କୋରେଇ, ୩୦ ଅଗଷ୍ଟ(ହି.ସ) - ଅପହରଣ ଓ ଅସାଦାଚରଣ ଅଭିଯୋଗରେ ଆଜି ପାଣିକୋଇଲି ପୁଲିସ ଜଣେ ଯୁବକକୁ ଅଦାଲତ ଚାଲାଣ କରିଛି । ପ୍ରକାଶଯେ ପାଣିକୋଇଲି ଥାନା ଅନ୍ତର୍ଗତ ବଡବିରୁହାଁ ଗ୍ରାମର ଅନନ୍ତ ସେଠୀ ତାଙ୍କ ଝିଅ ବର୍ଷା (୨୨)କୁ ତାଙ୍କ ସର୍ମ୍ପକୀୟ ବିବାହିତ ଯୁବକ ଯାଜପୁର ଜିଲ୍ଲା ବରୀ ରାମଚନ୍ଦ୍ରପୁର ଥାନା ଅନ୍ତର୍ଗତ କଳାଖଣ୍ଡ, ଇସାନପୁର ଗ୍ରାମର ଗଦାଧର ସେଠୀଙ୍କ ପୁଅ ସୁରେଶ ସେଠୀ ଓରଫ ସୁରିୟା (୨୫) ଅପହରଣ କରିଥିବାର ଅଭିଯୋଗ ଗତ ୨୮ ତାରିଖ ଶଙ୍ଖଚିଲା ଫାଣ୍ଡିରେ କରିଥିେଲେ । ଏନେଇ ଏକ ମାମଲା ୨୮୬/୨୫ ରୁଜ୍ଜୁ କରାଯିବ ସହ ତଦନ୍ତ ଜାରିରହିଥିଲା । ଫାଣ୍ଡି ଅଧିକାରୀ ଦେବ ମହାନ୍ତି କଟକ ଜଗତପୁର ଅଂଚଳରୁ ଉଭୟଙ୍କୁ ଉଦ୍ଧାର କରିଥିଲେ । ବର୍ଷାକୁ ଅପହରଣ ପରେ ତାକୁ ନେଇ ଭଡା ଘରେ ରଖି ଜବରଦସ୍ତ ଅସାଦାଚରଣ ଚରଣ କରିଥିବାର ଅଭିଯୋଗ ହୋଇଥିଲା । ଏନେଇ ଉଭୟଙ୍କୁ ଡାକ୍ତରୀ ପରୀକ୍ଷା କରିବା ସହ ବର୍ଷାର ୧୬୪ ବୟାନ ରେକର୍ଡ କରାଯାଇଥିଲା । ଅପହରଣ ଅସାଦାଚରଣ ଅଭିଯୋଗରେ ସୂରୟାକୁ ଆଜି ଦଫା ୧୪୦(୩)/୬୪/(୨)(ଏମ)୩୫/(୨) ବିଏନଏସରେ ଗିରଫ କରାଯାଇ ଅଦାଲତ ଚାଲାଣ କରାଯିବା ସହ ବର୍ଷାକୁ ତାର ପରିବାରକୁ ହସ୍ଥାନ୍ତର କରାଯାଇଥିବା ପୁଲିସ ସୂତ୍ରରୁ ପ୍ରକାଶ ।
ହିନ୍ଦୁସ୍ଥାନ ସମାଚାର / ଭାନୁ ଚରଣ
