ଡେରାଡୁନ, 29 ଅଗଷ୍ଟ (ହି.ସ.)-ଉତ୍ତରାଖଣ୍ଡରେ ପୁଣିଥରେ
ବର୍ଷା ବିପଜ୍ଜନକ ରୂପ ଧାରଣ କରିଛି। ରୁଦ୍ରପ୍ରୟାଗ ଓ ଚମୋଲି ଜିଲ୍ଲାରେ ବାଦଲ ଫାଟିବା କାରଣରୁ ବ୍ୟାପକ
କ୍ଷୟକ୍ଷତି ହୋଇଛି। ଏହି ଘଟଣାରେ ଅନେକ ଲୋକ ଫସିଯାଇଥିବା ଓ ନିଖୋଜ ହୋଇଥିବା ସୂଚନା ମିଳିଛି।
ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ରିଲିଫ ଓ ଉଦ୍ଧାର କାର୍ଯ୍ୟକୁ ଦ୍ରୁତ ଓ ପ୍ରଭାବଶାଳୀ ଭାବେ କରିବା
ନିମନ୍ତେ ନିର୍ଦ୍ଦେଶ ଦେଇଛନ୍ତି।
ଉତ୍ତରାଖଣ୍ଡରେ ଲଗାତାର
ହେଉଥିବା ମୁଷଳଧାରାରେ ବର୍ଷା ପରିସ୍ଥିତିକୁ ଆହୁରି ଗୁରୁତର କରିଛି। ଗୁରୁବାର ସକାଳରୁ ଅବିରତ
ବର୍ଷା ହେଉଥିବାରୁ ଚମୋଲି ଜିଲ୍ଲାର ଦେୱାଳ ତହସିଲର ମୋପାଟା ଗାଁରେ ବନ୍ୟା ପରିସ୍ଥିତି ସୃଷ୍ଟି
ହୋଇଛି। ବନ୍ୟା ସହିତ ଆସିଥିବା ମାଟିରେ ମୋପାଟା ଗ୍ରାମର ତାରା ସିଂହ ଓ ତାଙ୍କ ପତ୍ନୀ ଲାପତା
ହୋଇଛନ୍ତି । ଏହି ଗାଁର ବିକ୍ରମ ସିଂହ ଓ ତାଙ୍କ ପତ୍ନୀ ଆହତ ହୋଇଛନ୍ତି। ୧୫ ରୁ ୨୦ଟି ପଶୁ ମାଟି
ତଳେ ଦବି ଯାଇଛନ୍ତି।
ଏହିସହିତ ରୁଦ୍ରପ୍ରୟାଗ
ଜିଲ୍ଲାର ବସୁକେଦାର ଉପତହସିଲ ଓ ଜଖୋଲି ବ୍ଲକ୍ର ଭିନ୍ନ-ଭିନ୍ନ ଅଞ୍ଚଳରେ ମଧ୍ୟ ପ୍ରବଳ ବର୍ଷା
କ୍ଷୟକ୍ଷତି କରିଛି । ଜଖୋଲି ବ୍ଲକର ଛେନାଗଡ଼ ବଜାର ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଛି । ଏଠାରେ
୧୮ ରୁ ୨୦ ଲୋକ ନିଖୋଜ ହୋଇଥିବା ସୂଚନା ମିଳିଛି। ଏହି ବ୍ଲକ୍ର କିମାଣା-ଦାନକୋଟ ଅଞ୍ଚଳରେ ବାଦଲ
ଫାଟିବା ଘଟଣାରେ ଧନସମ୍ପତିର କ୍ଷତିଗ୍ରସ୍ତ ହୋଇଛି। ଖଟୋଳି ଗ୍ରାମ ଓ ବଡ଼େଠ ଗ୍ରାମର ପ୍ରାଚୀନ
ମନ୍ଦିର ମଧ୍ୟ ଧ୍ଵଂସ ହୋଇଯାଇଛି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
30 Aug 2025