ଘଟଗାଁ, ୩୦ ଅଗଷ୍ଟ (ହି.ସ.)-
ଘଟଗାଁ ବ୍ଲକର ବିଭିନ୍ନ ଗାଁ ଗୁଡିକରେ ଏବେ ବ୍ୟାପୁଛି ଗୋ - ବସନ୍ତ। ଚିକିତ୍ସା ପରେ ଏହି ରୋଗ ବ୍ୟାପିବା ସହ ଗାଈ, ବଳଦ ଓ ବାଛୁରୀ ହୋଇ ଯାଉଛନ୍ତି ଦୁର୍ବଳ। ଏହା କେଉଁ କାରଣ ଓ କାହିଁକି ବ୍ୟାପୁଛି କାରଣ ଅସ୍ପଟ। ପ୍ରାଣୀ ଚିକିତ୍ସକ ସ୍ୱତନ୍ତ୍ର ଗାଡ଼ିରେ ଗାଁ ଗୁଡିକ ଭ୍ରମଣ କରି ଟିକା ଦେଉଥିଲେ ସୁଧା ଏବେ ମଣତା, ତରା, କୋଳିପୋଷି ଓ ବେଢାପାଳ ଭଳି ଅନେକ ଗାଁ ରେ ଗାଈ ଗୋରୁ ମାନଙ୍କ ଦେହରେ ଏହି ରୋଗ ଦେଖିବାକୁ ମିଳୁଛି। ପ୍ରଥମେ ଦେହରେ ଗୋଲି ଗୋଲି ହେଉଛି ପରେ ଜ୍ୱର ହେବା ସହିତ ଗୋଡ଼ ଦରଦ ହେଉଥିବା ଲକ୍ଷ୍ୟ ରହୁଛି। ମେଡ଼ିସିନ ଓ ଇଞ୍ଜେକ୍ସନ ଦେଲେ ସୁଦ୍ଧା ଦେହ ସାରା ବାହାରି ସେଗୁଡିକ ଫାଟି ଘା ହେଉଛି। ଡିଆଁ ରୋଗ ପରି ଗୋଟିଏ ଗାଈ କିମ୍ବା ବାଛୁରୀ ଠାରୁ ଅନ୍ୟ ଏକ ଗାଈ ବଳଦଠାରେ ଏହି ରୋଗ ସୃଷ୍ଟି ହେଉଛି। ଏଣୁ ଏଥିପ୍ରତି ତୁରନ୍ତ ଦୃଷ୍ଟି ଦେଇ ଉନ୍ନତ ମାନର ଚିକିତ୍ସା ଯୋଗାଇ ଦେବାକୁ ସାଧାରଣରେ ଦାବୀ ହେଉଛି।ନହଲେ ଆଗାମୀ ଦିନରେ ଗାଁ ଗୁଡିକରେ ସମସ୍ତ ଗାଈ ଗୋରୁଙ୍କୁ ବ୍ୟାପିବାର ସମ୍ଭାବନା ଅନେକ ରହୁଛି।
ହିନ୍ଦୁସ୍ଥାନ ସମାଚାର / ଘନଶ୍ୟାମ
