କେନ୍ଦୁଝର, ୩୦ ଅଗଷ୍ଟ (ହି.ସ.) - ଆସନ୍ତା କାଲି କେନ୍ଦୁଝରଗଡ ପୌରପାଳିକା ୭୫ ତମ ସ୍ୱାୟତ ଶାସନ ଦିବସ ପାଳିବାକୁ ଯାଉଛି। ସହରର ଦ୍ରୁତ ବିକାଶ ସହ ରାସ୍ତାଘାଟ ନିର୍ମାଣ କରିବାକୁ ପୌରପାଳିକା ପ୍ରତିଶ୍ରୁତି ଦେଇଥିଲା। କିନ୍ତୁ ଦୀର୍ଘ ତିନି ବର୍ଷ ପରେ ମଧ୍ୟ ସହରର ୮୦ ଭାଗ ରାସ୍ତା ଘାଟ କଚ୍ଚା ରହିଛି। ବିଶେଷ କରି ମାଧପୁର ରୁ ମଣ୍ଡୁଆ ମୁଖ୍ୟ ସଡ଼କ ରାସ୍ତା ଅବସ୍ଥା ନକହିଲେ ଭଲ। କେଉଁଠି ରାସ୍ତା ରୁ ପିଚୁ ଉଠି ଖାଲ ହୋଇ ଗଲାଣି ତ କେଉଁଠି ହମ୍ପସ ପାଇଁ ରାସ୍ତା ନଷ୍ଟ ହୋଇଗଲାଣି। ବିଶେଷ କରି ଏହାକୁ ସଂଯୋଗ କରୁଥିବା ରାସ୍ତା ଗୁଡ଼ିକ ନଷ୍ଟ ହୋଇ ସହରବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏନେଇ ପୌରପାଳିକା ପୂର୍ତ ବିଭାଗ ସମନ୍ୱୟ ନଥିବା ନେଇ ଆଲୋଚନା ହେଉଥିବା ବେଳେ ପୌରପାଳକା ଅଧିକାରୀ ଙ୍କ ପ୍ରତିକ୍ରିୟା ମିଳିପାରି ନାହିଁ।

ହିନ୍ଦୁସ୍ଥାନ ସମାଚାର / SANTOSH KUMAR MOHAPATRA