ରାରୀ ପ୍ରିନସିପାଲ ଭାବରେ କାର୍ଯ୍ୟ ତୁଲାଇ ଥିଲେ ଏବଂ ସେ ସମୟରେ ଓଷ୍ଟା ର ସଭାପତି ମଧ୍ୟ ଥିଲେ । ତାଙ୍କ ପିତୃ ଘର ମସିଗାଁ ଥିଲା। ଦୀର୍ଘ ଦିନରୁ ଭବାନୀପାଟଣା ରେ ପରିବାର ସହ ରହୁଥିଲେ। କିଛି ଦିନ ତାଙ୍କ ସ୍ୱାସ୍ଥ୍ୟ ଠିକ ନ ଥିବାରୁ ଭୁବନେଶ୍ୱର ସ୍ଥିତ ସମ ହସ୍ପିଟାଲରେ ଚିକିତ୍ସା ଚାଲି ଥିବାବେଳେ ଗତ ରାତି ପ୍ରାୟ ୯ଟା ୫୫ ମିନିଟ ରେ ଇହଧାମ ତ୍ୟାଗ କରିଥିଲେ । ତାଙ୍କର ବଡ଼ ପୁଅ ଇନ୍ଦୁ ଭୂଷଣ ସାହୁ, ଗତି ଭୂଷଣ, ବିଭୁତି ଭୂଷଣ ଅଛନ୍ତି, ପୂର୍ବରୁ ପ୍ରଧାନ ଶିକ୍ଷକଙ୍କ ଧର୍ମ ପତ୍ନୀଙ୍କ ମୃତ୍ୟୁ ହୋଇ ଥିଲା । ଆଜି ଭବାନିପାଟଣା ଠାରେ ତାଙ୍କ ଶବ ସଂସ୍କାର କରାଗଲା । ଏହିଭଳି ଶାନ୍ତ ସରଳ, ଉଦାର ହୃଦୟ,ଆଦର୍ଶ ଶିକ୍ଷକ ଆଗାମୀ ଦିନରେ ମିଳିବ ନାହିଁ, ସମାଜ ପାଇଁ ଏକ ଅପୂରଣୀୟ କ୍ଷତି ହୋଇଛି। ସେ ୮୪ ବର୍ଷ ରେ ଦେହତ୍ୟାଗ କରିଛନ୍ତି।
ହିନ୍ଦୁସ୍ଥାନ ସମାଚାର / ଜୟକୃଷ୍ଣ
