କେନ୍ଦୁଝର, ୩୦ ଅଗଷ୍ଟ (ହି.ସ.)- କେନ୍ଦୁଝର ଜିଲ୍ଲାରେ ହାତୀ ଉପଦ୍ରବ ଥମିବାର ନାଁ ନେଉନାହିଁ। ଆଜି ସଦର ବ୍ଲକ ଅନ୍ତର୍ଗତ କେରି ଗ୍ରାମରେ ୯ ଟିକିଆ ହାତୀ ପଲ ଗତକାଲି ରାତିରୁ ଗ୍ରାମ ନିକଟରେ ଡେରା ପକାଇଛନ୍ତି। ଏହି ହାତୀ ପଲ ଧାନ ଫସଲ ଖାଇବା ସହ ନଷ୍ଟ କରି ନିକଟସ୍ଥ ଜଙ୍ଗଲକୁ ପଳେଇଛନ୍ତି । ଏହି ହାତୀ ପଲ ଯେତିକି ଖାଇ ନାହାଁନ୍ତି ସେତିକି ମାଡ଼ି ଦଳି ନଷ୍ଟ କରି ଦେଇଥିବା ନେଇ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ଫସଲ ନଷ୍ଟ ନେଇ କ୍ଷତିପୂରଣ ଦାବୀ କରିଛନ୍ତି ଗ୍ରାମବାସୀ।

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA