ବଲାଙ୍ଗୀର, ୩୦ଅଗଷ୍ଟ(ହି.ସ.) - ବଲାଙ୍ଗୀର ଜିଲ୍ଲା ମୁଖ୍ୟ ଚିକିତ୍ସାଳୟର ବରିଷ୍ଠ ଚକ୍ଷୁ ବିଶେଷଜ୍ଞ ଡା. ସୁନୀତା ହୋତାଙ୍କ ବାପା ବସନ୍ତ ହୋତା(୮୯)ଙ୍କ ପରଲୋକ ହୋଇଯାଇଛି। ବଲାଙ୍ଗୀର ତୁଳସୀନଗର ପଡ଼ା ସ୍ଥିତ ଜ୍ୱାଇଁ ଡ଼ା. ଗିରିଜା ଶଙ୍କର ଉଦଗାତା ଓ ଝିଅ ଡ଼ା. ସୁନିତା ହୋତାଙ୍କ ବାସଭବନରେ ଆଜି ସକାଳେ ତାଙ୍କର ଦେହାନ୍ତ ହୋଇଥିଲା। ସେ ସମ୍ବଲପୁର ଏଲ୍ଆର୍ ଲ’ କଲେଜର ଅବସରପ୍ରାପ୍ତ ଷ୍ଟେନୋ ସହ ମେଡିକାଲ କଲେଜ ପ୍ରିନ୍ସିପାଲଙ୍କ ପିଏ ଭାବରେ କାର୍ଯ୍ୟ କରିଥିଲେ। ସେ ଜଣେ ମିଷ୍ଟାଭାଷୀ, ସରଳ, ଧର୍ମ ପରାୟଣ ବ୍ୟକ୍ତି ଭାବେ ପରିଚିତ ଥିଲେ। ତାଙ୍କର ବଡ଼ ଝିଅ ଡ଼ା. ସୁଜାତା ହୋତା ମଝିଆ ଝିଅ ସୁଚିତ୍ରା ହୋତା ଓ ସାନ ଝିଅ ଡ଼ା. ସୁନିତା ହୋତା ବଡ଼ ଜ୍ୱାଇଁ ଡ଼ା. ବୀରେନ୍ଦ୍ର ପୁରୋହିତ, ସାନ ଜ୍ୱାଇଁ ଡ. ଗିରିଜା ଶଙ୍କର ଉଦଗାତା, ନାତୁଣୀ ଡ଼ା. ଅନ୍ୟାନ୍ୟ ଓ ଡ଼ା. ଅନ୍ୱେଷା ମୃତ୍ୟୁଶଯ୍ୟା ନିକଟରେ ଉପସ୍ଥିତ ଥିଲେ। ବିଭୁତି ପଡ଼ା ଶ୍ମଶାନରେ ତାଙ୍କର ଅନ୍ତିମ ସଂସ୍କାର ଅନୁଷ୍ଠିତ ହୋଇଥିଲା। ବଡ଼ ଝିଅ ସୁଜାତା ମୁଖାଗ୍ନି ଦେଇଥିଲେ। ଏଥିରେ ସହରର ବହୁ ଗଣ୍ୟମାନ୍ୟ ବ୍ୟକ୍ତି ଉପସ୍ଥିତ ରହି ଶ୍ରଦ୍ଧାଞ୍ଜଳୀ ଦେଇଥିଲେ।
ହିନ୍ଦୁସ୍ଥାନ ସମାଚାର/ଗୋପବନ୍ଧୁ/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
