ଭୁବନେଶ୍ୱର, ୨୯ ଅଗଷ୍ଟ (ହି.ସ)- ବିଜେଡିରେ ଭିକେ ପାଣ୍ଡିଆନ ଓ ସୁଜାତା କାର୍ତିକେୟନଙ୍କୁ ନେଇ ଚର୍ଚ୍ଚା ପ୍ରସଂଗରେ ରାଜ୍ୟସଭା ସାଂସଦ ସୁଭାଶିଷ ଖୁଂଟିଆ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ନୂତନ ଓଡ଼ିଶା ଗଠନରେ ନବୀନ ପଟ୍ଟନାୟକଙ୍କ ଯେଉଁ ନିର୍ଦେଶ ଥିଲା ରୂପାନ୍ତରିତ କରିବାକୁ ଦୁଇ ଦମ୍ପତି ଉଦ୍ୟମ କରିଛନ୍ତି। ପୁରୀର ଅନେକ ବିକାଶ ହୋଇଛି। ମିଶନ ଶକ୍ତି ମାଧ୍ୟମରେ ମହିଳାଙ୍କ ବିକାଶ ହୋଇଛି। ମହିଳା ମାନେ ଝୁରୁଛନ୍ତି। ଯିଏ କାମ କରିଛି ତାଙ୍କୁ ପ୍ରଶଂସା କରିବାର ଆବଶ୍ୟକତା ଅଛି। ନୂତନ ଓଡ଼ିଶା ପାଇଁ ତାଙ୍କ ଅବଦାନ ରହିଛି, ଏକଥା ଅସ୍ୱୀକାର କରାଯାଇ ପାରିବନି। ଲୋକଙ୍କର ଜୀବନ ସାରା ମନେ ରହିବ। ଚର୍ଚ୍ଚାର କୌଣସି ମାନେ ନାହିଁ। ଯାହା ହେବ ସମସ୍ତେ ଜାଣିବେ। ଯିଏ ଭଲ କାମ କରିଛନ୍ତି ଲୋକେ ତାଙ୍କୁ ମନେ ପକାଉଛନ୍ତି। ନବୀନ ପଟନାୟକଙ୍କ ନିଷ୍ପତି ଅନୁସାରେ ସବୁ ଚାଲିଛି। ସେ ଯାହା ନିଷ୍ପତି ନେବେ ତାକୁ ସମସ୍ତେ ମାନିବେ।ସମସ୍ତଙ୍କ ନେଇ ଆଗକୁ ଚାଲିଛନ୍ତି ନବୀନ ପଟନାୟକ। ସବୁ ବରିଷ୍ଠଙ୍କୁ ଦଳ ସମ୍ମାନ ଦେଉଛି। ସମସ୍ତଙ୍କୁ ନେଇ ନବୀନ ବାବୁ ଚାଲିଛନ୍ତି ଆଗକୁ ବି ଚାଲିବେ।
ସେହିପରି ଉପରାଷ୍ଟ୍ରପତି ନିର୍ବାଚନରେ ବିଜେଡ଼ିର ଆଭିମୁଖ୍ୟ ନେଇ ସେ କହିଛନ୍ତି ସେପ୍ଟେମ୍ବର ୯ ରେ ନିର୍ବାଚନ ଅଛି। ନବୀନ ପଟ୍ଟନାୟକ ଠିକ ସମୟରେ ଠିକ ନିଷ୍ପତି ନେବେ। ନବୀନ ପଟ୍ଟନାୟକ ସବୁ ବେଳେ ରାଜ୍ୟର ସ୍ୱାର୍ଥ କଥା ଚିନ୍ତା କରିଚନ୍ତି। ରାଜ୍ୟରେ ସ୍ୱାର୍ଥ ଦୃଷ୍ଟିରୁ ଯାହା ଠିକ ତାହା ନିଷ୍ପତି ନେବେ ନବୀନ ପଟ୍ଟନାୟକ। ପ୍ରତି ମୁହୂର୍ତରେ ଓଡ଼ିଶା କଥା ଚିନ୍ତା କରୁଛନ୍ତି। ଓଡ଼ିଶା ସ୍ୱାର୍ଥ ଦୃଷ୍ଟିରୁ ନିଷ୍ପତି ନେବେ ସଭାପତି।
---------------
ହିନ୍ଦୁସ୍ଥାନ ସମାଚାର / ବନ୍ଦନା
