ଭୁବନେଶ୍ୱର, ୨୯ ଅଗଷ୍ଟ (ହି.ସ)- ଲୋକସଭାର ବିରୋଧୀ ଦଳ ନେତା ରାହୁଳ ଗାନ୍ଧୀଙ୍କ ବିହାରରେ “ ଭୋଟ ଅଧିକାର ଯାତ୍ରା ” ବର୍ତମାନ ବିପୁଳ ଜନ ସମର୍ଥନ ହାସଲ କରୁଛି। ଏହି ପରିପ୍ରେଷୀରେ ଅସହିଷ୍ଣ୍ଣୁ ବିଜେପି ଦଳ ହୀନ ଚକ୍ରାନ୍ତ କରି ରାଜ୍ୟରେ ହିଂସାକାଣ୍ଡ ଭିଆଊଛି। ଯାହାର ଊଦାହରଣ ଆଜି ବିହାରରେ ଘଟିଥିବା ଘଟଣାରୁ ଜଣାଯାଊଛି। ଗତକାଲି ରାହୁଳ ଗାନ୍ଧୀଙ୍କ ଭୋଟ ଅଧିକାର ଯାତ୍ରାକୁ ଭଣ୍ଡୁର କରିବା ପାଇଁ ବିହାରରେ ବିଜେପି ତାର ସଂଖ୍ୟାଲଘୁ ବିଭାଗର ଜଣେ କର୍ମୀଙ୍କୁ ନିୟୋଜିତ କରିଥିଲା। ଊକ୍ତ କର୍ମୀ ପ୍ରଧାନମନ୍ତ୍ରୀଙ୍କର ସ୍ୱର୍ଗୀୟା ମାଆଙ୍କୁ ଗାଳି ଦେଇଥିଲା। ସଦାକତ ଆଶ୍ରମ ଯାହା କି ଏବେ ପ୍ରଦେଶ କଂଗ୍ରେସ କାର୍ଯ୍ୟାଳୟ ଭାବେ କାର୍ଯ୍ୟ କରୁଛି ଏବଂ ଉକ୍ତ ଆଶ୍ରମ ଏକଦା ଭାରତର ପ୍ରଥମ ରାଷ୍ଟ୍ରପତି ଡକ୍ଟର ରାଜେନ୍ଦ୍ର ପ୍ରସାଦଙ୍କର ବାସଭବନ ଥିଲା। ସେଠାରେ ଆଜି ବିଜେପିର ଗୁଣ୍ଡାବାହିନୀ ପ୍ରବେଶ କରି ବ୍ୟାପକ ହିଂସାକାଣ୍ଡ ଭିଆଇବା ସହ ଭଙ୍ଗାରୁଜା କରିଥିଲେ।। ଏହି ଘଟଣାକୁ ପାଟନା ଗସ୍ତରେ ଥିବା ଓଡିଶା ପ୍ରଦେଶ କଂଗ୍ରେସ ସଭାପତି ଭକ୍ତ ଚରଣ ଦାସ ଆଜି ପାଟନାଠାରେ ବରିଷ୍ଟ କଂଗ୍ରେସ ନେତୃବୃନ୍ଦଙ୍କ ଉପସ୍ଥିତିରେ ସାମ୍ବାଦିକ ସମ୍ମଳନୀରେ ଦୃଢ ନିନ୍ଦା କରିଛନ୍ତି। ସେ କହିଛନ୍ତି ସାଧାରଣ ଜନତା ଏଭଳି ଘଟଣାରେ କେବେ ବି ବିଜେପିକୁ କ୍ଷମା ଦେବେ ନାହିଁ। ବିଜେପିର ଏହି ହୀନ ଚକ୍ରାନ୍ତ ଆଜି ସମସ୍ତଙ୍କ ସାମନାକୁ ଚାଲି ଆସିଛି। ବିଜେପିର ଅସଲ ଚରିତ୍ର ଓ ଚେହେରା ଆଜି ଆଉ କାହାକୁ ଅଛପା ନାହିଁ।
ବିହାରରେ ବିଜେପି ନିର୍ବାଚନ ଆୟୋଗକୁ ହାତବାରିସୀ କରି ଏସଆଇଆର ମାଧ୍ୟମରେ ଗରିବ, ଲୋକଙ୍କ ଭୋଟ ଅଧିକାରକୁ ଛଡାଇ ନେଇ ପୁନର୍ବାର କ୍ଷମତାସୀନ ହେବା ପାଇଁ ଏଭଳି ପ୍ରୟାସ କରିଛି ବୋଲି ଶ୍ରୀ ଦାସ କହିଛନ୍ତି। ଏଭଳି ଘଟଣାରେ ପୋଲିସ ଊପସ୍ଥିତ ଥାଇ ମଧ୍ୟ ନୀରବଦ୍ରଷ୍ଟା ସାଜିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ପୋଲିସର ଏଭଳି ବ୍ୟବହାର ସାଧାରଣ ଜନତାଙ୍କୁ ଭୟଭୀତ କରିଛି। ସେ କହିଛନ୍ତି ଯେ ବିଜେପିର ଗୁଣ୍ଡା ବାହିନୀ ଏଭଳି ଘଟଣା ଘଟେଇ ଆମ ପ୍ରିୟ ରାହୁଳ ଗାନ୍ଧୀଙ୍କୁ ଏବଂ କଂଗ୍ରେସକୁ ଭୟଭୀତ କରି ପାରିବେ ନାହିଁ। ଯେତେ ବାଧା ବିଘ୍ନ ଘଟିଲେ ବି ଭୋଟ ଚୋରି ପ୍ରସଙ୍ଗକୁ ନେଇ କଂଗ୍ରେସ ବିହାର ଏବଂ ସାରା ସାରା ଭାରତ ବର୍ଷରେ ଊଜାଗର କରିବ। ସୂଚନା ଯୋଗ୍ୟ ଯେ ପିସିସି ସଭାପତି ଶ୍ରୀ ଦାସ ରାହୁଳ ଗାନ୍ଧୀଙ୍କ ସହିତ ଭୋଟ ଅଧିକାର ଯାତ୍ରାରେ ସାମିଲ ହେବା ପାଇଁ ବିହାର ଗସ୍ତରେ ଅଛନ୍ତି।
---------------
ହିନ୍ଦୁସ୍ଥାନ ସମାଚାର / ବନ୍ଦନା
