ନୂଆଦିଲ୍ଲୀ, 29 ଅଗଷ୍ଟ (ହି.ସ.)-ଭାରତୀୟ ଜନତା ପାର୍ଟି (ବିଜେପି)
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ବ୍ୟକ୍ତିଗତ ଆକ୍ରମଣକୁ ନିନ୍ଦା କରି ଏହାକୁ
ଗଣତନ୍ତ୍ରବିରୋଧୀ ଆଚରଣ ବୋଲି ବର୍ଣ୍ଣନା କରିଛି। ବିଜେପିର ରାଷ୍ଟ୍ରୀୟ ସାଧାରଣ ସମ୍ପାଦକ ତରୁଣ
ଚୁଗ ଶୁକ୍ରବାର ଦିଲ୍ଲୀରେ ପାର୍ଟି ମୁଖ୍ୟାଳୟରେ ଗଣମାଧ୍ୟମ ସହିତ ଆଲୋଚନା ବେଳେ କହିଛନ୍ତି ଯେ
ରାହୁଲ ଗାନ୍ଧୀ ଓ ତାଙ୍କ କଂଗ୍ରେସ ପାର୍ଟି ବାରମ୍ବାର ପ୍ରଧାନମନ୍ତ୍ରୀ ମୋଦିଙ୍କୁ ବ୍ୟକ୍ତିଗତ
ଆକ୍ରମଣ କରୁଛନ୍ତି।
ସେ କହିଛନ୍ତି ଯେ, ଯେତେବେଳେ ରାଜନୈତିକ ଭ୍ରଷ୍ଟାଚାର ଓ ବଂଶବାଦୀ ରାଜନୀତି ସାମ୍ନାକୁ ଆସିଛି, ସେତେବେଳେ ଆତଙ୍କ ଓ ନିରାଶାରେ ପ୍ରଧାନମନ୍ତ୍ରୀଙ୍କ ଦିବଙ୍ଗତ ମାଆଙ୍କୁ ମଧ୍ୟ ଟାର୍ଗେଟ
କରାଯାଇଛି। ଏହା କେବଳ ନିମ୍ନ ରାଜନୀତି ନୁହେଁ, ବରଂ ଜନତାଙ୍କ ପ୍ରତି
ମଧ୍ୟ ଅପମାନ।
ତାଙ୍କ କହିବା ଅନୁଯାୟୀ, ରାହୁଲ ଗାନ୍ଧୀ ଓ ଇଣ୍ଡି ମେଂଟର ନେତାମାନେ ଏହା ହଜମ କରିପାରୁନାହାନ୍ତି ଯେ, କିପରି ଏକ ଗରିବ ଘରର ପିଲା ଏତେ ବଡ଼ ପଦରେ ବସିଛି ଓ ତାଙ୍କ ନେତୃତ୍ୱରେ ଭାରତ ଏହି ଉନ୍ନତି
ଓ ବିଶ୍ୱଗୁରୁ ହେବା ଦିଗରେ ଅଗ୍ରଗତି କରୁଛି। ପ୍ରଧାନମନ୍ତ୍ରୀ ମୋଦି ତାଙ୍କ ଯୁବରାଜ ଓ ତାଙ୍କ
ଗ୍ରୁପର ବଂଶବାଦ ଓ ଘୃଣାର ଦୋକାନ ବନ୍ଦ କରିଦେଇଛନ୍ତି,ଏହି ହତାଶାରୁ ବାହାରି ପାରୁନଥିବା ଇଣ୍ଡି ମେଂଟର ନେତାମାନେ
ବର୍ତ୍ତମାନ ପ୍ରଧାନମନ୍ତ୍ରୀଙ୍କ ମାଆଙ୍କୁ ଅପମାନଜନକ ଶବ୍ଦ କହୁଛନ୍ତି, ଯାହା ଗଭୀର ଭାବେ ନିନ୍ଦନୀୟ।
ତରୁଣ ଚୁଗ ପଶ୍ଚିମବଙ୍ଗର
ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ମଧ୍ୟ ଆକ୍ରମଣ କରି ଦାବି କରିଛନ୍ତି ଯେ ସେ ବାଂଲାଦେଶୀ
ଅନୁପ୍ରବେଶକାରୀଙ୍କୁ ଭୋଟର୍ କରି ଓ ସେମାନଙ୍କ ମାଧ୍ୟମରେ ପଶ୍ଚିମବଙ୍ଗରେ ବିଭାଜନକାରୀ ରାଜନୀତି
କରୁଛନ୍ତି। ସେ ପଶ୍ଚିମବଙ୍ଗକୁ ଦ୍ୱିତୀୟ ବାଂଲାଦେଶ କରିବାକୁ ଚାହାଁନ୍ତି,
କିନ୍ତୁ ବିଜେପି ଏହା କେବେ ଘଟିବାକୁ ଦେବ ନାହିଁ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
30 Aug 2025