ବଲାଙ୍ଗିର, ୩୦ ଅଗଷ୍ଟ (ହି.ସ.)

ବଲାଙ୍ଗିର ଜିଲାର ପୁଇଁତଳା ବ୍ଳକ ଅନ୍ତର୍ଗତ ଭାଲେର ଠାରେ ନୁଆଁଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ଗାଁର ଗଣେଷ ପୂଜା କମିଟୀ ପକ୍ଷରୁ ନାଚ ଗିତ ଆସର ଜମିଥିଲା । ପ୍ରଥମ ଥର ପାଇଁ ଗାଁରେ ନୁଆଁଖାଇ ଭେଟଘାଟର ଆୟୋଜନ କରାଯାଇଥିଲା ଜୁନିୟର ଏବଂ ସିନିୟର ନାଚ ଏବଂ ଗୀତ ପ୍ରତିଯୋଗିତାରେ ପ୍ରାୟ ପଚାଶରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରି ନିଜର ସୁନ୍ଦର ନାଚଗୀତରେ ମସଗୁଲ କରିଥିଲେ । ମୁଖ୍ୟ ଅତିଥି ଓମ ପ୍ରକାଶ କୁମ୍ଭାର, ଅତିଥି ଟିଙ୍କୁ କୁମ୍ଭାର ପ୍ରମୁଖ ମଞ୍ଚାସୀନ ଥିଲେ । କୃତି ପ୍ରତିଯୋଗୀମାନଙ୍କୁ କମିଟୀ ତରଫରୁ ପ୍ରମାଣପତ୍ର ଦେଇ ପୁରସ୍କୃତ କରାଯାଇଥିଲା । ଟିକି କୁମ୍ଭାର ମଞ୍ଚ ପରିଚାଳନା କରିଥିଲେ । କମିଟୀର ସଭାପତି ପ୍ରମୋଦ କୁମ୍ଭାର, ଉପ ସଭାପତି ଶ୍ୟାମ ମହାନନ୍ଦ, ସମ୍ପାଦକ ରଘୁନାଥ କୁମ୍ଭାର ଏବଂ କମିଟୀର ଜିତ, ଇନ୍ଦ୍ର, ରାଜା, ଅଶୋକ, ମନ, ରାଜେଶ, ପୀତବାସ ମୋତିଲାଲ, ମୁକେଶ, ବିକାଶ, ରହିତ, ରୁପେଶ, ସାହିଲ ରୋଶନ ଦେବ, ସୁନୀଲ,ସନତ ଅନ୍ୟାନ୍ୟ ସଦସ୍ୟ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ । ଶେଷରେ ଟିକି କୁମ୍ଭାର ଧନ୍ୟବାଦ ଅର୍ପଣ କରିଥିଲେ ।

ହିନ୍ଦୁସ୍ଥାନ ସମାଚାର / ଗୋପବନ୍ଧୁ