ମାଲକାନଗିରି, ୨୯ ଅଗଷ୍ଟ (ହି.ସ.)- ମାଲକାନଗିରି ଜିଲ୍ଲା ମାଥିଲି ବ୍ଲକ ଅନ୍ତର୍ଗତ ଟେମୁ ରପାଲୀ ପଞ୍ଚାୟତ ସ୍ଥିତ ଉଚ୍ଚ ବିଦ୍ୟାଳୟ ପରିସରରେ କ୍ଲଷ୍ଟର ପୂର୍ବତନ ସିଆରସିସି ମଧୁସୂଦନ ନାୟକ ଓ କୁକୁରକୁଣ୍ଡୁ ବିଦ୍ୟାଳୟର ପୂର୍ବତନ ପ୍ରଧାନ ଶିକ୍ଷକ ଜିତେନ୍ଦ୍ର ମହାନ୍ତିଙ୍କୁ ବିଦାୟକାଳୀନ ସମ୍ବର୍ଦ୍ଧନା ଜଣାଇବା ପାଇଁ ପଞ୍ଚାୟତ ସ୍ତରରେ ସିଆରସିସି ସତ୍ୟବ୍ରତ ବେହେରାଙ୍କ ପ୍ରତ୍ୟେକ୍ଷ ତତ୍ବାବଧାନରେ ଆୟୋଜନ ହୋଇଥିଲା। ଆୟୋଜିତ ସଭାରେ ସ୍ଥାନୀୟ ସରପଞ୍ଚ ତୁମ୍ଭେଶ୍ୱର ସମରଥ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ପ୍ରଧାନ ଶିକ୍ଷକ ଭାବେ ୨୦୨୨ ମସିହାରେ ଶ୍ରୀ ମହାନ୍ତି କୁକୁରକୁଣ୍ଡୁ ଉଚ୍ଚ ପ୍ରାଥମିକ ବିଦ୍ୟାଳୟ ରେ ଯୋଗଦେଇଥିଲେ। ତତ୍ ପରଠାରୁ ବିଦ୍ୟାଳୟ ପରିସରରେ ବିଭିନ୍ନ ଉନ୍ନୟମୂଳକ କାର୍ଯ୍ୟ ବାଡ଼ ସହ ଅତିରିକ୍ତ ଶ୍ରେଣୀ ଗୃହ ବିଭିନ୍ନ ପ୍ରକାରର ଗଛ ଲଗାଇ ସବୁଜ ମୟ କରିଥିଲେ। ଶିକ୍ଷା ବିମୁଖ ଛାତ୍ର ଛାତ୍ରୀଙ୍କୁ ବିଦ୍ୟାଳୟ ଅଭିମୁଖି କରିବା ଶ୍ରେୟ ସରପଞ୍ଚ ଦେଇଥିଲେ। ସେହିପରି ପାଞ୍ଚ ବର୍ଷ ଅବଧିରେ ସିଆରସିସି ଭାବେ ମଧୁସୂଦନ ନାୟକ ୨୦୧୯ ରେ ଯୋଗଦେଇ ଦେଇଥିଲେ। ତାଙ୍କ ସମୟରେ ପଞ୍ଚାୟତର୧୧ ଗୋଟି ବିଦ୍ୟାଳୟର ବହୁ ଉନ୍ନୟନ ମୂଳକ କାର୍ଯ୍ୟ କରିବା ପାଇଁ ପ୍ରୋତ୍ସାହିତ କରୁଥିଲେ। ସେ ଏଥିପାଇଁ ବ୍ଲସ୍ତରୀୟ ଓ ଜିଲ୍ଲାର ଶ୍ରେଷ୍ଠ ସିଆରସିସି ଭାବେ ୨୦୨୪-୨୦୨୫ ବର୍ଷରେ ମୁଖ୍ୟମନ୍ତ୍ରୀ ପୁରସ୍କାର ପ୍ରାପ୍ତ କରିଥିଲେ। ୨୦୧୭ ରେ ଜିଲ୍ଲାସ୍ତରୀୟ ପୁରସ୍କାରପ୍ରାପ୍ତ ହୋଇଥିଲେ। ସରପଞ୍ଚଙ୍କ ସମେତ ପଞ୍ଚାୟତର ସମସ୍ତ ଶିକ୍ଷକ ଶିକ୍ଷୟିତ୍ରୀ ବୃନ୍ଦ ତାଙ୍କ କାର୍ଯ୍ୟ ଓ ସମୟର ଗୁଣ ଗାନ କରିଥିଲେ। ଏହି ଅବସରରେ ଆୟୋଜିତ ସଭାକୁ ନାରାୟଣ ବେହେରା ପରିଚାଳନା କରିଥିଲେ। ମୁଖ୍ୟ ଅତିଥି ଭାବେ ସରପଞ୍ଚ ଶ୍ରୀ ସମରଥ ଯୋଗଦେଇଥିଲେ ଶ୍ରୀ ନାୟକଙ୍କୁ ଉପଢୌକନ ଦେଇ ସମ୍ମାନିତ କରିଥିଲେ। ସ୍ଵାଗତ ଭାଷଣ ଦିଲ୍ଲୀପ କୁମାର ଜେନା ଦେଇଥିଲାବେଳେ ସମ୍ମାନିତ ଅତିଥି ଭାବେ ପୂର୍ବତନ ସିଆରସିସି ସନ୍ତୋଷ କୁମାର ଗଣ୍ଡ ବ୍ଲକ ଭାରପ୍ରାପ୍ତ ବିଆରପି ତଥା ବରିଷ୍ଠ ଶିକ୍ଷକ ରତ୍ନାକର ପାଳ, ନିତ୍ୟାନନ୍ଦ ମହାଳିକ, ବୁଦ୍ଧଦେବ ବିନ୍ଧାଣୀ ପ୍ରମୁଖ ମଞ୍ଚାସିନ ଥିଲେ।
ଅନ୍ୟମାନଙ୍କ ମଧ୍ୟରେ ପଞ୍ଚାୟତ ର ବଶିଷ୍ଠ ଶିକ୍ଷକ ଶଙ୍କର ନାୟକ, ରମାକାନ୍ତ ମହାରଣା, ମନୋରଞ୍ଜନ ଆଡାକ, ପ୍ରଶାନ୍ତ କୁମାର ପଟ୍ଟନାୟକ, କଂଶଧର ମାଝୀ, ରଞ୍ଜିତ କେଶରୀ ମହାନ୍ତି, ସଞ୍ଜୟ କୁମାର ବିଷୋୟୀ, ସିପ୍ରା ବିଶ୍ୱାସ ନକୁଳ ଚନ୍ଦ୍ର ବିଶ୍ବାଳ,ପି ଜାନକୀ ରାଓ ପ୍ରମୁଖ ୪୦ ଜଣ ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇଥିଲେ ।
ହିନ୍ଦୁସ୍ଥାନ ସମାଚାର / ଶିବବ୍ରତ
