କେନ୍ଦ୍ରାପଡ଼ା, ୩୦ ଅଗଷ୍ଟ(ହି.ସ.) – ଜିଲ୍ଲା ଓଷ୍ଟାର ସଭାପତି ଅଶୋକ କୁମାର ପରିଡାଙ୍କ ନେତୃତ୍ୱରେ ଶିକ୍ଷକ ନେତାମାନେ ଏକ ପଟୁଆରରେ ଯାଇ ଜିଲ୍ଲା ଶିକ୍ଷା ଅଧିକାରୀଙ୍କ ମାଧ୍ୟମରେ ମହାମହିମ ରାଷ୍ଟ୍ରପତି, ପ୍ରଧାନମନ୍ତ୍ରୀ, କେନ୍ଦ୍ର ଶିକ୍ଷାମନ୍ତ୍ରୀ, ରାଜ୍ୟପାଳ, ଓଡିଶାର ମୁଖ୍ୟମନ୍ତ୍ରୀ, ଓଡିଶା ସରକାରଙ୍କ ଉଦେଶ୍ୟରେ ପ୍ରଦାନ କରିଅଛନ୍ତି । ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀଣି ସ୍ୱାଗତିକା ସ୍ୱାଇଁ ଉକ୍ତ ଦାବିପତ୍ର ଗ୍ରହଣ କରିଥିଲେ । ଏହି ପଟୁଆରରେ ରାଜ୍ୟଓଷ୍ଟାର ସମ୍ପାଦକ ଶିକ୍ଷକ ନେତା ପ୍ରଣବ କୁମାର ଜେନା, ରାଜ୍ୟକାର୍ଯ୍ୟ କାରିଣୀ ସଦସ୍ୟ ଅଶୋକ କୁମାର ମହାପାତ୍ର, ଅଲୋଷ୍ଟାର ରାଜ୍ୟ ଉପସଭାପତି ଧନେଶ୍ୱର ପାତ୍ର, କେନ୍ଦ୍ରାପଡା ଜିଲ୍ଲା ଓଷ୍ଟା ଯୁଗ୍ମ ସଂପାଦକ ଅଲେଖ କୁମାର ମହାନ୍ତି, ଟିଟିକାନ୍ତ ନାୟକ, କାର୍ଯ୍ୟକାରି ସଭାପତି ବାବାଜି ଚରଣ ଦାସ, ବ୍ଲକ ସଂପାଦକ ଅରବିନ୍ଦ ନାୟକ, ମଳୟ କୁମାର ପାଣି, ଗଗନ ବିହାରୀ ସୂତାର, ନାରାୟଣ ପଣ୍ଡା, ଅକ୍ଷୟ କୁମାର ମହାନ୍ତି, ନାରୀ ନେତ୍ରୀ ମଧୁଚ୍ଛନ୍ଦା ନାଥଶର୍ମା, ଦୀପ୍ତିମୟି ରାଉତ, ଶିକ୍ଷକ ନେତା ଚିତରଞ୍ଜନ କବି, ପଙ୍କଜ କୁମାର ବେହୁରା, ରାଜକିଶୋର ନାୟକ, ଶିବପ୍ରସାଦ ବଳ, ସନ୍ତୋଷ କୁମାର ବରାଳ, ଅଲୋଷ୍ଟା ଜିଲ୍ଲା ସଂପାଦକ ଅଶୋକ କୁମାର ସାହୁ, ଜିଲ୍ଲା ସଭାପତି କରୁଣା କର ଭଳ, ମଦ୍ରାସା ଶିକ୍ଷକ ନେତା ସୟଦ କମର ଅଲ୍ଲୀ, ଏମ୍ଡି ମୁଜାଫର ଖାଁ, ରବିନ୍ଦ୍ର କୁମାର ଦାସ, ଦିଲ୍ଲିପ କୁମାର ରାଉତ ପ୍ରମୁଖ ଉପସ୍ଥିତ ଥିଲେ । ଏହି ପାଂଚଦଫା ଦାବି ଗୁଡିକ ହେଲା ଅଣଅନୁଦାନ ପ୍ରାପ୍ତ୧୯୪ ବିଦ୍ୟାଳୟ ସମେତ ମହାବିଦ୍ୟାଳୟର ଅନୁଦାନରୁ ବଂଚିତ ଶିକ୍ଷକ ଓ କର୍ମଚାରୀଙ୍କୁ ଅନୁଦାନ ପ୍ରଦାନ, ନୂତନ ଅନୁଦାନପ୍ରାପ୍ତ ବିଦ୍ୟାଳୟ ଓ ମହାବିଦ୍ୟାଳୟର ଶିକ୍ଷକ କର୍ମଚାରୀମାନଙ୍କୁ ଚାକିରୀ ସର୍ତାବଳୀ ସହ ପେନ୍ସନ୍ ପ୍ରଦାନ ସମସ୍ତ ବିଦ୍ୟାଳୟ ଓ ମହାବିଦ୍ୟାଳୟକୁ ସରକାରୀକରଣ, ଅବସର ବୟସ ସୀମା ୬୦ରୁ ୬୨କୁ ବୃଦ୍ଧି, ଗ୍ରେଡ୍ ପେରେ ଥିବା ଅସଂଗତି ଦ୍ୱରୀକରଣ ଓ ୨୦୧୩ ମଧ୍ୟରେ ନିଯୁକ୍ତି ପାଇଥିବା ଚୁକ୍ତିଭିତିକ ଶିକ୍ଷକ, ଶିକ୍ଷିକା ମାନଙ୍କୁ ୬ଟି ନୋସନାଲ ଇନକ୍ରିମେଣ୍ଟ ସହ ବରିଷ୍ଠତା ପ୍ରଦାନ କରିବା।
ହିନ୍ଦୁସ୍ଥାନ ସମାଚାର/ରବି/ବୀଣାପାଣି
.......................................
ହିନ୍ଦୁସ୍ଥାନ ସମାଚାର / ରବି
