ଆସ ସ୍କୁଲ୍ ଯିବା ପାଇଁ ନିଆରା ପ୍ରୟାସ

ଖୋର୍ଦ୍ଧା, ୩୦ ଅଗଷ୍ଟ (ହି.ସ.) - ଖୋର୍ଦ୍ଧା ବ୍ଳକ ଅନ୍ତର୍ଗତ ନରଣଗଡ କ୍ଲଷ୍ଟର୍ ତରଫରୁ ଆସ ସ୍କୁଲ୍ ଯିବା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି। କ୍ଲଷ୍ଟର୍ ଆଂଚଳିକ ସାଧନ କେନ୍ଦ୍ର ସଂଯୋଜକ ରାଜୀବ ଚରଣ ମହାପାତ୍ରଙ୍କ ତତ୍ୱାବଧାନରେ ସମସ୍ତ ବିଦ୍ୟାଳୟରେ ଆସ ସ୍କୁଲ୍ ଯିବା କମିଟି ଗଠନ କରାଯାଇ ଅଧାରୁ ପାଠ ଛାଡୁଥିବା ଓ ଆଦୌ ସ୍କୁଲ୍କୁ ଆସିନଥିବା ପିଲାମାନଙ୍କୁ ସ୍କୁଲ୍କୁ ଫେରାଇ ଆଣିବା ପାଇଁ ଯୋଜନା ପ୍ରସ୍ତୁତ କରାଯାଇଛି। ୬ ରୁ ୧୪ ବର୍ଷ ବୟସ ମଧ୍ୟରୁ ୩ ଜଣ ଭିନ୍ନକ୍ଷମ ଛାତ୍ର ଛାତ୍ରୀ ଓ ୧୫ ରୁ ୧୮ ବର୍ଷ ବୟସ ମଧ୍ୟରେ ଅନ୍ୟ ୧୬ ଜଣ ଛାତ୍ର ଛାତ୍ରୀ ମାନଙ୍କୁ ଚିହ୍ନଟ କରାଯାଇ ସମୁଦାୟ ୭ ଜଣ ଛାତ୍ର ଛାତ୍ରୀ ମାନଙ୍କୁ ଅଦ୍ୟାବଧି ମୁଖ୍ୟସ୍ରୋତରେ ସାମିଲ୍ କରାଯାଇଛି।ପରେ କ୍ଲୁଷ୍ଟର ସ୍ତରୀୟ କମିଟି ମଧ୍ୟରୁ ୧୨ ଜଣ ଛାତ୍ରଛାତ୍ରୀଙ୍କୁ ବିଦ୍ୟାଳୟକୁ ଫେରାଇ ଆଣିବା ଓ ସେମାନଙ୍କର ପାଠ ପଢା କୁ ସୁନିଶ୍ଚିତ କରିବା ପାଇଁ ପ୍ରୟାସ ଜାରି ରହିଛି।

ହିନ୍ଦୁସ୍ଥାନ ସମାଚାର / ରାକେଶ