ଜୟପୁର, ୩୦ ଅଗଷ୍ଟ (ହି.ସ.)- ଜୟପୁର ବରିଷ୍ଠ ନାଗରିକ କଲ୍ୟାଣ ସଂଘ ତରଫରୁ ଆଜି ଦାବି ପତ୍ର ପ୍ରଦାନ କରାଯାଇଛି । ଜୟପୁର ଉପ ଜିଲାପାଳ ତଥା ପୌର କାର୍ଯ୍ୟନିର୍ବାହୀ ଅଧିକାରି ଆକା ବରମ ଶଶ୍ୟା ରେଡ୍ଡିଙ୍କୁ ପ୍ରଦାନ କରାଯାଇଛି । ଜୟପୁର ପୌରପାଳିକାରେ ପ୍ରଦାନ କରାଯାଇଥିବା ଦାବି ପତ୍ର ରେ ଜୟପୁର ସହରର ସାହି ଗଳିରେ କୁକୁରଙ୍କ ଦୌରାତ୍ମ ଯୋଗୁଁ ଅନ୍ୟତ୍ର ସ୍ଥାନାନ୍ତର କରିବା, ସାହି ଓ ଗଳି କନ୍ଦିର ବେଆଇନ ହମ୍ସ ହଟାଯିବା ନେଇ ଦାବି କରାଯାଇଛି । ଜୟପୁର ସହରରେ ବୁଲା କୁକୁର ଯୋଗୁଁ ସାଧାରଣ ଜନତା ଆକ୍ରୋଷର ଶୀକାର ହୋଉଛନ୍ତି । ଏହା ସହ ସାହି ଗଳିରେ ହମ୍ସ ରହିଥିବାରୁ ବରିଷ୍ଠ ନାଗରିକ ମାନେ ଯିବା ଆସିବା ସମୟରେ ଅସୁବିଧାର ସମ୍ମୁଖିନ ହେବା ସହ ସ୍ପାଇନ ପ୍ରୋବଲମର ଦେଖାଯାଉଛି । ତେଣୁ ଦୁଇଟି ଦାବିକୁ ପୌରପାଳିକା ଗୁରୁତର ସହ ନେଇ ସମସ୍ୟା ସମାଧାନ ପାଇଁ ଅନୁରୋଧ କରାଯାଇଛି । ଜୟପୁର ବରିଷ୍ଠ ନାଗରିକ କଲ୍ୟାଣ ସଂଘର ସଭାପତି ମିନ କେତନ ଦାସଙ୍କ ସଦସ୍ୟ ମାନେ ଉପସ୍ଥିତ ରହି ଦାବି ପତ୍ର ପ୍ରଦାନ କରିଥିଲେ ।
ହିନ୍ଦୁସ୍ଥାନ ସମାଚାର / ପିକେପି
