ପୁରୀ, ୩୦ ଅଗଷ୍ଟ (ହି.ସ.) - ପୁରୀଜିଲ୍ଲା ମୁଖ୍ୟ ଚିକିତ୍ସାଳୟରୁ ବାଇକ ଚୋରି ଅଭିଯୋଗରେ କୁମ୍ଭାରପଡ଼ା ଥାନା ପୋଲିସ ୪ଜଣଙ୍କୁ ଗିରଫ କରିବା ସହ ଦୁଇଟି ବାଇକ ଜବତ କରିଛି । ପୋଲିସ ସୂତ୍ରରୁ ପ୍ରକାଶ ଯେ ଗତକାଲି କୁମ୍ଭାରପଡା ଥାନାରେ ସନାତନ ସାହୁ ଅଭିଯୋଗ କରିଥିଲେ ଜିଲ୍ଲା ମୁଖ୍ୟ ଚିକିତ୍ସାଳୟ କ୍ୟାମ୍ପସରୁ ତାଙ୍କ ମୋଟରସାଇକେଲ କିଏ ଚୋରି କରି ନେଇଯାଇଛି । ପୋଲିସ ଏ ସମ୍ପର୍କରେ ଥାନା କେସ ନମ୍ବର ୩୯୫/୨୫ରେ ମାମଲା ରୁଜୁ କରି ଅନୁସନ୍ଧାନ ଜାରି ରଖିଥିଲା । ପୋଲିସ ରେଡ ସମୟରେ ଦୁଇଟି ବାଇକ ଜବତ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତ ମାନେ ହେଲେ ବଳଙ୍ଗା ଥାନା ମଠସାହି ସରସ୍ୱତୀପୁର ର ଚନ୍ଦନ ସ୍ୱାଇଁ (୨୫),ପୁରୀ ସଦରଥାନା ବଘା ର ଅଜୟ କୁମାର ଭୋଇ (୨୬), ରାମଚଣ୍ଡୀ ଥାନା ବାଁବରଡାର ପ୍ରକାଶ କୁମାର ବାରିକି (୨୭) ଓ ସେହିଥାନା ଅନ୍ତର୍ଗତ ବାଙ୍ଗର ଗ୍ରାମର ସଞ୍ଜୟ ମଲ୍ଲିକ (୨୧) ଙ୍କୁ ଗିରଫ କରି ଆଜି କୋର୍ଟ ଚାଲଣ କରାଯାଇଛି ।

ହିନ୍ଦୁସ୍ଥାନ ସମାଚାର / ବିଜୟ