ପୁରୀ, ୩୦ ଅଗଷ୍ଟ (ହି.ସ.) - ପୁରୀର ପ୍ରସିଦ୍ଧ କ୍ରୀଡା ଅନୁଷ୍ଠାନ ଝାଡେଶ୍ୱରୀ କ୍ଲବ ଠାରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଛି । ଶ୍ରୀ ମା ଯୋଗ ମନ୍ଦିର ଓ ହେଲଥ ପଏଣ୍ଟ ମିଳିତ ସହଯୋଗରେ ଏହି ଉତ୍ସବ ପାଳିତ ହୋଇଥିଲା । ପ୍ରଥମ ରାଜ୍ୟସ୍ତରୀୟ ସଂଗୀତ ଯୋଗାସନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ବିଭିନ୍ନ ବର୍ଗର ପ୍ରତିଯୋଗୀ ମାନଙ୍କ ମଧ୍ୟରେ ମିନି, ଉପ କନିଷ୍ଠ, କନିଷ୍ଠ, ବରିଷ୍ଠ, ଏବଂ ବୟସ୍କ ପ୍ରାୟ ୧୫୦ ଜଣ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ। କିଟ୍ ବିଶ୍ୱବିଦ୍ୟାଳୟର ଯୋଗ ପ୍ରାଧ୍ୟାପକ ଡଃ ଶାନ୍ତାମତି ଦାଶ, ଜାତୀୟ ବିଚାରକ ମମତା ମହାନ୍ତି,ସଞ୍ଜୟ କୁମାର ପଣ୍ଡା, ସରୋଜ କୁମାର ମହାପାତ୍ର ଓ ଝାଡେଶ୍ୱରୀ କ୍ଲ ର ବରିଷ୍ଠ ପ୍ରଶିକ୍ଷକ ସଞ୍ଜୟ କୁମାର ମିଶ୍ରଙ୍କୁ ଯୋଗ ଶ୍ରୀ ସମ୍ମାନରେ ସମ୍ମାନିତ କରାଯାଇଥିଲା । ଗିରିଜା ଶଙ୍କର ଶତପଥୀ, ରଞ୍ଜନ କୁମାର ପାତ୍ର, ବସନ୍ତ କୁମାର ଖିଲା,ର୍ ଦିଲ୍ଲୀପ କୁମାର ଦାଶ,ଇଂ ମନସ୍ୱୀନୀ ମିଶ୍ର ଙ୍କୁ ସୁ ବିଚାରକ ସମ୍ମାନ ପ୍ରଦାନ କରାଯାଇଥିଲା । ପ୍ରତିଯୋଗୀତା କୁ ମଧୁଛନ୍ଦା ସ୍ୱାଇଁ, ପରିବେଶବିତ ସରୋଜ କୁମାର ଜେନା, ଆନ୍ତର୍ଜାତୀୟ ଯୋଗବିତ ନିଖିଳ କୁମାର ଦଳାଇ,ଝାଡେଶ୍ୱରୀ କ୍ଲବ ର ସମସ୍ତ କର୍ମକର୍ତା ଓ ସମ୍ପାଦକ ପାର୍ଥ ସାରଥି ମହାପାତ୍ର ପ୍ରମୁଖ ପରିଚାଳନା କରିଥିଲେ । ଶ୍ରୀ ମା ଯୋଗ ମନ୍ଦିର ର ଲିପିନା ପାତ୍ର, ଝୁମୁନା ପାତ୍ର,ଅନୀତା ପାତ୍ର,ଶ୍ୱେତଲିନା ପାତ୍ର,ସଂଘମିତ୍ରା ସେଠି,ପ୍ରଭାତୀ ହୋତା,ଅଂଜଳି କାନୁନ୍‌ଗୋ,ରୁଚିମିତ୍ରା ଜଗଦ୍ଦେବ ଓ ମୀନତି ସାହୁଙ୍କୁ ଯୋଗ ଜାଗ୍ରୁତି ସମ୍ମାନ ପ୍ରଦାନ କରାଯାଇଥିଲା । ଶେଷରେ ତପସ୍ୱିନୀ ସେଠୀ,ଦେବଶ୍ରୀ ରଥ,ଶ୍ୱସ୍ତିକ ରଞ୍ଜନ ରଣସଂହ,ପି ରାହୁଲ କୁମାର ରାଓ, ସ୍ରୁଷ୍ଟି ସିଗ୍ନଧା ବେହେରା ,ସୁନୀତା ମାଝୀ, ବନୀତା ଦୀକ୍ଷିତ, ପ୍ରଭାତୀ ହୋତା,ଆଲୋକ ପ୍ରଧାନ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ସମସ୍ତ ବିଭାଗର ପ୍ରଥମ ସ୍ଥାନ ଅଧିକାର କରିଥିବା ପ୍ରତିଯୋଗୀଙ୍କୁ ପୁରସ୍କାର ଓ ଟ୍ରଫି ପ୍ରଦାନ କରାଯାଇଥିଲା । ଶେଷରେ ସଞ୍ଜୟ କୁମାର ମିଶ୍ର ଯୋଗାସନ ର ମହତ୍ୱ ପ୍ରଦାନ କରିବା ସହିତ ଧନ୍ୟବାଦ ଅର୍ପଣ କରିଥିଲେ ।

ହିନ୍ଦୁସ୍ଥାନ ସମାଚାର / ବିଜୟ