ବଲାଙ୍ଗିର, ୩୦ ଅଗଷ୍ଟ (ହି.ସ.)-

ପଶ୍ଚିମ ଓଡିଶାର ପବିତ୍ର ଗଣପର୍ବ “ନୂଆଁଖାଇ” ଅବସରରେ ଗୋପାଳଜୀ ସଂଗଠନ କୁଶଙ୍ଗ ତରଫରୁ “ନୂଆଁଖାଇ ଭେଟଘାଟ” ସ୍ଥାନୀୟ ଜଗନ୍ନାଥ ମନ୍ଦିର ପ୍ରାଙ୍ଗଣରେ ଅନିଷ୍ଠିତ ହୋଇଯାଇଛି। ଉକ୍ତ ଅବସରରେ ଅପରାହ୍ନରେ ଅନୁଷ୍ଠିତ ସାସ୍କୃତିକ ସଭାରେ କୁଶଙ୍ଗ ଗ୍ରାମର ଗୌନ୍ତିଆ ବୃନ୍ଦାବନ ପଟେଲ ମୁଖ୍ୟ ଅତିଥି ଭାବରେ ଯୋଗଦେଇଥିଲା ବେଳେ ସମାଜସେବୀ ଗୋଲକ ବିହାରୀ ପଟେଲ ସମ୍ମାନିତ ଅତିଥି ଭାବରେ ଉପସ୍ଥିତ ଥିଲେ। ଏହି ଅବସରରେ କୁଶଙ୍ଗ ଗ୍ରାମରୁ ପ୍ରଥମକରି ଓଡିଶା ପ୍ରଶାସନିକ ସେବା ପରୀକ୍ଷାରେ କୃତକାର୍ଯ୍ୟ ହୋଇଥିବା ଅଙ୍କିତ ନାଏକ, ଅଞ୍ଚଳ ମହାବିଦ୍ୟାଳୟ ପଦ୍ମପୁରର ଅବସରପ୍ରାପ୍ତ ଅଧ୍ୟକ୍ଷ ଲଲିତ ମୋହନ ପଣ୍ଡା, କଣ୍ଠଶିଳ୍ପୀ ଶିବାନନ୍ଦ ତ୍ରିପାଠୀ, ଶିକ୍ଷକ ରାହାସ ବିହାରୀ ପଟେଲ, ସଙ୍ଗଠକ ଦୁତୀୟା ଦେହେରୀ, ଅବସରପ୍ରାପ୍ତ ସେନାବାହିନୀ ହାବିଲଦାର ନିରୋଜ ଦେହେରୀ, ପଞ୍ଚାୟତ ନୋଡାଲ ଉଚ୍ଚ ବିଦ୍ୟାଳୟ କୁଶଙ୍ଗରୁ ଚଳିତବର୍ଷ ମାଟ୍ରିକ ପରୀକ୍ଷାରେ ସର୍ବୋଚ୍ଚ ମାର୍କ ରଖିଥିବା ଧର୍ମେଶ ପଟେଲ ଏବଂ ଦୋଳପୂର୍ଣିମାରେ ପ୍ରତିବର୍ଷ ରାଧାକୃଷ୍ଣଙ୍କ ବିମାନ ବହନ କରୁଥିବା ଉକ୍ତବୃନ୍ଦ ସଞ୍ଜିତ ପଟେଲ, ଲବ ପଟେଲ , ସଙ୍କୀର୍ତ୍ତନ ପଟେଲ, ସୂର୍ଯ୍ୟ ରଣା, ଦୁର୍ଜନ ଦ୍ଵାରୀ ଓ ସର୍ଜନ ଦ୍ଵାରୀ ପ୍ରମୁଖଙ୍କୁ ସଂଗଠନ ତରଫରୁ ସମ୍ବର୍ଦ୍ଧିତ କରାଯାଇଥିଲା। ଏହି ଅବସରରେ ଅନୁଷ୍ଠିତ ବିଭିନ୍ନ ପ୍ରତିଯୋଗୀତା ଚିତ୍ରାଙ୍କନ, କ୍ଯାରମ, ମାଠିଆପିଟା, ମ୍ୟୁଜିକ ଚେୟାର, ନାଚ ଓ ଗୀତର କୃତୀ ପ୍ରତିଯୋଗୀମାନଙ୍କୁ ପୁରସ୍କୃତ କରଯାଇଥିଲା ।

ଉକ୍ତ କାର୍ଯ୍ୟକ୍ରମକୁ ପ୍ରେମାନନ୍ଦ ପଟେଲ ଓ ଫିରୋଜ ଦେହେରୀ ସଂଯୋଜନା କରିଥିବା ବେଳେ ସଂଗଠନର ସଭାପତି ବିବେକାନନ୍ଦ ପଟେଲ ସମ୍ପାଦକ ନିରଞ୍ଜନ ବଡମାଳୀ ଏବଂ ସଂଘର ସଭ୍ଯ ଉଦ୍ଧବ ସା, ସୁବାଷ ଚନ୍ଦ୍ର ପଟେଲ, ସୁଶାନ୍ତ ପଟେଲ, ବନବିହାରୀ ପଟେଲ, ବିରେନ୍ଦ୍ର ପଟେଲ, କାର୍ତ୍ତିକ ଭୋଇ, ବିଭୁତି, ଦୟା, ଶ୍ରୀତମ, ଜିତୁ, ବିଶାଳ, ବିହାରୀ, ପ୍ରୀତମ, ଦେବେନ୍ଦ୍ର, ଅଙ୍କିତ, ଆଶିଷ, ଦେବାଶିଷ, ବିଶ୍ଵଜିତ, ଅଭିଷେକ, ଆଶୀର୍ବାଦ, ମୋହନ, ମହାଦେବ, ଟିଟୁନ, କାଳିଆ, ଡାକ୍ତର, ସଂଜୀବ, ସୂରଜ, ସୁଗମ, ସୁବ୍ରତ, ଭବାନୀ, ରିଲୁ, ଶିତୁ,ବୈକୁଣ୍ଠ, ବିମଳ, ଗୋବିନ୍ଦ, ମନୋଜ, ଅମିତ, କରୁଣା, ଆନନ୍ଦ ପ୍ରମୁଖ ପରିଚାଳନାରେ ସହଯୋଗ କରିଥିଲେ। ବାଦ୍ୟଯନ୍ତ୍ରରେ ହରି ନାଏକ ଓ ସୁଜଳ ଚିରଗୁନ ସହଯୋଗ କରିଥିଲେ। ବିଳମ୍ବିତ ରାତ୍ରି ପର୍ଯ୍ୟନ୍ତ ଦର୍ଶକମାନେ ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିଥିଲେ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ